Jesaja 30:23 - O Debleskro Lab 2024 (Sinte-Manouche)

²³ Palle dell o baro Devel brishin ap o djob, hoy tou ap tiro kotar phoub vin vitsral. Oun tiri phoub anell yaake boud djob vin, te vell tout boudeder har doha maro. Oun tire firhen vell doha zenlepen te rhal ap i bourhlo zenelo them.

O Debleskro Drom 2021 (Sinte)

²³ Palle dell o baro Dewel brishin ap o djob, hoi tu ap tiro kotar phub win witsral. Un tiri phub anell jaake bud djob win, te well tut budeder har doha maro. Un tire viechen well doha senlepen te chal ap i buchlo senelo them.

Jesaja 30:23 Referans Kwoze

Jesaja 32:20

har barhtele nay venn t'mer, kay nay vitsrenn t'maro djob vin pash hake panya, oun nay moukenn t'mare groumya oun bourike kote djan oun rhan, kay le kamenn.

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.

Maleachi 3:10

Anenn o deshto kotar halauterestar, hoy dren lan, an miro kheer, te vell doha rhapen an miro kheer. Oun dikenn, hoy me palle t'menge krau: Me krau miri vorhni an o bolepen pre, oun dau t'men boud lačo koova, boudeder har t'men hounte vell. Ko penell o baro Devel, ko ray pral o bolepen oun i phoub.

Zakarie 10:1

Mangenn o baro Deblestar, te dell lo brishin ap o čačo tsiro. Kova hi o baro Devel, kay krell i pesse volke, oun dell t'men doha brishin halautereske, hoy ap i phoub bares vell.

Jesaja 58:11

Oun hako tsireske sikrell tout o baro Devel tiro drom. Ninna te djiveh an o moulo tato them, dell lo tout doha djipaske, oun dell tout nevi zoor. Palle hal tou har i baar, kolat hako tsiro doha pani hi, ava, har i pani, hoy dran i phoub pre djal, oun koleskro pani hako tsiro nashell.

Debleskri gili 36:8

Har raylo hi tiro lačepen, miro Devel! I menshe venn pash toute, te rikress tire vasta pral lende, har i čirklo rikrell peskre moussya pral peskre terne.

1. Mose 41:18

Oun dikom, kay van dran o pani efta thoulle oun shoukar groumya vin. Kolla rhan o zenlepen pash o pani.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

Jesaja 4:2

I tsiro vella, kay krell o baro Devel peskro them Israel raylo oun shoukar. Oun kolla, kay pral ačan oun an o them djivenn, hi barhtelo pral ko boud lačo koova, hoy i phoub vin anell. Oun vavar menshe sharenn len koleske.

1. Mose 41:26

Kol efta shoukar groumya hi efta bersha. Oun kol efta shoukar halme mit djob hi ninna efta bersha. Kova hi yek souni.

Hosea 4:16

I menshe an Israel hi har i divyi groumni, oun moukenn pen či te penell. Har nay krals o baro Devel lentsa, har te vans le tikne bakre, oun nay anals len vin ap i bourhlo kotar phoub, te hatsenn le kote zenlepen?

1. Mose 41:47

Oun o them das boud djob an kol efta lače bersha.

Jesaja 10:27

Ap ko dives lau t'men vin dran i vasta kolendar dran o them Assour, te nay rikrenn le t'men bouder gar tele. Palle han bouder gar lengre pandle boudepangre. I lourde dran o them Assour djan pre an Rimmon,

Jesaja 65:21

Yon čivenn penge khera pre tardo, oun djivenn dren. Oun yon čivenn penge drakengre rouka an i phoub oun rhan lengre drake.

3. Mose 25:19

Oun o them anell t'menge yaake boud vin, te hi t'men doha rhapaske. Oun t'mer nay djivenn an kava them, oun t'men hounte vell kek daar.

3. Mose 26:3

Te djivenn yaake, har me t'mendar kamau oun rikrenn kova hoy me penom,

3. Mose 26:5

Ko tsiro kay t'mer o djob vin denn, djal bis te vell ko tsiro, kay činenn i drake tele. Oun ko tsiro, kay činenn i drake tele, djal bis te vell ko tsiro, kay vitsrenn o djob pale vin an i phoub. Oun t'men vell boudeder har doha rhapen. Kek krell t'menge čilačepen.

5. Mose 11:14

Palle dell yob o brishin ap t'maro them an peskro tsiro, an o niyal oun an o vend, te nay anenn t'maro djob dren, ninna t'mari mool oun djet.

Debleskri gili 67:7

I phoub moukas lačo rhapen bares te vell; o Devel, maro Devel das men barht.