Jesaja 2:6 - O Debleskro Lab 2024 (Sinte-Manouche)

⁶ Baro Devel, tou moukal tire menshen. Yon krenn dravepangro koova, har kol menshe, kay venn kotar, kay o kham pre djala. Oun yon hi dourkepangre har i Filistarya. I menshentsa dran vavar themma krenn le čomone vin, oun denn pengro dadeskro vast pre.

O Debleskro Drom 2021 (Sinte)

⁶ Baro Dewel, tu mukal tire menshen. Jon krenn drawepangro koowa, har kol menshe, kai wenn kotar, kai o kham pre djala. Un jon hi durkepangre har i Filistarja. I menshentsa dran wawar themma krenn le tchomone win, un denn pengro dadeskro wast pre.

Jesaja 2:6 Referans Kwoze

Remarja 11:20

Kova hi čačo. I bibolde patsan gar o Debles. Yaake hi le har kol kashta, hoy van tele činlo. T'mer han har vavar kashta, hoy van dren čiddo ap ko roukeste kokres dran t'maro patsepen. Doleske ma krenn t'men bares! Denn yak!

2. Rajengro liil 1:2

Ko baro ray, kay pal o Ahab vas, his o Ahasya. His i dives, har his lo an peskri pralstouni isema an o foro Samaria, koy peras lo tele dran i vorhni oun doukras pes. Oun yob bičras morshen an o foro Ekron oun penas ap lende: “Djan koy oun poučenn o deblestar Baal-Seboub, – kova hi o devel o forestar Ekron: Vau me pale sasto?”

Ropaskre gilja 5:20

Hoske kameh tou men te bistrell, oun maro tselo djipen či mendar te djinell?

Jeremia 10:2

Kova penell o baro Devel: Ma djan i dromma, hoy i menshe an vavar themma djana! Yon darenn glan o sikepen, hoy krenn i momlia ap o bolepen. T'mer hounte darenn kova gar.

Jesaja 8:19

Nay vell, te penenn i menshe t'menge: “Poučenn kolen, kay i moulentsa rakrenn, oun poučenn i dravepangren, kolla, kay rakrenn lokes glan pende.” Ap kolende penenn: “Hounte poučenn gar i menshe pengro debles? Poučenn le i moulen i djidenge?”

Gosewe laba 6:1

Miro čavo, dal tou tiro dadeskro vast i vavareske oun penal, te playsreh koleskri siyaan?

Debleskri gili 106:35

Na-a, yon romedineran pen kolentsa, kay o Debles gar prindjrenn, oun kran sau koova har yon kran,

Nehemia 13:23

An ko tsiro dikom me bibolden, kay lan penge romyen dran o Filistarengro foro Ashdod, ninna dran i themma Ammon oun Moab.

2. Familjakro liil 24:20

Oun o Debleskro dourho vas pral o Zakarie, koleskro dad o rashay Yoyada his. Yob djas glan i menshende oun penas ap lende: “Kava penell o Devel: Hoske rikrenn t'men gar ap kova, hoy penom? Doleske djal kova gar mishto, hoy krenna. T'mer moukan o baro Debles. Doleske moukell yob t'men ninna.”

2. Familjakro liil 15:2

Oun yob djas vin, te rakrell lo o baro rayeha, o Asa, oun penas leske: “Shounenn man, Asa oun t'mer menshe dran o tselo them Youda oun Benyamin! O baro Devel hi t'mentsa, yaake rah har t'mer t'men ap leste rikrenn. Te rodenn t'mer les, moukell yob pes te hatsell t'mendar. Te moukenn les, moukell yob t'men.

1. Familjakro liil 10:13

O Saul meras doleske, kay yob gar kras, hoy o baro Devel leske penas, oun kay yob pash koy djouvyate djas, kay i moulentsa rakras, oun lat poučas.

4. Mose 23:7

Koy penas o Bileam kal laba: O Balak, ko baro ray pral i Moabarya, moukas man te anell dran o them Aram, dran kol berge, kay o kham pre djala. Oun yob penas ap mande: Am ap miri rig, oun rake i bibarht pral o Yakobeskre menshende vin! Ava, am oun praase i Israeleskre menshen!

3. Mose 20:6

Miri rholi vell ninna ap koleste, kay djal pash i dourkepangre oun pash kolende, kay i moulen poučenn, te poučell lo lendar, hoy te krell lo. Me moukau les bouder gar mank peskre menshende te djivell.

3. Mose 19:31

Ma djan pash i dourkepangre oun pash kolende, kay i moulen poučenn! Ma rodenn saven pre, te krenn t'men gar pale-čiddo ap lende. Me, o baro Devel, hom t'maro Devel.

2. Mose 34:16

T'mer romedinerans t'mare morsh čaven lengre čentsa. Oun kolla djouvya anans t'mare morsh čaven o Debleskro dromestar tele, te mangenn le ninna kol deblen dran kasht oun bar an.

2. Mose 22:18

Hakeno, hoy i firheha sovell, hounte merell.

1. Samuel 6:2

Oun i Filistarya dan pengre rashayen oun dourkepangren gole, oun poučan lendar: “Hoy kras mer ko morhtoneha o baro Deblestar? Har bičras les pale kote kay lo vas?”

Jesaja 14:29

T'mer menshe an o them Filistia, ma avenn barhtelo, te vas o kasht, koleha dino van, kanna phagedo. Te merell i sap, vell i djoungleder sap pal leste. Oun lestar vell i vavar sap, hoy hi gomme djoungleder oun nay hadell pes har i čirklo.

Jeremia 12:7

Me moukom mire menshen, ko kheer Israel. Kolen, kay mange vin rodom, tradom mandar krik. Kol menshen, kay o djiyestar kamau, dom an i vasta kolendar, kay kamenn len te marell.

Micha 5:12

T'mare figure, hoy an-mangenn, oun t'mare pre-čidde barra dau paash, te mangenn t'mer bouder gar kova an, hoy t'mare vastentsa kran.

Zefanja 1:8

O baro Devel penell: Ap ko marepaskro dives, dau me i pralstunen oun o baro rayeskre čaven pengri phagi, ninna halauter kolen, kay mangenn vavar deblen an.

2. Rajengro liil 17:20

Doleske vitsras o baro Devel kol tsele menshen Israel ap i rig, oun kras lengro djipen phares, oun das len an i vasta kol menshendar, kay lendar čoran, bis te his le dour lestar krik tradedo.

Micha 5:11

Oun o tselo bengeskro koova lau t'mendar krik, kek dravepangre ačenn pash t'mende.