Jesaja 25:10 - O Debleskro Lab 2024 (Sinte-Manouche)

¹⁰ O baro Devel rikrell peskro vast pral kay berga. I menshen an o them Moab stakrell lo tel peskre herya khetne, yaake har phouss khetne stakedo vell, hoy an i čik čiddo hi.

O Debleskro Drom 2021 (Sinte)

¹⁰ O baro Dewel rikrell peskro wast pral kai berga. I menshen an o them Moab stakrell lo tel peskre herja khetne, jaake har phuss khetne stakedo well, hoi an i tchik tchiddo hi.

Jesaja 25:10 Referans Kwoze

Zefanja 2:9

Me, o baro Devel, kay hom o ray pral o bolepen oun i phoub oun o Israeleskro Devel, me dau man sovel pash miro djipen: Ko dives vella, kay djal kol themenge Moab oun Ammon har i foryenge Sodom oun Gomorra. Hako tsireske venn kal themma i moulo them, kay loneskre groube hi, oun divyo zenlepen bares vella. Kolla, kay mire menshendar djido ačan, yon randenn len vin, oun lenn penge ninna lengro them.

Jeremia 48:2

I Moabarya nay phourdenn pen bouder gar pre pral lengro foro Heshbon. Vavar menshe kamenn o foreske čilačepen te krell, oun penenn: Avenn, kras ko foro paash, te djivenn bouder kek menshe an leste! Oun tou, foro Madmen ačeh vitar gar. I lourde venn pral toute.

Jesaja 25:6

Kate ap i berga Sion moukell o baro Devel, ko ray pral o bolepen oun i phoub, i menshenge an i tsele themma i lačo rhapen glan te čivell; i rhapen thoullo masseha oun lači phouri mool, ava, vi-rodedo lačo mass oun vi-rodedi phouri mool.

Micha 4:13

Yerusalem, ste pre oun de len khetne, penell o baro Devel. Me krau tout yaake zorelo har i gouroum, koles sasterne shinga oun sasterne pire hi. Mare len khetne, kol menshen dran boud themma! Oun an lengro bravlepen an miro kheer, oun halauter hoy len hi, an glan mande! Me hom o ray pral i tseli phoub.

Ezekiel 48:35

Kal star rigya o forestar hi khetne enya (9) kilometarya lengsto. Foun ko tsiro vell o foro kharedo: O baro Devel hi kay!

Ropaskre gilja 1:15

O baro Devel stakras mire zorele kourepangren khetne, kay pash mande his; Yob moukas i marepaskro rhapen vin te kharell, te nay venn mare terne morsha maredo. Yaake har drake khetne stakedo venn, te vell i mool vin, stakras lo i menshen dran Youda khetne.

Jesaja 26:6

Khetne stakedo vell ko foro kolendar, kay čorvelo oun tikno hi.

Jesaja 18:4

O baro Devel penas ap mande: Foun pral dran miro kheer lau an i yak, hoy djala ap i phoub, oun ačau pokones har o tatepen mashkral o dives, oun har i sapeni folka an o tato tsiro, kay o djob dren anlo vell.

Jesaja 14:19

Tou hal an i čik vitsedo, har i kotar kasht krik vitsedo hi. Tout hi kek mouleskro kheer, hal rido har kolla, kay van maredo o rhareha, hal vitsedo lentsa an i barrengri phoub oun khetne stakedo.

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 11:14

Palle djan le khetne bari zoryah ap i Filistarya, kay kote djivenn, kay o kham tele djal. Oun khetne randenn le kolen vin, kay an i themma djivenn, kay o kham pre djal. I themma Edom oun Moab lenn le dren. Oun i Ammonarya hounte krenn, hoy yon penenn.

Jesaja 11:10

Ap ko dives vell i morsh dran o Davideskro kheer, har i tikno rouk dran i draba i tele-dino roukestar, oun vell i sikepen i tsele menshenge ap i phoub. Menshe dran vavar themma poučenn pal leste. Oun leskro foro, kay yob djivell, vell pherdo raylepen.

Jesaja 10:31

I menshe an o foro Madmena nashenn penge. Kolla kay an o foro Gebim djivenn, nashenn pengro djipaske.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Debleskri gili 83:10

Miro Devel, kre lenge, har kral ap i Midianarya, ap o Sisera, oun ap o Yabin pash ko tikno pani Kishon.

4. Mose 24:17

Me dikau yekes. Kova hi kanna gar koy. Doural dikau les. Dran o Yakob vell yek, kay djal pre har i bolepaskri momeli. Dran o Israel vell i baro ray, oun dell i Moabarya khetne. Oun kol morshenge, kay venna pal o Set, dell lo ap o shero.

Jesaja 16:14

Kanna penell yob: An triin bersha – kek dives sikeder oun kek dives palla – vell o Moabeskro bravlepen oun sharepen krik lino. Kol boud menshendar ačenn gar boudeder djido har i vast pherdo. Oun kolla hi gar zorelo.

Jeremia 48:1

Laba pral o them Moab. Kova penell o baro Devel, ko ray pral o bolepen oun i phoub, kay o Israeleskro Devel hi: Djungeles djal kol menshenge an o foro Nebo. Khetne dino vell lengro foro. Ladj vell pral o foro Kiryatayim. Dren lino vell lo. I massouri troul o foro vell tele dino oun khetne phagedo.

Ezekiel 25:8

Kava penell o baro Devel, maro ray: I menshe dran i themma Moab oun Edom penenn: O kheer Youda hi yaake har hake vavar natsyone.

Jesaja 16:6

Mer shounam, hoy pral i Moabarya rakedo vas, kay hi le yaake pre-phourdo, oun dikenn tele ap i vavarende, oun krenn pen kokres bares. Oun len hi i baro mouy.