Jesaja 17:1 - O Debleskro Lab 2024 (Sinte-Manouche)

¹ Kate sikrell o Devel, hoy pral o foro Damaskus vella: I tsiro vell sik, kay o foro Damaskus bouder kek foro hi. Lestar ačell či har tele phagede barra.

O Debleskro Drom 2021 (Sinte)

¹ Kate sikrell o Dewel, hoi pral o foro Damaskus wella: I tsiro well sik, kai o foro Damaskus buder kek foro hi. Lestar atchell tchi har tele phagede barra.

Jesaja 17:1 Referans Kwoze

Zakarie 9:1

Kava hi o lab, hoy rakras o baro Devel; kava lab vell an o them Hadrak oun djal bis an o foro Damaskus. Čačepah, o baro Devel dikell ap i tsele menshende, gar kokres ap i menshende an Israel.

Jesaja 25:2

Tou kral o zorelo foro paash. Lestar ačas či pral har barra. Ko foro, kay i zoreli massouri troul leste his, hi čiddo an kotya. Kote, kay rayen dran vavar themma pengre shoukar khera his, hi kek foro bouder. Oun kek nay čivell len pale pre.

Bičepangre 9:2

oun mangas kolestar lila, te nay djal lo an i biboldengre kangria an o foro Damaskus, te nay taprell yob kote kolen, morshen har djouvyen, kay ap o Yezouseskro drom djana, te anell lo len an o foro Yerusalem.

Micha 1:6

Doleske krell o baro Devel, te vell o foro Samaria khetne dino bis ap i telstoune barra. Lestar ačell či pral har barra. Kolen vitsrell lo an i tala. Kote kay o foro tardo his, venn drakengre rouka an i phoub čiddo.

Jeremia 49:2

Doleske penell o baro Devel: Ko tsiro vell, kay moukau i kourepaskri gole te shounell: Lourde venna pral o foro Rabba, ko baro foro foun i Ammonarya. O forestar Rabba ačell či pral har barra. Oun kol vavar forya koy trouyel venn pre rhačedo. O Israel vell o ray pral kolende, kay lan penge leskro them. Kova penell o baro Devel.

Jesaja 7:8

O foro Damaskus hi o shero o themestar Syria, oun o Rezin hi o baro ray kokres pral Damaskus. Oun o foro Samaria hi o shero o themestar Efrayim, oun o Peka hi o baro ray kokres pral Samaria. Oun an 65 (shob-deesh-te-panč) bersha dell bouder kek them Efrayim. Oun te patsenn t'mer kava gar, palle ačenn t'mer gar!”

1. Mose 14:15

An i rati bičras yob peskre morshen ap douy rigya. Oun yob oun leskre morsha djan ap lende pre oun dan len, oun lan len palla bis pash ko foro Hoba, hoy ap i servi rig o forestar Damaskus čiddo hi.

Micha 3:12

Doleske vell o Debleskro foro trouyel vitsedo har i harhetikri phoub. Oun an o foro Yerusalem ačell kek bar ap o vavar. Ap i berga, kay o Debleskro kheer tardo hi, venn divye bourra baro. Kova lauter vell yaake dran t'mari doosh.

Jesaja 37:26

Shoun oun mouk touke te penell: Kova vas yaake har me kamom. Glan i rah tsiro his yaake an miro shero. Kanna moukom te djal, kay tou val, oun zorele forya paash dal. Oun kokres lengre barra pral ačan.

Jesaja 19:1

Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

Jesaja 15:1

Kate sikrell o Devel, hoy pral o them Moab vella. An yek rat vell o foro Ar an o them Moab khetne stakedo. Oun ko foro hi bouder gar koy. An yek rat vell o foro Kir an o them Moab khetne stakedo. Oun o foro hi bouder gar koy.

Jesaja 13:1

Kava hi, hoy sikras o Devel o Yesayes pral o foro Babilon. O Yesaya hi o čavo o morshestar Amoz.

Jesaja 10:9

Yek foro pal o vavar lom dren: Kalno oun Karkemish, Hamat oun Arpad, Samaria oun Damaskus.

Jesaja 8:4

Glan te nay dell o ternepen gole tata oun mama, moukell o baro ray pral Assour o tselo bravlepen dran Damaskus oun o tselo kouč koova dran Samaria krik hidjrell.”

2. Familjakro liil 28:23

Yob rhačras firhen glan i rhorhene debla dran o foro Damaskus, ninna te dan i lourde dran Damaskus leskre lourden khetne. Yob penas: “Kal debla van i bare rayenge pral o them Syria ap i rig; doleske anau len firhen, te venn le mange ninna ap i rig.” Kolla anan les oun i tsele menshen an leskro them an i bari bibarht.

2. Familjakro liil 28:5

Doleske das les leskro baro Devel an o vast o baro rayestar pral o them Syria. Kol Syrarya dan i lourden dran Youda khetne, oun lan boud lendar pandles, oun anan len an pengro foro Damaskus. Ninna i lourde dran Israel kouran pen i lourdentsa dran Youda, oun van i zorleder oun maran boud lendar.

2. Rajengro liil 16:9

Oun o baro ray pral o them Assour shounas ap leste oun djas pral pash o foro Damaskus oun las les dren. Oun moukas kol menshen, kay kote djivan, pandles krik te anell an o foro Kir, oun maras o baro rayes Rezin.

1. Mose 15:2

Koy penas o Abram: “Miro ray, baro Devel, hoy kameh man te dell? Man hi kek čave. Me te merau, lell halauter, hoy man hi, o Eliyeser, ko vell dran o foro Damaskus.

1. Familjakro liil 18:5

Koy van kol Syrarya dran o them Damaskus pash o Hadad-Eser, ko baro ray pral o them Soba, te venn le leske ap i rig. Oun o David maras lendar 22.000 (biish-te-douy-zerya) morshen.

1. Rajengro liil 11:24

Oun o Reson las kourepangren troul peste oun vas lengro pralstouno. Kova his an ko tsiro, har o David i Syrarya maras. Oun o Reson peskre lourdentsa djas an o foro Damaskus. Oun yon djivan kote, oun his i raya pral Damaskus.

5. Mose 13:16

palle denn kol menshen an ko foro o rhareha moulo. Lauter hounte venn moulo dino, ninna lengre firhe.

Jesaja 7:16

Glan te vas ko tsiro, kay djinell lo kova, vell ko them mouklo čiddo, glan koleskre douy bare rayende tout savi bari daar hi.