Jesaja 24:19 - O Debleskro Lab 2024 (Sinte-Manouche)

¹⁹ Oun i phoub phagell khetne, phagell an kotya oun perell khetne.

O Debleskro Drom 2021 (Sinte)

¹⁹ Un i phub phagell khetne, phagell an kotja un perell khetne.

Jesaja 24:19 Referans Kwoze

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.

Nahum 1:5

I bare berge trissenn glan leste, oun kol tikne berge perenn khetne. Yob te vell, palle hadell pes i phoub glan leste, oun kolla, kay ap late djivenna, trissenna.

5. Mose 11:6

oun hoy lo kras ap o Datan oun ap o Abiram, kolengro dad o Eliab his dran o kheer Ruben: Har i phoub peskro mouy pre kras oun len mashkral i tsele menshende Israel pre rhas, len oun lengre tsele menshen oun lengre plarhtene khera, ninna lengre boudepangre oun firhe, hoy pash lende his.

Mateo 24:3

Pale djas lo ap i djeteskri berga oun beshas pes. Leskre mala kokres his pash leste oun poučan lestar: “Ap havo tsiro vell o Debleskro baro kheer tele phagedo? Har nay dikas mer, te vas ko tsiro, kay tou pale veh, oun o Devel o ray hi pral halauter?”

Habakuk 3:6

Čivell yob peskro piro ap i phoub, palle trissell li. Lell yob i vavar themma an o yak, trashenn i tsele menshe. Kol bare phoure berge phagenn an kotya, oun kol tikne phoure berge perenn khetne, te nashell yob – har an o phouro tsiro – pral i phoub.

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

2. Petro 3:12

Djivenn yaake, te vell o Debleskro baro dives sikeder! Ap ko dives rhačrell o bolepen pre, oun djal paash an i yag. Oun i bolepangre momlia rhačrenna ninna pre.

4. Mose 16:31

Oun pal kova, har yob kol tsele laba penas, djas koy phoub tel lende pre,

4. Mose 16:32

oun kras peskro mouy pre, oun tserdas len tele pengre familyentsa oun kol tsele menshentsa, kay pash o Korah his, ninna halauter, hoy len hi.

Debleskri gili 75:3

“Te vas miro tsiro”, penell o Devel, “rakrau o čačepen vin pral hakeneste.

Jesaja 2:19

Ap ko dives, kay o baro Devel pre stell, te anell lo i traash pral i phoub, khatrenn pen i menshe an i grotte, mank i bare barra oun an i phoub, i daryatar o baro Debleskri rholyatar oun glan leskro raylo barepen.

Jesaja 13:13

Me moukau o bolepen te trissell. Oun i phoub ačell bouder gar kote tardo, kay li kanna hi, ap ko dives, kay me, o baro Devel, o ray pral o bolepen oun i phoub, anau miri rholi pral i phoub.