Jeremia 8:18 - O Debleskro Lab 2024 (Sinte-Manouche)

¹⁸ Miro dji phagell. Man hi ropaske. Hoy nay krell man pale zorelo?

O Debleskro Drom 2021 (Sinte)

¹⁸ Miro dji phagell. Man hi ropaske. Hoi nai krell man pale sorelo?

Jeremia 8:18 Referans Kwoze

Ropaskre gilja 5:17

Doleske hi maro dji nasselo, oun mare yaka vi-rovedo,

Jeremia 6:24

Mer shounam lendar, oun mare moussya peran menge tele. Oun i bari traash vas ap mende. Men hi bare douka har i djouvel, kay i ternepen lella.

Jesaja 22:4

Doleske penau t'menge: Ma dikenn ap mande! Moukenn man te rovell. Miro dji hi yaake pharo. Ma rakrenn lačes ap mande, kamau gar te bistrap koy bibarht, hoy ap mire menshende vas.

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

Debleskri gili 143:7

Baro Devel, shoun man sik! Man hi bouder kek zoor. Ma khate tout mandar, te vap gar har kolla, kay hounte merenn.

Jeremia 9:1

Te vals man an o moulo tato them i kheer, kay nay ačau, moukoms me mire menshen, oun djoms mange. Yon lauter hi har romma, kay moukan pengre romyen beshdo. Yaake moukan kal phoukepangre o baro Debles.

Jeremia 23:9

Kova penas o Yeremia ap kol rakepangre, kay hounte rakrans o Debleskre laba, oun krenn kova gar: Miro dji kamell te phagell an mande. Mire tsele kokale trissenn. O baro Devel rakras mantsa. Oun leskre laba, hoy lo penas, kran, te nay rikrau man bouder gar ap i herya. Me vom har mato har yek kay hi mato i molyatar.

Jeremia 4:19

Har doukell man kova, havi daar hi an mande! Miro dji djal zoreles an miro beč, me nay ačau gar pokones; me shounau koy phourdepaskri, oun ko kourepaskri gole.