Jeremia 8:1 - O Debleskro Lab 2024 (Sinte-Manouche)

¹ O baro Devel penell: An ko tsiro venn kol kokale kol bare rayendar dran o them Youda kote vin lino, kay le paskedo hi, ninna kol kokale kol pralstunendar oun rashayendar, kol kokale o Debleskre rakepangrendar, oun kol kokale kol menshendar an Yerusalem.

O Debleskro Drom 2021 (Sinte)

¹ O baro Dewel penell: An ko tsiro wenn kol kokale kol bare rajendar dran o them Juda kote win lino, kai le paskedo hi, ninna kol kokale kol pralstunendar un rashajendar, kol kokale o Debleskre rakepangrendar, un kol kokale kol menshendar an Jerusalem.

Jeremia 8:1 Referans Kwoze

Amos 2:1

O baro Devel penell: I menshe an o them Moab kran pale te pale djoungelo koova. Yon rhačran i kokale o baro rayestar dran o them Edom, bis te van le yagakri čik. Doleske lenn le pengri phagi, oun khaytenn man gar.

Ezekiel 37:1

I zoor o baro Deblestar vas pral mande, oun leskro dourho hidjras man vin, oun moukas man tele mashkral an i bourhli tala. Koya his pherdo moule kokale.

2. Rajengro liil 23:20

Oun moukas i tsele rashayen, kay i moule deblenge boudran, te marell ap lengre rhačepangre, oun rhačras menshengre kokale koy pre. Oun palle vas lo pale an o foro Yerusalem.

2. Rajengro liil 23:16

Glan kova dikas o Yosia trouyel oun dikas i handako ap koy berga, oun bičras koy oun moukas i moulengre kokale vin te lell oun rhačras len ap i rhačepaskri oun kras lat pale-čiddo, yaake har o baro Debleskro rakepaskro vin kharas.

1. Rajengro liil 13:2

Oun yaake har o baro Devel leske penas, das o Debleskro morsh gole: “Rhačepaskri! Rhačepaskri! Shoun, hoy o baro Devel penell! I čavo vell boldo an o Davideskri familya. Leskro lab hi Yosia. Kova marell ap toute kol rashayen, kay rhačrenn soungepaskro koova ap toute i moule deblenge. Oun menshengre kokale venn rhačedo ap toute.”

2. Rajengro liil 9:37

Oun yoy vell har firhengro foul ap o them pash Yesreel. Kek penell nay bouder: Kova hi i Isebel.”

Debleskri gili 53:5

“Kolla, kay o čilačo koova krenna, hayvenn či”, penell o Devel, – “kolla, kay mire menshen rhana har i kotar maro. Man denn le gar an-gole.”

Jeremia 14:16

Yaake djal ninna kol menshenge, kay shounenn ap lende. Yon hi moulo čiddo ap i dromma an Yerusalem. I bok oun o rharo maras len. Oun kek paskrell len, lengre romyen oun lengre čaven. Me anau čilačepen pral lende, yaake har yon čilačepen kran.

Ezekiel 6:4

Kol rhačepangre, kay firhe rhačedo venn, ninna kol boba, kay soungepaskro koova rhačedo vell, venn khetne phagedo. Oun kolla, kay t'mendar moulo dino venn, vitsrau glan t'mare rhorhene deblen ap i phoub. Oun i kokale kol moule Israelendar vitsrau troul kol rhačepangre, kay mangan kol rhorhene deblen an.