Jesaja 30:27 - O Debleskro Lab 2024 (Sinte-Manouche)

²⁷ Dikenn, o baro Devel vella foun doural. Leskri rholi hi baro, oun i pesso yagakro dourho vell dran leskro nak. Pherdi rholi hi leskro rakepen. oun leskri čip hi har i yag hoy lauter pre rhačrell.

O Debleskro Drom 2021 (Sinte)

²⁷ Dikenn, o baro Dewel wella fun dural. Leskri choli hi baro, un i pesso jagakro ducho well dran leskro nak. Pherdi choli hi leskro rakepen. un leskri tchip hi har i jag hoi lauter pre chatchrell.

Jesaja 30:27 Referans Kwoze

Hebrearja 12:29

Ma bistrenn, maro Devel hi yaake har i zoreli yag!

2. Tessalonikarja 2:8

palle sikrell pes ko čilačo mensho, har yob čačepah hi. Koles marell maro ray Yezous ap ko dives, kay vell lo pale. Yob phourdell ap leste, oun kova merella.

Zefanja 3:8

Doleske djinenn, penell o baro Devel, ko dives vell, kay vau me, oun rakrau o čačepen vin pral i phoub. Me lom mange glan, te anap i menshen khetne dran vavar themma ap i phoub, te čorap miri rholi pral lende vin. Ava, miri zoreli rholi, hoy rhačell har i yag, vell pral i tseli phoub oun rhal lat pre.

Daniel 7:9

Oun me dikom har bare rayengre beshepangre pre-čiddo van. Oun yek, kay boud phouro his, beshas pes. Leskro ripen his parno har gib. Oun leskre balla ap leskro shero his parno har bakrengro bal. Oun leskri beshepaskri his har i bari yag. Oun i rade tel i beshepaskri his har i yag, hoy pre oun tele djal.

Jesaja 66:14

T'mer dikenn kova, oun t'mare djia givenna. Oun t'mer lenn nevi zoor, yaake har o zenlepen, te dell brishin. Oun i menshe dikenn, te hi o baro Debleskri zoor pash peskre boudepangre, oun leskri rholi ap kolende, kay shounenn gar ap leste.

Jesaja 59:19

Palle taprell i daar i menshen ap i tseli phoub glan o baro Debleste oun leskro raylepen. Yob vella har i divyo zorelo pani hoy nashella, koles o dourho o baro Deblestar glan peste phourdell.

Jesaja 34:9

Oun kol panya, hoy nashenn an o them Edom, venn har pesso kalo djet, oun leskri phoub rhačrell oun vell djelti yagakri čik. Ko tselo them vell pesso kalo djet,

Jesaja 33:12

Kol menshe an vavar themma venn rhačedo, te ačell či har parni yagakri čik. Har soubyengre bourra, hoy tele dino van, venn le rhačedo an i yag.

Jesaja 10:5

Havi bibarht vell ap i menshende an o them Assour! Har homs rhoyedo ap o Israel, his i Assirya har i kasht an miro vast, koleha i Israelitaryen dom.

Jesaja 9:5

I ternepen vas menge boldo, i morsh čavo vas men dino. Kova vell i baro ray, oun kharell: lačo rakepaskro, zorelo Devel, dad-hako-tsireske, ray-kay-lell-o-kourepen-krik.

Debleskri gili 79:5

Baro Devel, har rah ačell tiri rholi ap mende? Har rah rhačrell li har i yag?

5. Mose 33:2

O baro Devel vas oun rakras mentsa pash i berga Sinay. Yob vas yaake har o kham pre djal pral i berge Seir. Mer dikam leskro raylepen har hams pash i berga Paran. Khetne leha van boud zerya bolepangre. Ap leskri čači rig his i yag.

5. Mose 32:22

Miri rholi rhačell pre har i yag, oun rhačrell i tseli phoub, oun halauter, hoy ap late bares vas, oun rhačell tele bis an o telstunepen, oun vell bis tele pash i berge.

5. Mose 4:24

Yob hi i zoreli yag, hoy halauter pre rhačrell, oun kamell, te kamenn t'mer les kokres.

Jesaja 13:5

Dran dour themma venn le koy, i palstouni rigyatar i phoubyatar. O baro Devel vell kolentsa, kay leskri rholi pral o tselo them anenna, te krenn le halauter paash.

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Jesaja 66:15

Dik, o baro Devel vell an i yag, oun leskre vourdya hi har i zorelo phourdepen. Yob dell len lengro čilačepen pale i bari rholyah, oun leskro čingepen hi har yag, kay rhačrell.

Jeremia 4:4

Rikrenn t'men ap i laba, hoy t'mentsa vin krom! Oun krenn t'mare djia mange pre, t'mer menshe an Youda oun Yerusalem. Te krenn kova gar, vell miri rholi pral t'mende har yag, oun rhačella yaake, te nay krell kek koy yag vin.

Ezekiel 22:31

Doleske čorau miri rholi vin pral lende. Miri tati rholi vell pral lende har i yag, oun yon merenn. Yaake anau lengro čilačepen pale ap lengro shero. Kova penell o baro Devel, maro ray.

Daniel 7:10

Oun i lengsti yag das lestar karye vin. Oun leske boudran zerya kope zerya. Oun deesh-zerya kope deesh-zerya his glan leste tardo. Oun i čačepangre raya beshan pen, oun i lila van pre kerdo.

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.