Biblia Todo Logo
Bib sou entènèt

- Piblisite -




Jesaja 19:11 - O Debleskro Lab 2024 (Sinte-Manouche)

11 I pralstoune dran o foro Soan hi dinele, i goseve rakepangre o baro rayestar Farao penan leske narvelo koova. Har nay penenn le leske: Mer ham i čave goseve morshendar, mare phoure his bare raya an o phouro tsiro?

Gade chapit la Kopi

O Debleskro Drom 2021 (Sinte)

11 I pralstune dran o foro Zoan hi dinele, i gosewe rakepangre o baro rajestar Farao penan leske narwelo koowa. Har nai penenn le leske: Mer ham i tchawe gosewe murshendar, mare phure his bare raja an o phuro tsiro?

Gade chapit la Kopi




Jesaja 19:11
31 Referans Kwoze  

Oun yon djan an o them Negev, oun van bis pash o foro Hebron. Kote djivas o Ahiman oun o Sheshay oun o Talmay, kolengro dad o Anak his. O foro Hebron vas nevo kerdo efta bersha glan o foro Soan an o them Egiptia.


Oun goseve Egiptarya sikran leste lauter, hoy yon djinan, yaake te vas lo gosevo an lauter, hoy yob rakras oun kras.


T'mare pralstoune djan an o foro Soan, oun t'mare bičepangre van an o foro Hanes.


Lenge vas gar an o shero, har sikras lo peskri bari zoor an o them Egiptia, oun havo baro koova yob kras pash o foro Soan.


Glan lengre phourende kras yob baro zorelo koova an o them Egiptia, pash o foro Soan.


Oun me krau, te vell ko kotar them, hoy kharell Patros, i moulo them. An o foro Soan čivau yag, te rhačrell lo tele. Oun i menshenge an o foro Theben dau lengri phagi.


Bibarht pal bibarht vell. Pale te pale shounenn le, havo djoungelo koova vas. Čičeske djan le pash o Debleskre rakepangre, oun poučenn lendar, hoy o baro Devel sikras len. Vitar gar i rashaya nay penenn lenge, hoy te krenn le. Oun i phoureder djinenn kek drom vin dran o merepen.


Laba pral i Edomarya. Kava penell o baro Devel, ko ray pral o bolepen oun i phoub: Hi kanna bouder kek gosvepen an o foro Teman? Djinenn i goseve bouder gar, hoy te krenn le? Tserdas pes o gosvepen lendar krik?


Kol pralstoune his dinele, oun poučan gar pal o baro Debleste. Doleske his lauter čičeske, hoy yon kran. Oun kolla, kay denn yon garda pre, hi bouder gar khetne, oun djan kate te kote.


Glan sau baro koova hi hako mensho dineles koy tardo. Savo koova nay hayvell lo gar te krell. Kolla lauter, kay kran figure, te mangenn le len an, hounte ladjenna pen. Lengre figure hi kek čače debla, kek djipen hi an lende.


Me krau, te venn kol laba gar čačo, hoy i dourkepangre penan, oun moukau kol dravepangre har dinele vin te dikell. Me sikrau, har hi či-moldo ko gosvepen kolendar, kay patsenn, te hi le gosevo. Me čakrau pre, te hi lengro gosvepen čačepah dinlepen.


Doleske krau kal menshentsa pale savo koova, hoy le gar hayvenn, oun hoy vin dikell, har te vals kova gar mandar, yaake te ačell lenge o rakepen krik. Lengre goseve menshe hi palle bouder gar gosevo. Oun kolla, kay boud hayvan, hayvenn bouder či.


I pralstoune pral o foro Soan van dinele, oun i pralstoune pral o foro Memfis kran pen čomone glan. I tsele pralstoune an Egiptia anan i menshen ap i rhorheno drom.


Palle djinenn i Egiptarya gar bouder, hoy te krenn le. Oun me krau, te djal lenge gar, hoy kamenn le te krell. Oun palle djan le pash pengre rhorhene deblen, te poučenn le lendar, oun pash kolende, kay i moulen poučenn, oun pash i dourkepangren oun dravepangren.


Har i firho hom, oun menshengro gosvepen hi man kek.


Baro Devel, havo baro koova kral tou! Hi phares menge te hayvas, hoy touke an o shero djal.


koy homs dinelo oun hayvom či. Ava, dinleder har i firho homs glan toute.


O baro Devel moukell kova gar te vell, hoy kol menshe an i vavar themma kamenn te krell. Lenge čivell lo barra an o drom.


Kol pralstoune, hoy i rayenge penenn, hoy te krenn le, kolendar lell lo lengro gosvepen krik, oun krell i čačepangre rayen dinelo.


Kol goseve vitsran o Debleskro lab pal pende. Havo gosvepen ačell lenge? O dives vell, kay vell ladj oun daar pral lende. Yon venn tapedo oun pandles krik anlo.


Kharenn ko lab o Faraestar, ko rayestar pral o them Egiptia: Baro Mouyeskro, koleskro tsiro trouyel hi.


Tiro shoukapen kras tout pre-phourdo. Oun har bravelo oun raylo val, kral savo koova, hoy gar gosevo hi. Doleske vitsrom tout ap i phoub, oun moukom i vavar bare rayen ap toute tele te dikell, te vess lenge sapaske.


Tire tsele mala tradenn tout dran tiro them vin! Kolen tou patsal, yon rhorhenn tout, oun perenn touke an o doumo. Kolla, kay tiro maro rhan, phoukrenn ap toute, oun tou hayveh les gar.


Kote moukas o Farao o Moses oun o Arones pash peste gole te dell oun penas: “Mangenn o baro Debles, te lell lo i djambe mandar oun mire menshendar krik! Palle moukau i Israelitaryen te djal, te nay denn le o baro Debleske firhen temerl.”


I dourkepangre kaman kova ninna pengri zoryah te krell. Oun yon hayvan les gar. Oun i matsille his ap i menshende oun ap i firhende.


Leskro gosvepen his bareder har ko tselo gosvepen halauterendar khetne, kay djivan an o them, kay o kham pre djal, oun ninna har ko gosvepen foun i Egiptarya.


Me, o baro Devel penau: An ko tsiro lau i goseven an o them Edom krik. Oun ap i berge Esau djinell bouder kek, hoy te krell.


Swiv nou:

Piblisite


Piblisite