Jesaja 16:7 - O Debleskro Lab 2024 (Sinte-Manouche)

⁷ O dives vell, kay rovenn le an o them Moab. Halauter rovenna. Lenge hi phares an o dji, te hi len bouder kek drakengre merklia, hoy van kerdo an o foro Kir-Heres. Dino an o dji denn yon gole i doukatar.

O Debleskro Drom 2021 (Sinte)

⁷ O diwes well, kai rowenn le an o them Moab. Halauter rowenna. Lenge hi phares an o dji, te hi len buder kek drakengre merklia, hoi wan kerdo an o foro Kir-Heres. Dino an o dji denn jon gole i dukatar.

Jesaja 16:7 Referans Kwoze

2. Rajengro liil 3:25

Lengre forya kran le paash, oun yon vitsran barra ap haki lači harhetikri phoub, yaake kay koy phoub i barrendar čakedo vas. Oun kol brounna kran le pherdo čik, oun hako lačo rouk dan le trouyel. Kokres i pre-čidde barra troul o foro Kir-Heres ačan tardo. Troul o tselo foro his vitsepangre tardo oun vitsran barra ap leste.

Jeremia 48:20

Ah, o them Moab hi paash dino oun khetne stakedo! Rovenn oun denn golya! Penenn i menshenge pash o pani Arnon, te vas o them Moab khetne phagedo!

Jesaja 16:11

Doleske rovell miro dji pral i menshende an o them Moab. Lauter an mande trissell o foreske Kir-Heres.

Jesaja 8:19

Nay vell, te penenn i menshe t'menge: “Poučenn kolen, kay i moulentsa rakrenn, oun poučenn i dravepangren, kolla, kay rakrenn lokes glan pende.” Ap kolende penenn: “Hounte poučenn gar i menshe pengro debles? Poučenn le i moulen i djidenge?”

1. Familjakro liil 16:3

Oun yob das hako menshes, kay kote hi, morshen oun djouvyen, hakenes, yek maro, yek kotar mass oun yek drakengri merkli.

1. Familjakro liil 12:40

Oun yon his kote pash o David triin divessa oun rhan oun piyan, lengre phrala anan lenge rhapen.

Jeremia 48:31

Doleske hounte rovap pral i Moabarya, oun dau gole pral o tselo them. Mange hi ropaske pral kol menshende an o foro Kir-Heres.