Jesaja 26:9 - O Debleskro Lab 2024 (Sinte-Manouche)

⁹ Ratsyake djal miro dji touke palla, o dourho an mande rodell tout taysarlake. Te kreh tou o čačepen vin ap i phoub, palle dikenn lauter, kay ap i phoub djivenn, hoy čačepen hi.

O Debleskro Drom 2021 (Sinte)

⁹ Ratsjake djal miro dji tuke palla, o ducho an mande rodell tut taissarlake. Te kreh tu o tchatchepen win ap i phub, palle dikenn lauter, kai ap i phub djiwenn, hoi tchatchepen hi.

Jesaja 26:9 Referans Kwoze

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Debleskri gili 119:62

Mashkral an i rat stau me pre, te sharap tout, kay lal tou o čačepen an o vast.

Debleskri gili 63:1

I gili o Davidestar. Yob kras kay gili an o moulo tato them Youda.

Markus 1:35

Oun taysarlake, glan o dives, stas lo pre, oun djas kote, kay lo kokres hi. Oun kote rakras lo o Debleha.

Debleskro tsiro 11:13

Oun ap yek kopo trissas i phoub zoreles. Oun o deshto kotar ko forestar peras khetne. Oun efta zerya (7.000) menshe van maredo. Oun kol vavaren tapras i bari daar, oun yon sharan o Debles, kay an o bolepen hi.

Louka 6:12

His i dives, kay djas o Yezous ap i berga, te rakrell lo o Debleha. Oun yob ačas i tseli rat oun rakras leha.

Jesaja 55:6

Rodenn o baro Debles yaake rah yob moukell pes te hatsell! Denn les an-gole yaake rah yob gar dour hi!

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Debleskri gili 58:11

O dji kolendar vell barhtelo, kay hi an o čačepen tardo, te dikenn le, kay lenn i čilače pengri phagi. An kolengro rat thovenn le pengre pire.

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Debleskri gili 130:6

Miro dji dikell ap o Debleste, miro rayeste, te vell lo ap miri rig. Oun o tsiro vell mange rah, boudeder har kolenge, kay rati yak denn ap o foro oun kamenn, te vell sik o dives. Ava, boudeder har kolla!

Debleskri gili 64:9

Lengre laba kokres krenn, te san kolla pral lende, kay dikenn len.

Debleskri gili 83:18

An ladj oun traash ap lende hako tsireske, te merenn le an i ladj.

Debleskri gili 78:34

Te anas lo o merepen pral lende, rodan le o Debles, oun poučan pale pal leste.

Debleskri gili 63:5

Me parkrau man pash toute yaake rah har me djivau. Oun me hadau mire vasta pre, te mangap tout an.

Debleskri gili 105:7

O baro Devel hi maro Devel, oun o čačepaskro ray pral i tseli phoub.

Debleskri gili 119:55

Rati veh tou mange an o shero, baro Devel, te djap ap tiro drom.

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Ropaskre gilja 2:19

Ste pre an i rati, oun de gole pale te pale ap o baro Debleste! Čore tiro dji vin glan o Debleste. Rike tire vasta glan leste pre oun mange lestar o djipen tire terne čavendar, kay i bokatar merenna ap hako dromeskri ekka.

Ropaskre gilja 3:25

Lačes hi o baro Devel koleske, kay dikell ap leste, oun rodell les o tselo djiyestar.

Ezekiel 5:15

Ava, yon san pral toute oun praasenn tout. Lenge vell traash, te dikenn le, har miri bari rholi pral toute vell, oun har djoungeles save menshenge djal, kay man moukan. An miri rholi anau tiri doosh ap toute pale. Me, o baro Devel, rakrom.

1. Familjakro liil 16:14

O baro Devel hi maro Devel, oun o čačepaskro ray pral i tseli phoub.