Jesaja 14:15 - O Debleskro Lab 2024 (Sinte-Manouche)

¹⁵ Ava, tele pash i moulende djal tou, an o telstouno moulengro them!

O Debleskro Drom 2021 (Sinte)

¹⁵ Awa, tele pash i mulende djal tu, an o telstuno mulengro them!

Jesaja 14:15 Referans Kwoze

Mateo 11:23

Oun t'mer menshe an o foro Kapernaum, patsenn t'mer, kay venn t'mer an o bolepen hadedo? Na-a! T'mer djan an o moulengro them tele. O baro koova, hoy krom an o Debleskri zoor pash t'mende, te kroms kova an o foro Sodom, palle vals ko foro gomme kava dives.

Ezekiel 32:23

Yon hi paskedo an i telstuneder platsa an o moulengro them. Troul leste trouyel hi le paskedo. Maredo o rhareha hi le halauter, kolendar i vavaren bari daar his an ko tsiro, har le djido his.

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.

Louka 10:15

Oun t'mer menshe an o foro Kapernaum, patsenn t'mer, kay venn t'mer an o bolepen hadedo? Na-a! T'mer venna tele an o moulengro them vitsedo.”

Jesaja 14:16

Kolla, kay dikenn tout, krenn bare yaka, oun nay patsenn kova gar: “Hi kova ko morsh, glan koleste i tseli phoub trissas, oun i tsele rayengre themma bari daryah glan leste trissan?

Ezekiel 31:16

Har i menshe an i vavar themma shounan, te peras ko baro rouk, oun kay vitsrom me les tele pash i moulende an o moulengro them, trissan le i daryatar. Oun i tsele rouka dran i bar Eden oun kol shoukeder oun feteder rouka i bergatar Libanon, halauter kay pash o pani tardo his, oun kanna tel i phoub hi, lenge his kova mishto, te djas ko baro roukeske yaake har lenge ninna djas.

Jesaja 2:11

Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Ezekiel 31:14

An ko tsiro, hoy vella, vell bouder kek rouk yaake baro – bareder har i tsele vavar – te nay phourdell lo pes pre, ninna te hi lo pash o pani tardo. Kek rouk nay hadell pes pral i vavarende. Kol tsele rouka hounte merenn, oun djan tele an o moulengro them, pash i vavar menshende, kay meran.

Obadja 1:3

Tiro zorelo foro hi tardo ap i bare barra, tou djiveh pral an i berge. Doleske phourdal tou tout pre. Dik, tiro dji rhorhras tout, har lo touke dren rakras: Kek nay vitsrell tout tele ap i phoub.