Jesaja 28:29 - O Debleskro Lab 2024 (Sinte-Manouche)

²⁹ Ninna kava djal vin o baro Deblestar, ko rayestar pral o bolepen oun i phoub. Kova, hoy yob peske glan las, hi yaake shoukar, te ačell menge o rakepen krik. Oun leskro gosvepen hi baro.

O Debleskro Drom 2021 (Sinte)

²⁹ Ninna kawa djal win o baro Deblestar, ko rajestar pral o bolepen un i phub. Kowa, hoi job peske glan las, hi jaake shukar, te atchell menge o rakepen krik. Un leskro goswepen hi baro.

Jesaja 28:29 Referans Kwoze

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Hiob 5:9

Yob hi kova, kay krell boud baro oun zorelo koova, hoy kek hayvell oun kek vavar nay krell.

Jeremia 32:19

Tou leh touke baro koova glan, oun hoy kreh, hi zorelo. Oun tire yakentsa dikeh i tsele dromma i menshendar, te dess hakenes pal kova, har yob djivas oun hoy lo kras.

Debleskri gili 40:5

Barhtelo hi ko mensho, kay rikrell pes ap o baro Debleste, oun djal gar kolentsa, kay hi pre-phourde oun rhorhene.

Debleskri gili 92:5

Kova, hoy tou kral, baro Devel, moukell man barhteles te givell. Kova, hoy tire vasta lauter kran, sharau me.

Hiob 37:23

Pash leste, ko zoreleste, nay vah mer gar. Leskri zoor hi baro. Hako tsiro krell lo, hoy mishto hi, oun dell hakeneske peskro čačepen.

Gosewe laba 8:14

Mire labentsa sikrau yekeste o drom, oun krau leskre yaka pre. Djinau, hoy mishto oun gar mishto hi, oun man hi i zoor.

Jesaja 28:28

Vell o djob yaake vin dino, te djal lo paash? Na-a, kova vell i tikno tsiro dino. Oun te oulerell o harho peskre grayentsa koy pral, krell lo kova gar yaake rah, te ačell či pral.

Jesaja 31:2

Ninna yob hi gosevo oun djinell hoy lo krell. Yob bičrell i bibarht, oun lell gar peskre laba pale, kolentsa yob len trad das. I čilačen dell lo i phagi oun ninna kolen, kay lenge ap i rig van.

Debleskri gili 92:6

Baro Devel, havo baro koova kral tou! Hi phares menge te hayvas, hoy touke an o shero djal.

Debleskri gili 118:23

O baro Devel kras kova. Oun kova hi menge i baro koova, hoy hayvah gar.

Jesaja 41:20

Kova vell yaake, te dikenn i menshe oun hayvenn, oun dikenn dren oun djinenn: Dran i zoor o baro Deblestar vas kova yaake. Ava, o Israeleskro čačo Devel kras kava halauter.