Jesaja 24:10 - O Debleskro Lab 2024 (Sinte-Manouche)

¹⁰ Tele phagedo oun khetne stakedo hi o foro, hako kheer hi tele pandlo, te nay vell kek dren.

O Debleskro Drom 2021 (Sinte)

¹⁰ Tele phagedo un khetne stakedo hi o foro, hako kheer hi tele pandlo, te nai well kek dren.

Jesaja 24:10 Referans Kwoze

Debleskro tsiro 18:2

Oun yob das zoreles oun bares gole: “O foro peras khetne! O baro foro Babilon peras khetne! Kanna djivenn kote i benga. Kote khatrenn pen kol čirkle oun vavar firhe, kay pale-čiddo hi, oun i menshe darenn lendar.

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

Louka 19:43

Ko bibarhtelo dives vella, kay lourde venna dran i vavar themma. Yon čivenn bare barra troul t'maro foro, te venn t'mer bouder gar vin.

Micha 3:12

Doleske vell o Debleskro foro trouyel vitsedo har i harhetikri phoub. Oun an o foro Yerusalem ačell kek bar ap o vavar. Ap i berga, kay o Debleskro kheer tardo hi, venn divye bourra baro. Kova lauter vell yaake dran t'mari doosh.

Micha 2:13

Lengro pralstouno krell lenge o drom pre oun djal glan lende. Yaake phagenn le o foreskre voudya pre oun djan vin. Oun lengro baro ray djal glan lende. Kova hi o baro Devel, kay hi lengro pralstouno.

Jeremia 52:7

Kote phagan i Babilonarya an o foro dren. Oun an koy rati nashan i tsele kourepangre vin dran o foro, oun djan dran ko voudar mashkral kol douy massurya, ap o drom, hoy djal pash o rayeskri baar. Oun i Babilonarya his troul o foro čiddo. Har djan i kourepangre ko drom, hoy djal an o telstouno them, kay o pani Yordan nashell,

Jeremia 39:8

Kol lourde dran Babilonia rhačran o baro rayeskro kheer oun kol tsele menshengre khera an o foro Yerusalem, oun dan o foreskre massurya tele.

Jeremia 39:4

Har o Sedekya, ko ray pral o them Youda, oun leskre lourde kova dikan, nashan le penge rati dran o foro vin, ap ko drom, hoy djal an o rayeskri baar. Kote his i voudar mashkral kol douy massurya. Dran ko voudar nashan le penge ap koy rig, kay o telstouno them o panyestar Yordan hi.

Jesaja 34:11

I ratsyakre čirkle oun i moulengre čirkle djivenn kote. Oun massengre čirkle oun korake hi kote khere. Oun o baro Devel dell o themeske peskre rigya, mashkral lende ačell o them moulo oun mouklo.

Jesaja 32:14

An o rayeskro kheer vell kek bouder. Mouklo vell o foro, kay yaake boud menshe trouyel nashenn. I zorele barrengre khera oun o turmo, kay pral an o foro tardo hi, perenn khetne. Oun mank lende djivenn divye bourike i rah tsireske, oun bakre oun groumya rhan kote.

Jesaja 27:10

I zorelo foro hi mouklo. Kek djivell bouder an i shoukar khera. O foro hi har i divyo mouklo them, kay i groumya rhan oun pen tele čivenn, oun o zenlepen ap i bourra rhan.

Jesaja 25:2

Tou kral o zorelo foro paash. Lestar ačas či pral har barra. Ko foro, kay i zoreli massouri troul leste his, hi čiddo an kotya. Kote, kay rayen dran vavar themma pengre shoukar khera his, hi kek foro bouder. Oun kek nay čivell len pale pre.

Jesaja 24:12

An o foro hi kokres paash dine khera. Oun leskre bare voudya hi an kotya dino.

Jesaja 23:1

Kate sikrell o Devel, hoy pral o foro Tirus vella: “T'mer ap i shiffe, kay venn khere dran Tarsis, rovenn! O foro Tirus hi khetne phagedo. Kek kheer ačas tardo.” Har van le pash o them Kittim, shounan le kova.

2. Rajengro liil 25:4

Kote phagan i Babilonarya an o foro dren. Oun an koy rati nashan i tsele kourepangre vin dran ko voudar mashkral kol douy massurya, hoy hi pash o rayeskro baar, ninna te his i Babilonarya troul o foro čiddo. Koy nashas o Sedekya peskre lourdentsa an o telstouno them, kay o pani Yordan nashell.

1. Mose 11:9

Doleske kharell ko foro Babel. Kote kras o baro Devel, kay yek i vavareskro rakepen bouder gar hayvella. Yaake kras yob, te ačan le koy bouder gar khetne oun hounte djan dran yek them an i vavar pral i tseli phoub.

Jesaja 32:19

Ninna te denn brishineskre barra o veesh paash, oun o foro djal tele,

Jesaja 26:5

I pre-phourden vitsrell lo ap i phoub, Lengro foro phagell lo tele, bis te hi lo čiddo an i čik.