Jesaja 25:6 - O Debleskro Lab 2024 (Sinte-Manouche)

⁶ Kate ap i berga Sion moukell o baro Devel, ko ray pral o bolepen oun i phoub, i menshenge an i tsele themma i lačo rhapen glan te čivell; i rhapen thoullo masseha oun lači phouri mool, ava, vi-rodedo lačo mass oun vi-rodedi phouri mool.

O Debleskro Drom 2021 (Sinte)

⁶ Kate ap i berga Zion mukell o baro Dewel, ko rai pral o bolepen un i phub, i menshenge an i tsele themma i latcho chapen glan te tchiwell; i chapen thullo masseha un latchi phuri mool, awa, wi-rodedo latcho mass un wi-rodedi phuri mool.

Jesaja 25:6 Referans Kwoze

Mateo 8:11

Boud menshe venna dran boud vavar themma pash o Debleste an o bolepen, oun beshenn pen tele, te rhan le o Abrahameha oun o Isaakeha, oun o Yakobeha khetne.

Debleskri gili 63:5

Me parkrau man pash toute yaake rah har me djivau. Oun me hadau mire vasta pre, te mangap tout an.

Debleskro tsiro 19:9

Oun o bolepaskro penas ap mande: “Čin an ko liil: Barhtele hi kolla, kay kharedo van, te venn le ap o terno bakreskro biyab. Kal laba hi čačepah o Debleskre laba,” penas lo ap mande.

Louka 22:30

Oun t'mer rhana oun piyenna mantsa kote, kay me o baro ray hom, oun han beshdo ap rayeskre beshepangre, oun penenn o čačepen vin pral i tsele menshende, kay venna o deesh-te-douy Israeleskre čavendar.”

Hebrearja 12:22

Kova lauter dikan t'mer gar. Na-a. T'maro tsillo, kay venn khetne o Debleha, hi ap i berga Sion an o bolepen. Kote hi o foro o djido Deblestar tardo, o nevo foro Yerusalem. Kote hi boud boud zerya bolepangre, kay sharenn o Debles.

Zakarie 8:3

Me vau pale ap i berga Sion oun djivau mashkral an o foro Yerusalem. Palle kharell pes Yerusalem foro, kay rikrenn pen i menshe ap o baro Debleste. Oun i berga Sion, kay djivau me, o baro Devel, ko ray pral o bolepen oun i phoub, kay berga kharell Debleskri berga.”

Jesaja 1:19

Kamenn t'mer ap mande te shounell? Palle nay rhan t'mer o tselo lačepen, hoy o them vin anell.

Mateo 26:29

Oun me penau t'menge: Me piyau bouder gar i mool, bis te vell ko dives, kay me piyau nevi mool t'mentsa khetne pash miro dadeste an o bolepen.”

Jesaja 25:10

O baro Devel rikrell peskro vast pral kay berga. I menshen an o them Moab stakrell lo tel peskre herya khetne, yaake har phouss khetne stakedo vell, hoy an i čik čiddo hi.

Debleskri gili 78:68

Na-a, i menshen dran o kheer Youda rodas lo peske vin, oun koy berga Sion, hoy yob o djiyestar kamella.

Daniel 7:14

Oun kova das les i rayeskri zoor oun barepen oun raylepen, te vell lo ray pral i menshende dran hako them oun rakepen. Leskri rayeskri zoor ačell hako tsiro oun herell gar pre. Oun yob ačell baro ray an i tsele tsirya.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Kamlepaskri gili 1:4

Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.

Kamlepaskri gili 1:2

Ab oun čoumme man! Tiro kamlepen hi lačeder har mool.

Louka 5:39

Oun kek, kay phouri mool piyas, kamell i nevi mool te piyell. Yob penella: Koy phouri mool hi lačeder.”

Jeremia 48:11

Yaake rah har o them Moab koy hi, djivan leskre menshe kek kourepah. An kek tsiro hounte djan i Moabarya an o pandepen. Yon nay ačan khere yaake har i mool, kay ačas an yek kashtengri piri, oun vas gar čoredo dran yek piri an i vavar. Doleske soungell li pal peste kokres, oun lakro soungepen ačas ap leste.

Markus 16:15

Oun yob penas ap lende: “Djan pash i tsele menshende ap i phoub oun sikrenn hakeneste miro drom!”

Debleskri gili 36:8

Har raylo hi tiro lačepen, miro Devel! I menshe venn pash toute, te rikress tire vasta pral lende, har i čirklo rikrell peskre moussya pral peskre terne.

Jesaja 56:7

kolen anau pash miri berga, kay me djivau, oun krau len barhteles an miro kheer, kay mangenn man i menshe an. Yon nay anenn mange firhen: save, hoy venn mange rhačedo ap miri rhačepaskri, ninna save, hoy rhan le glan mande. Oun me dikau lačes ap kova. Miro kheer vell kharedo: Kheer, kay i menshe dran hake themma o Debles an-mangenn.