Jesaja 22:4 - O Debleskro Lab 2024 (Sinte-Manouche)

⁴ Doleske penau t'menge: Ma dikenn ap mande! Moukenn man te rovell. Miro dji hi yaake pharo. Ma rakrenn lačes ap mande, kamau gar te bistrap koy bibarht, hoy ap mire menshende vas.

O Debleskro Drom 2021 (Sinte)

⁴ Doleske penau tumenge: Ma dikenn ap mande! Mukenn man te rowell. Miro dji hi jaake pharo. Ma rakrenn latches ap mande, kamau gar te bistrap koi bibacht, hoi ap mire menshende was.

Jesaja 22:4 Referans Kwoze

Jeremia 9:1

Te vals man an o moulo tato them i kheer, kay nay ačau, moukoms me mire menshen, oun djoms mange. Yon lauter hi har romma, kay moukan pengre romyen beshdo. Yaake moukan kal phoukepangre o baro Debles.

Mateo 2:18

Bari gole oun boud ropen shounan le an o gab Rama. I Rachel rovella pral peskre čavende, oun kamell kekestar lače laba te shounell. Lakre čave hi bouder gar koy.

Micha 1:8

Pral kova halauter hounte dap i bari gole oun hounte rovap, me nashau pirkenes oun nanges, te sikrap har miro dji rovella. Har i divyo djouklo dau gole, oun rovau har ko čirklo, hoy kharell straussa.

Jeremia 31:15

Kova penell o baro Devel: I gole oun zorelo ropen vell shounlo an o foro Rama: I Rachel rovell pral peskre čaven: Yon hi moulo. Oun yoy kamell kek shoukar laba te shounell.

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

Debleskri gili 77:2

Me dau gole ap miro Debleste, dau bari gole ap leste. Ava, ap o Debleste dau gole, bis te shounell lo man.

Louka 19:41

Oun har o Yezous pash o foro Yerusalem vas, rovas lo pral i menshende an kava foro,

Louka 1:2

Yon činan pre, hoy kolla penan, kay kote pashel his oun kova lauter dikan.

Mateo 26:75

Oun o Petreske van o Yezouseskre laba an o shero, hoy yob leske penas: “O bashno dell gar gole yaake rah, har tou man gar triin kope bourhoste dal.” Oun o Petro djas dran o baro voudar vin, oun rovas zoreles.

Jeremia 8:18

Miro dji phagell. Man hi ropaske. Hoy nay krell man pale zorelo?

Jeremia 6:26

T'mer, mire menshe, t'menge penau: Rivenn gone ap t'mende! Čivenn t'men an i yagakri čik! Rovenn har te merals t'maro čavo, oun t'men kek vavar hi! Givenn i ropaskri gili! Kol marepangre perenn ap yek kopo pral mende.

Jeremia 4:19

Har doukell man kova, havi daar hi an mande! Miro dji djal zoreles an miro beč, me nay ačau gar pokones; me shounau koy phourdepaskri, oun ko kourepaskri gole.

Jesaja 33:7

Shounenn, zorele morsha denn bari gole, oun kol bičepangre, kay bičedo van, te penenn le, te hi o kourepen vin, kolla rovenn zoreles.

Jesaja 15:3

I menshe ap i dromma hi rido an gone. Oun pral ap pengre khera oun an o foro denn le lauter gole oun rovenna.

Jeremia 9:18

Shounenn, o ropen vell shounlo an o foro Sion: Ah, har djan yon zoryah ap mende! I ladj vas ap mende! Mer hounte djas dran kava them. Mare khera rhačran yon tele.

Ropaskre gilja 2:11

Mire yaka hi pherde sva, i douk an mande rhačella. Miro dji phagell, te dikau koy bibarht, hoy pral i menshende an miro them vas. Kol terne čave oun ternepen merenn i bokatar ap i dromma an o foro.

Ezekiel 27:31

Pengre balla činenn le tele, oun gone pandenn le troul pende. Kova krenn le touke, oun rovenn o djiyestar, oun denn gole pral toute.

Ester 4:1

Oun har o Mordekay shounas, hoy djas, kras lo peskre koola paash, hoy ap leste his. Oun rivas peske i gono an, oun čivas yagakri čik ap peste. Oun djas dren mashkral o foro oun rovas oun das gole.

Ezekiel 21:11

Oun tou mensho, dja banges oun le phares dourho! Ava, le phares dourho, har te phagals tiro dji! Kre kova glan i yaka i Israelendar!