Jesaja 30:32 - O Debleskro Lab 2024 (Sinte-Manouche)

³² Oun pash haki dap, hoy o baro Devel ko kashteha ap lende tele dell, dell bashepen ap i tikne pauke oun harfe. Yaake dell lo len trad oun kourell pes lentsa an o kourepen.

O Debleskro Drom 2021 (Sinte)

³² Un pash haki dap, hoi o baro Dewel ko kashteha ap lende tele dell, dell bashepen ap i tikne pauke un harfe. Jaake dell lo len trad un kurell pes lentsa an o kurepen.

Jesaja 30:32 Referans Kwoze

Jesaja 11:15

Oun o baro Devel moukell i kotar o baro panyestar pash o them Egiptia trouk te vell. Oun leskro vast moukell i zorelo tato dourho pral o pani Eufrat te djal, te ačenn lestar kokres efta tikne panya pral, hoy nashenn, yaake te nay djan le pengre kirrhentsa koy vergel.

Jesaja 19:16

Ap ko dives darenn i Egiptarya har djouvya; yon trissenn i trashatar glan o baro Debleste, ko rayeste pral o bolepen oun i phoub, ap ko dives, kay hadell lo peskro vast, te dell lo len.

Jesaja 2:19

Ap ko dives, kay o baro Devel pre stell, te anell lo i traash pral i phoub, khatrenn pen i menshe an i grotte, mank i bare barra oun an i phoub, i daryatar o baro Debleskri rholyatar oun glan leskro raylo barepen.

Hebrearja 12:26

An o phouro tsiro trissas i phoub, har o Devel rakras. Kanna penell lo: An ko tsiro, hoy vella, trissell i phoub i vavar kopo, oun gar i phoub kokres, na-a, ninna o bolepen trissella.

Ezekiel 32:10

Ap ko tsiro, kay vell miri phagi ap toute, ačenn lenge i balla tardo. Oun lengre raya trissenn i daryatar, te dikenn le, hoy touha krau. Te hadau miro rharo glan lende, trissenn le o tselo tsiro. Hakeno darell peskro djipaske.

Jesaja 30:29

T'mer, o Debleskre menshe, givenna gilya, har pash i baro rhapen an i rat, kay sharenn o Debles oun givenn leske. T'mer venn yaake barhtelo, har te djans bashepah pre ap i berga o baro Deblestar, kay ap o Israeleskri rig hi.

Jesaja 24:8

I bashepangre denn bouder gar ap i pauke. O gipen oun o khelepen vell bouder gar shounlo. Kek bashrell bouder ap i doryengre bashepangre.

Hiob 16:12

Djivom an o lačepen, har o Devel das man khetne. Yob tapras man ap miri meen, oun vitsras man tele. Yob čivas man yaake pre, te dell lo ap mande karye.

1. Samuel 10:5

Pal kova veh tou pash o foro Gibea-Elohim, kay i lourde i Filistarendar yak denn. Te veh tou kote an o foro, dikeh tou, har Debleskre rakepangre i berga tele venn. Oun glan kolende hi bashepangre, kay bashrenn ap doryengre bashepangre oun ap phourdepangre, oun denn ap tikne pauke. Oun i Debleskre rakepangre rakrenn o Debleskro rakepen vin.

1. Mose 31:27

Hoske nashal touke čorrhanes? Hoske rhorhral man oun penal mange gar, kay kameh touke te djal? Barhteles djoms me t'mentsa i kotar peha ap o drom i gipah oun i bashepah.

1. Samuel 18:6

Ap ko dives, kay i lourde pale van, oun o David o Filistares moulo das, koy nashan i djouvya vin dran i tsele forya an o them Israel, te venn le pash o baro rayeste Saul. Oun yon givan oun khelan, dan gole i barhtyatar, oun dan ap pengre tikne pauke, oun bashran ap pengre bashepangre.

Jesaja 10:24

Doleske penell o baro Devel, ko ray pral o bolepen oun i phoub, ap peskre menshende, kay ap i berga Sion djivenn: Ma darenn i lourdendar dran o them Assour, ninna te denn le t'men pengre kashtentsa oun hadenn len pre, te denn le t'men trad, yaake har kova i Egiptarya ninna kran.

Jesaja 24:1

I dives vella, kay lell o baro Devel o djipen i phoubyatar krik. Oun i phoub vell i moulo them. Oun kova, hoy ap late tardo hi, vitsrell lo trouyel. Oun i menshe venn kate te kote tradedo:

Jeremia 31:4

Israel, miri pirni! Me krau tout pale baro. Toutar vell pale i natsyona. Tou kress tout pale shoukar, bashress oun djas vin ap o khelepen.

Ezekiel 28:13

Tout his i shoukar djipen, har te djivals an o Debleskri bar Eden. Ap toute his hake kouč barra: Rubin, Topas, Diamant, Krisolit, Onyx, Yaspis, Safiro, Karfunkel oun Smaragdo. Kol barra his an shoukar kerdo sonakay dren pandlo, oun touke koy, te less len ap ko dives, kay boldo val.

2. Familjakro liil 32:8

O baro ray dran Assour rikrell pes ap i menshengri zoor. Pash mende hi o baro Devel, kay maro Devel hi. Yob vell menge ap i rig oun kourell pes menge.” Oun i menshe rikran pen ap kol laba, hoy lengro baro ray, o Hiskiya, lenge penas.

Jesaja 10:26

Palle dau len i čoupniyah, me, o baro Devel, ko ray pral o bolepen oun i phoub, yaake har dom an o phouro tsiro i menshen dran o them Midian pash ko baro bar, hoy kharell Oreb. Oun me hadau miro kasht yaake pral o baro pani, har krom an o them Egiptia.

Jesaja 31:4

Kava hi, hoy rakras o baro Devel ap mande: I levo – nay vell i phouro, nay vell i terno – hoy i firhes tapras, moukell pes gar lestar krik te tradell. Yob dell gole oun darell gar kolendar, kay ap i firhende yak dan, oun kanna khetne kharedo van, oun bari gole ap leste denn. Ninna te hi kolla boud, trashell lo lendar gar. Yaake vau me, o baro Devel, ko ray pral o bolepen oun i phoub, tele ap i berga Sion, te kourap man mire menshenge.