Jesaja 19:9 - O Debleskro Lab 2024 (Sinte-Manouche)

⁹ Oun kolla, kay layntikre thaba krenn, oun kolla, kay lendar lačo than krenn, kolla lauter djinenn bouder gar, har doureder djal, oun yon venn parno i daryatar.

O Debleskro Drom 2021 (Sinte)

⁹ Un kolla, kai laintikre thaba krenn, un kolla, kai lendar latcho than krenn, kolla lauter djinenn buder gar, har dureder djal, un jon wenn parno i darjatar.

Jesaja 19:9 Referans Kwoze

Ezekiel 27:7

Koy plarhta, kay o dourho dren phourdell, his dran kouč layntikro than, hoy dran o them Egiptia vell. An koleste vas shoukar koova dren sido. Kova his tiro sikepen, hoy foun doural diklo vell. Te rhačrell tout gar o kham, vas i plarhta pre pandlo, hoy his kerdo dran kouč than, hoy blaueto oun lolo his, oun dran o foro Elisha vas.

Gosewe laba 7:16

Me čivom shoukar plarhte ap miro čiben, save plarhte, hoy van kerdo dran kouč than, hoy dran Egiptia vella.

1. Rajengro liil 10:28

Oun o Salomo ginas graya an Egiptia oun an Cilicia, leskre parepangre ginan len oun playsran len kote.

1. Rajengro liil 7:41

Kava koova his: kol douy turme oun lengre sherya; kol douy shoukar pandepen dran shelle, hoy ap i sherya his;

1. Familjakro liil 4:21

O Shela, koleskro dad o Youda hi, leskre čave his: o Er, kova kras o foro Leka, oun o Lada, kay kras o foro Maresha, ninna i menshe, kay djivan an Ashbea. Kolla kran lačo layntikro than.