Jesaja 29:1 - O Debleskro Lab 2024 (Sinte-Manouche)

¹ Djungeles djal t'menge an o foro Ariel, ko foro, kay o David djivas! Djungeles djal t'menge, ninna te moukenn gar tele oun venn hako bersh, te rikrenn t'mare bare divessa!

O Debleskro Drom 2021 (Sinte)

¹ Djungeles djal tumenge an o foro Arijel, ko foro, kai o David djiwas! Djungeles djal tumenge, ninna te mukenn gar tele un wenn hako bersh, te rikrenn tumare bare diwessa!

Jesaja 29:1 Referans Kwoze

2. Samuel 5:9

Yaake djivas o David an kava zorelo kheer oun das les ko lab Davideskro foro. Oun yob kras boudeder khera oun kras o foro bourhleder kotar, kay o Millo his bis mashkral an o foro.

Hosea 9:4

Kote nay anenn le kek mool o baro Debleske. Oun ap kol firhe, hoy le leske marenn, dikell lo gar lačes. O rhapen, hoy le kote rhan, hi pale-čiddo, oun krell hakenes pale-čiddo, hoy kova rhal – yaake har ko maro, hoy an i kheer hi, kay yek meras. Lengro maro nay rhan le pash pende kokres, oun nay anenn či an o baro Debleskro kheer.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

Hosea 5:6

Palle venn le pengre bakrentsa oun pengre groumyentsa, te anenn le len o baro Debleske, te vell yob lenge lačes. Oun yob sikrell lenge o doumo, te nay hatsenn le les gar.

Jesaja 66:3

Kova, kay mange i gouroum marell, marell ninna i menshes i rhorheno debleske. Kova, kay mange i terno bakro temerl dell, marell ninna i djoukles i rhorheno debleske. Kova, kay mange rhapen glan anell, anell ninna balengro rat i rhorheno debleske. Kova, kay mange soungepaskro koova rhačrell, parkrell pes ninna pash i rhorheno debleste. Yon djan pengre dromma yaake har yon les kamenna. Oun shoukar hi an lengre yaka, hoy an mire yaka djoungeles hi.

Hebrearja 10:1

Kova, hoy an o Moseskre lila činlo hi, sikrell men gar o tselo bolepaskro bravlepen, hoy kamell o Devel i menshende te dell. Na-a, i tikno kotar kolestar. Kolla, kay anenn marede firhen glan o Debleste, venn gar doleske čačo oun erligo glan leskre yaka. Te vans le čačo oun erligo, hounte anans le gar hako bersh pale firhen glan leste.

Jesaja 31:9

Oun lengre zorele kourepangre hi har moulo i trashatar, oun lengre pralstoune moukenn koy pre-čiddi plarhta, hoy lengro sikepen his. Kova penell o baro Devel, kay ap i berga Sion khere hi, kay leskri yag rhačell. Oun leskro bob hi an o foro Yerusalem.

Jeremia 7:21

Kova penell o baro Devel, ko ray pral o bolepen oun i phoub, kay hi o Israeleskro Devel: Hoske rhačrenn t'mer firhen mange? Čivenn len pash kol vavarende, hoy rhan t'mer khetne glan mande! Rhan ko tselo mass!

Jesaja 5:12

Yon moukenn penge mishto te djal oun krenn bashepen ap doryengre bashepangre oun phourdepangre oun vavar bashepangre. Oun mool hi ninna pashel. Ap kova, hoy o baro Devel krell, dikenn le gar. Kolestar kamenn le či te djinell.

Jesaja 29:9

Krenn doureder, har te vans dinelo an o shero! Krenn doureder, har te vans korelo ap i douy yaka! T'mer han mato – oun piyan kek mool. T'mer perenn yek rigyatar ap i vavar – oun piyan kek zorelo pipen.

Jesaja 29:13

O baro Devel, maro ray, penas: Kal menshe sharenn man labentsa. Lengre čipya hadenn man. Lengre djia hi dour krik mandar. Te mangenn le man an, rakrenn le palla, hoy lenge glan penlo vas.

3. Mose 23:4

Kalla hi i bare divessa, kay venn t'mer khetne, te vell o baro Devel sharedo. Denn kal divessa vin gole ap pengro tsiro.