Jesaja 23:17 - O Debleskro Lab 2024 (Sinte-Manouche)

¹⁷ Te hi kol 70 (efta-deesh) bersha trouyel, dikell o baro Devel pale ap o foreste Tirus. Oun yon djan pale parepaske oun parenn i tsele rayengre thementsa ap kay phoub.

O Debleskro Drom 2021 (Sinte)

¹⁷ Te hi kol 70 (efta-deesh) bersha trujel, dikell o baro Dewel pale ap o foreste Tirus. Un jon djan pale parepaske un parenn i tsele rajengre thementsa ap kai phub.

Jesaja 23:17 Referans Kwoze

Nahum 3:4

Kova hi i phagi o foreske Ninive. O foro his har i shoukar djouvel, kolat boud morsha hi, oun o bengeskro koveha trouyel djal, oun yaake i menshen an vavar themma ap peste pandas.

Debleskro tsiro 19:2

Lačo oun čačo hi lo. I phagi, hoy yob i menshen das, hi mishto oun čačo. Yob das i bari loubyat lakri phagi. Yoy tserdas i menshen ap i tseli phoub an vi-ladjedo koova oun maras o Debleskre boudepangren. O Devel das lat ko čilačepen pale, hoy yoy ap lende kras.”

1. Petro 5:2

Denn garda ap i patslende, kay o Devel peske khetne anas! T'mer han har i bakrengre. Oun o Debleskre čave hi har bakre, hoy o Devel an t'mare vasta das. Denn len kova, hoy len hounte vella, te ačell lengro patsepen djido! Krenn kova o tselo djiyestar! Yaake kamell les o Devel. Krenn kova gar, har te vals i phari boudi, hoy hounte krenn! Krenn koy boudi dran o kamlepen oun gar, te venn t'mer playsedo!

1. Timoteo 3:8

Yaake har i phoureder mank i patslende hounte djivenn lačes glan i menshengre yaka, yaake hounte djivenn kolla ninna, kay boudrenn i patslenge an o Debleskro kheer. Yon te rakrenn gar douy čipyentsa. Yon te venn kek pipangre. Yon te nashenn gar pal i love.

1. Timoteo 3:3

Yob hi kek pipaskro. Yob hi kek marepaskro. Les hi i baro dji i vavarenge. Yob hi kek čingepaskro. Yob hi gar pal i love.

Bičepangre 15:14

O Simon ginas menge dren, hoy o Devel lauter kras, te venn ninna kolla, kay kek bibolde hi, leskre menshe, oun te venn le leske koy.

Zefanja 2:7

Kava kotar them pash o baro pani vell kolende dino, kay ačan djido dran o kheer Youda. Yon moukenn pengre bakre kote te rhal. Oun rati sovenn le an kol khera an o foro Ashkelon. Ava, lengro baro Devel krell peskro dji lenge pre, oun anell len dran lengro pandepen pale vin.

Micha 3:11

T'mare čačepangre morsha moukenn pen te makell. T'mare rashaya lenn love koleske, hoy le i menshenge penenn. Oun i lovenge penenn o Debleskre rakepangre, glan-vi, hoy vella. Oun t'mer penenn: “O baro Devel hi ap mari rig. Kek bibarht nay vell pral mende.”

Micha 1:7

I tsele figure, hoy i menshe an-mangan, venn an kotya phagedo. Ava, kol rhorhene debla venn paash dino. Oun kova, hoy anan i menshe an i khera kol rhorhene deblendar, vell rhačedo. I menshe an Samaria nashan vavar deblenge palla har i loubni i morshenge palla nashell. Yaake lan le kava tselo koova khetne. Kolla, kay venn oun randenn len vin, lenn kava koova pentsa khere, oun anenn les an pengre deblengre khera.

Ezekiel 22:13

Me dau mire vasta khetne kol lovenge, hoy t'mer rhorhepah khetne anan, oun ko rateske kolendar, kay pash t'mende maredo van.

Ezekiel 16:31

Kote kay i dromma khetne venn, oun ap haki platsa kral mangepaskre platse, kay rhorhene deblen an-mangal. Oun tou hals gar har vavar loubya: Tou kamal kek love koleske, hoy kral.

Ezekiel 16:26

Tou loubras trouyel i Egiptarentsa, kolen bari rhanč hi, oun kolengro them pash tiro them čiddo hi. Oun kral boud loubyengro koova, te tapras man i rholi.

Jeremia 29:10

Kova penell o baro Devel: Ap ko tsiro, kay hi i Babilonarya efta-deesh bersha i raya pral t'mende, dikau me pale ap t'mende, te rikrap miro lačo lab oun anau t'men pale khere.

5. Mose 23:18

Mank i Israelitarya hounte vell kek djouvel oun kek morsh, kay bikrell pes lovenge an o kheer i vavar deblestar.

Jesaja 23:15

An ko tsiro vell o foro Tirus 70 (efta-deesh) bersha bistedo, yaake boud bersha har i baro ray djivell. Pal kol 70 bersha djal o foreske Tirus yaake har koy loubyake an koy gili:

Jesaja 23:16

“Le tiri bashepaskri, dja an o foro, tou bistedi loubni! Bashe mishto oun gib boud gilya, te vess lenge pale an o shero!”

Ezekiel 16:25

Oun kote kay i dromma khetne venn, kral mangepaskre platse oun kral te vas tiro shoukapen čadepaske. Oun soval hakeneha, kay vas touke ap o drom. Oun tiro loubyengro koova vas boudeder oun boudeder.

Jeremia 25:11

Kava tselo them vell i moulo them, kay kek djivell. Oun i menshe dran Israel oun kol themma trouyel venn an o them Babilonia anlo, oun hounte boudrenn o baro rayeske pral Babilonia efta-deesh bersha.