Jesaja 17:2 - O Debleskro Lab 2024 (Sinte-Manouche)

² Kol forya an Syria hi mouklo, oun i firhe nay rhan kote, oun kek hi koy, kay len krik tradell.

O Debleskro Drom 2021 (Sinte)

² Kol forja an Syria hi muklo, un i vieche nai chan kote, un kek hi koi, kai len krik tradell.

Jesaja 17:2 Referans Kwoze

Ezekiel 25:5

Oun me krau, te vell t'maro baro foro Rabba i platsa, kay i khamele rhan. Oun t'mare gaba oun forya venn i them, kay i bakre oun bouzya djivenn. Oun t'mer dikenn oun hayvenn, te hom me o baro Devel.

Jeremia 7:33

Čirkle oun divye firhe rhan kol moule menshen pre, oun kek tradell len krik.

Zefanja 2:6

Ko them pash o baro pani vell i them, kay i bakre anlo venn, te rhan le kote pengro zenlepen. Oun i bakrenge djan kote trouyel, oun anenn pengre bakre oun bouzya pash o pani.

Micha 4:4

Hakeno nay beshell tel peskre drakengre rouka oun faygetikre rouka. Oun kek krell leske traash. Kava penell o baro Devel, ko ray pral o bolepen oun i phoub.

5. Mose 2:36

Maro baro Devel das i tsele forya an mare vasta: ko foro Aroer, hoy pash o lengsto pani Arnon čiddo hi, oun ko foro hoy tella an o panyeskri tala čiddo hi, oun i tsele forya bis pash o them Gilead. Kek foro his koy, hoy zorleder his har mer.

4. Mose 32:34

Oun i morsha dran o kheer Gad kran kol forya Dibon, Atarot, Aroer,

Jeremia 48:19

T'mer, kay djivenn an o foro Aroer, djan ap o drom oun dikenn kolen, kay nashenn penge krik! Poučenn lendar: “Hoy djas kanna kate?”

5. Mose 3:12

Kava tselo them lam mer an ko tsiro menge dren. Ko them, hoy hi čiddo serves o forestar Aroer oun o lengsto panyestar Arnon dom me i familyake Ruben oun i familyake Gad. Ninna dom me len o paash them Gilead oun kol forya koy dren.

Jesaja 7:21

An ko tsiro hi yek morshes yek terni groumni oun douy bakre.

Jesaja 5:17

Mank i barra ko paash-dino forestar nashenn i bakre trouyel oun rodenn o rhapen. Oun i bouzya rhan mank i khera, hoy kol bravele pale hounte moukan.

Josua 13:16

Kava them djas o forestar Aroer, hoy pash o pani Arnon čiddo hi, oun ko forestar, hoy mashkral an i tala čiddo hi, pral o tselo pralstouno them bis pash o foro Medeba,

Hiob 11:19

Oun tou hal čiddo, oun kek vell pral toute, oun krell tout traash. Oun boud venna, kay mangenn toutar, te kress lenge lačepen.

Jesaja 7:22

Kolla denn yaake boud thoud, te vell i tseli familya khil te rhal. Koon an ko tsiro pral ačas an o them, rhal khil oun gvin.

Jesaja 27:10

I zorelo foro hi mouklo. Kek djivell bouder an i shoukar khera. O foro hi har i divyo mouklo them, kay i groumya rhan oun pen tele čivenn, oun o zenlepen ap i bourra rhan.

Ezekiel 39:26

An ko tsiro, kay djivenn le pale kek daryah an pengro them, oun kek len traash krell, bistrenn le ko tsiro, kay vas bari ladj ap lende har moukan le man.

Josua 13:25

Ko foro Yaser oun i tsele forya an o them Gilead oun o paash them Ammon bis pash o foro Aroer, hoy ap koy rig o forestar Rabba čiddo hi, kay o kham pre djal.