Jesaja 1:12 - O Debleskro Lab 2024 (Sinte-Manouche)

¹² Te venn t'mer glan mande, glan miro kheer, stakrenn t'mer i platsa glan miro kheer khetne. Koon penas t'menge te krenn t'mer kova?

O Debleskro Drom 2021 (Sinte)

¹² Te wenn tumer glan mande, glan miro kheer, stakrenn tumer i platsa glan miro kheer khetne. Koon penas tumenge te krenn tumer kowa?

Jesaja 1:12 Referans Kwoze

2. Mose 34:23

Ap kol bare divessa, triin kope an o bersh, hounte venn i tsele morsha glan mande, lengro rayeste. Me hom o baro Devel, o Devel pral o Israel.

2. Mose 23:17

An kal bare divessa, triin kope an o bersh, hounte venn i tsele morsha glan o baro Debleste, pengro rayeste an leskro kheer.

Mateo 23:5

Lauter, hoy kolla krenna, krenn le, te dikenn kova i vavar. Te pandenn le i diklo troul o shero oun troul i moussi, kay o Debleskre laba dren činlo hi, yaake hi lengro diklo bourhleder har ko diklo i vavar morshendar. Oun len hi lengste koola ap pende, te sikrenn le i menshende, te hi le o Debleskre morsha.

Micha 6:8

Na-a, o baro Devel penas menge, hoy lačo hi, oun hoy lo mendar kamella: Kova hi: Rike tout ap o čačepen, ab lačes ap o vavareste, oun dja o tselo djiyestar tiro Debleha!

Sikepaskro 5:1

Ma kre tiro mouy sik pre, te rakreh glan o Debleste. O Devel hi an o bolepen, oun tou hal ap i phoub. Doleske kre gar boud laba, te rakreh.

Debleskri gili 40:6

Miro baro Devel, har boud hi ko baro koova, hoy tou ap mende kral, hoy kek vavar nay krals, har tou kokres. Te kamoms pral kova lauter te rakrell, nay kroms kova gar, yaake boud hi kova.

5. Mose 16:16

Triin kope an o bersh hounte venn t'mare tsele morsha glan t'maro baro Debleste ap koy platsa, hoy yob peske vin rodell: ap kol bare divessa, kay rhan kek maro dran shoutlo yarro, oun ap ko baro dives, kay anenn o baro Debleske o nevo djobestar, hoy t'mer dren anan, oun ap kol divessa, kay djivenn an patyengre khera. Oun kek vell, koles či pash peste hi, hoy yob o baro Debleske anella.

Zakarie 7:5

“Pen i tsele menshenge an o them oun kol rashayenge: Har rhan t'mer či oun dan gole ropah an o pančto čon oun an o eftato čon an kal efta-deesh bersha, kran t'mer kova mange? Na-a!

Jeremia 7:11

Kava kheer, hoy mange kerdo vas, hi kava t'menge i kheer, kay i čorepangre pengro čoredo koova khatrenn? Mishto, palle dikau me kova ninna yaake, penell o baro Devel.