Jesaja 26:19 - O Debleskro Lab 2024 (Sinte-Manouche)

¹⁹ Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

O Debleskro Drom 2021 (Sinte)

¹⁹ Baro Dewel, muk tire mulen djides te well! Muk len pre te stell! Tumer, kai wan paskedo, stenn pre dran o sopen un denn gole i bachtjatar! Tu, baro Dewel, hal har brishin, hoi dell djipen ap i phub. Doleske dell i phub i mulen pale win.

Jesaja 26:19 Referans Kwoze

Daniel 12:2

Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

Efesarja 5:14

Oun kova, hoy diklo vella, ačell gar an o tamlepen.

Mateo 27:52

I moulengre khera phagan pre. Oun boud kolendar, kay ap o Debles patsan oun meran, van djido,

Hosea 13:14

Ginap me len vin dran i zoor, hoy o moulengro themes hi? Lap me len vin dran o merepen? Tou, merepen, kay hi tout ko nasslepen, ap koleste i menshe merenn? Tou, moulengro them, kay hi tout ko pharo nasslepen, hoy anell i menshen pash toute? Kal menshe khaytenn man bouder gar.

Hosea 6:2

Pal douy divessa dell lo men nevo djipen, oun ap o triinto dives moukell lo men pale ap i pire tardo te vell, te nay djivas glan leste.

Debleskri gili 71:20

Tou moukal boud oun bari daar ap mande te vell. Oun tou deh man pale nevo djipen, oun aneh man pale vin dran o telstunepen i phoubyatar.

Jesaja 25:8

O merepen lell lo krik hako tsireske. O baro Devel, maro ray, khossell palle hakeneske i sva tele. Oun koy ladj, hoy ap peskre menshende čiddo hi an hake themma, lell lo lendar krik. Kova penas o baro Devel.

Filiparja 3:21

Kanna ham menshe, kay hounte merenna. Yob krell dran mende neve menshe, kay venn yaake har yob, oun merah bouder gar. Yaake zorelo hi lo. Les hi koy zoor, te krell lo lauter, hoy yob kamella.

Zakarie 8:12

Na-a, kanna nay vitsrenn le djob an i phoub kek daryah. I drakengre rouka hidjrenn drake, i phoub anell zenlepen vin, oun o bolepen dell brishin. Oun kolenge, kay pral ačan kal menshendar, dau kova lauter, te ačell kova lenge.

1. Korintarja 15:20

Ko čačepen hi: O Yezous Kristo hi o ersto, koles o Devel i moulendar djido kras.

Hosea 14:5

Yaake penell o baro Devel: Me anau mire menshen pale ap miro drom, kay le tele peran. Me kamau len o djiyestar, oun hom bouder gar rhoyedo ap lende.

Filiparja 3:10

Kamoms te prindjrap či vavar har o Yezous Kristes oun o Debleskri zoor, kay kras les i moulendar djido. Oun me lau douka ap mande, yaake har yob douka ap peste las, te vap yaake har yob bis ap o merepen,

Debleskri gili 22:15

Miri zoor hi vin čoredo har pani, mire tsele kokale rikrenn bouder gar khetne, Miro dji nashras peskri zoor, har i momeli hoy tele rhačras.

5. Mose 33:28

Oun yaake nay djivell o Israel kek daryah kote. Kek kamell čingepen o Yakobeskre čaventsa. An lengro them vell djob oun mool baro. Oun o bolepen dell doha brishin.

Bičepangre 24:15

Me patsau ninna har yon, kay kolla, kay meran, pale djido venna: kol lače oun kol čilače.

Jesaja 51:17

Ste pre! Ste pre! Hade tout, Yerusalem! Tou piyal dran o baro Debleskro khoro, hoy his pherdi leskri rholi. Tou hounte piyal ko khoro vin, bis te či bouder an leste his. Kolestar val har yek, kay hi mato, oun nay vell bouder gar tardo ap peskre herya.

5. Mose 33:13

Pral o kheer Yosef penas lo: O baro Devel hi lačo leske, oun dell les doha brishin ap leskro them, oun panya, hoy venn dran i phoub.

5. Mose 32:2

Kova hoy me t'men sikrau, hi har o brishin ap o zenlepen. oun miro rakepen har i sapeno dourho ap o khass.

Mateo 27:58

Yob djas pash o Pilateste oun mangas les, te dell lo les o moulo Yezouses. Oun o Pilato penas i lourdenge, te denn le les leste.

Debleskri gili 110:3

Tou te deh tire lourden gole, venn le lauter o djiyestar touha. Shoukar an-rido hi kol terne morsha, kay venn pash toute ap o Debleskri berga, raylo har o dives, te djal o kham pre.

Hiob 29:19

Me homs har i rouk, koleskre draba djan bis pash o pani, oun koleskre kashta venn sapeno haki rat.

1. Samuel 2:6

O baro Devel dell temerl, oun yob krell djido. Yob anell tele pash i moulende oun pale pre.

Debleskri gili 22:29

O baro Devel hi o ray pral i tseli phoub. Ava, o baro ray hi lo pral i tsele themma.

Jesaja 18:4

O baro Devel penas ap mande: Foun pral dran miro kheer lau an i yak, hoy djala ap i phoub, oun ačau pokones har o tatepen mashkral o dives, oun har i sapeni folka an o tato tsiro, kay o djob dren anlo vell.

Hiob 14:8

Ninna te venn leskre draba phouro an i phoub, oun o telstouno kotar merell tele an i čik,

Debleskri gili 88:11

Kreh tou baro zorelo koova ap i moulende? Stenn i moule pre oun sharenn tout?