Jesaja 23:8 - O Debleskro Lab 2024 (Sinte-Manouche)

⁸ Koon penas, te vell kova pral o foro Tirus? Ko foro, hoy yaake zorelo his, te čivas lo raya dren pral vavar themma. Leskre parepangre his har rayengre čave, oun leskre bikepangre his mank i pralstunende ap i tseli phoub.

O Debleskro Drom 2021 (Sinte)

⁸ Koon penas, te well kowa pral o foro Tirus? Ko foro, hoi jaake sorelo his, te tchiwas lo raja dren pral wawar themma. Leskre parepangre his har rajengre tchawe, un leskre bikepangre his mank i pralstunende ap i tseli phub.

Jesaja 23:8 Referans Kwoze

Debleskro tsiro 18:8

Doleske vell i tseli bari bibarht ap yek kopo pral ko foro: merepen, ropen, oun bok. Oun i yag rhačrella ko foro pre. Zorelo hi o Devel, maro ray, kay rakrell pral i menshen an o foro o čačepen vin, oun dell len i čači phagi.

Jesaja 36:9

Har kameh tou yek kol tikneder lourdendar miro rayestar pale te tradell. Tou rikreh tout kokres ap i Egiptarya oun patseh, te bičrenn le touke kourepangre vourdya oun klissepangre.

Jesaja 10:8

Yob penas: “Čačepah, mire tsele pralstoune lourden hi yaake boud penepaske har bare raya.

Debleskro tsiro 18:23

I tsele momlia djan vin. Oun kek krella pale i momeli an. Tou shouneh bouder kek pirno peskri pirnyah khelell oun givell. I bikepangren oun i parepangren an ko foro his boud penepaske ap kay phoub. Oun ko bengeskro koova, hoy kran le an o foro, anas i menshen an i tsele themma ap o bengeskro drom.

Ezekiel 26:12

Oun yon randenn tiro bravlepen oun čorenn, hoy touke parepah khetne anal. Tire massurya venn tele phagedo, oun tire shoukar khera paash kerdo. Kol barra oun ko kasht oun čik, hoy pral ačell, venn an o baro pani vitsedo.

Nahum 3:16

T'men hi boudeder parepangre har momlia ap o bolepen! Sik hi le krik – har i stepaskro vin vell dran peskro yaro – oun sik hi lo krik!

Zakarie 9:3

I menshe an Tirus kran penge zorele massurya, oun lan yaake boud roup oun sonakay khetne har čik ap o drom hi.