Jesaja 29:20 - O Debleskro Lab 2024 (Sinte-Manouche)

²⁰ Zorele raya, kay i vavaren tele rikran, nashrenn pengri zoor. Oun i pre-phourde hi bouder gar koy. Oun maredo venn halauter, kay kaman i bibarht pral i vavarende te anell,

O Debleskro Drom 2021 (Sinte)

²⁰ Sorele raja, kai i wawaren tele rikran, nashrenn pengri soor. Un i pre-phurde hi buder gar koi. Un maredo wenn halauter, kai kaman i bibacht pral i wawarende te anell,

Jesaja 29:20 Referans Kwoze

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

Louka 16:14

Kol Farisarya shounan kova lauter. Yon his pal i love, oun yon san pral o Yezouseste.

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Jesaja 29:5

Ap yek kopo venn kol boud boud lourde, kay ap t'mende djan, krik phourdedo har i stauba. Oun kol zorele kourepangre hi har o phouss, hoy krik phourdedo vell oun bouder gar koy hi. Yaake sik, har yek i yakentsa dell,

Jesaja 13:3

Me, o baro Devel, dom mire zorele kourepangren khetne gole. Kolla, kay hadenn man barhteli golyah, čivom mange ap i rig, te anenn le miri rholi pral lende.

Debleskro tsiro 12:10

Oun me shounom i zorelo rakepen an o bolepen, hoy penas: Kanna las men maro Devel dran o bengeskro vast vin. Maro Devel sikras peskri zoor, oun vas o ray pral i tsele menshende ap i phoub. Oun yob das peskri tseli zoor koles, kay yob vin rodas, te vell lo o baro ray pral halauter. Tele vitsedo hi ko phoukepaskro, kay anas i doosh ap mare phralende glan o Debleste o dives oun i rati.

Louka 23:35

Oun i menshe, kay koy pashel tardo his, dikan kova lauter, hoy o Yezouseha djas. Kol pralstoune bibolde, kay kote tardo hi, san pral leste, oun penan: “Vavaren las yob dran o merepen vin. Te hi lo čačepah o Kristo, ko baro ray, kones o Devel vin rodas, te vell lo pash mende, palle nay djals yob o troushelestar tele.”

Louka 23:11

Oun o Herodes oun leskre lourde san pral leste, rivan leske i rayeskri plaashka an, oun moukan les pale pash o Pilateste te anell.

Louka 6:7

I biboldengre čačepangre oun i Farisarya dikan ap o Yezouseste, oun poučan pendar: “Krell lo kava morshes ap o Debleskro dives sasto?” Yon kaman čomone ap leste pre te anell, te anenn le les nay glan i čačepangre.

Daniel 7:7

Oun pal kova dikom an kava dikepen koy rati i starto firhes, hoy čilačeder oun divyeder his har kol vavar. Les his boud zoor oun sasterne danda, rhas troul peste oun dandras lauter paash. Oun kova, hoy pral ačas, stakras lo peskre pirentsa tel peste khetne. Oun yob his vavarčandes har kol vavar firhe, hoy glan leste his. Oun les his deesh shinga.

Jesaja 51:13

Bistran t'mer o baro Debles, kova, kay t'men kras? Yob hi kova, kay o bolepen bourhles pral i phoub kras, oun i phoub pre čivas. Hoske darenn t'mer o tselo tsiro glan i rholi kolendar, kay rikrenn t'men tele oun kamenn t'men te marell? Lengri rholi nay taprell t'men gar!

Jesaja 49:25

Kava hi kova, hoy vell, penell o baro Devel: Ninna ko zorelo morsheske venn leskre pandlen krik lino. Oun kolen, hoy ko zorelo ray randas, venn leske krik tserdedo. Kolla, kay kourenn pen touha, kolentsa kourau me man, oun tire čaven lau dran lengre vasta vin.

Debleskri gili 10:18

Oun tou deh o čačepen i čorvelenge oun kolenge, kay len kek dad bouder hi, yaake te nay krell bouder kek mensho i vavarenge daar ap kay phoub.

Gosewe laba 21:24

Ko baro-mouyeskro, kay dikell tele ap i vavarende, vell pre-phourdo kharedo. Yob patsell, te nay krell lo lauter oun kek les pale rikrell.

Jesaja 13:11

O baro Devel penell: Me anau bibarht ap i phoub, oun moukau o tselo čilačepen, hoy i čilače kran, ap lende pale te vell. I pre-phourden hi bouder či, koleha nay sharenn le pen. Oun me krau kol pre-phourden tikno, kay rikran pengri zoryah kolen tele, kay len kek zoor hi.

Micha 2:3

Doleske penell o baro Devel ap lende: Kanna hom me, kay lell pes čilačo koova glan, hoy anau ap t'maro kheer! Vell yaake, har te vals i dori troul t'mari meen, oun t'mer nay tserdenn t'maro shero bouder gar vin, oun rikrenn les bouder gar pre. Savo čilačo tsiro vell pral t'mende.