Jeremia 7:8 - O Debleskro Lab 2024 (Sinte-Manouche)

⁸ T'mer patsenn rhorhene laba. Kova hi čičeske.

O Debleskro Drom 2021 (Sinte)

⁸ Tumer patsenn chochene laba. Kowa hi tchitcheske.

Jeremia 7:8 Referans Kwoze

Jesaja 28:15

T'mer penan: “Mer kram vin o merepah oun o moulengro themeha, te vas menge či. Ninna te venn i lourde dran vavar themma har i baro zorelo pani pral mende, venn le gar zorleder har mer.” T'mer patsenn, te nay khatrenn t'men pal t'mare rhorhene laba oun pal ko rhorhepen, hoy kran.

Jeremia 23:32

Me kourau man kolentsa, kay rhorhene sounya rakrenna, oun anenn mire menshen o čačo dromestar tele lengro rhorhepah oun dinelo rakepah. Me bičrom len gar, oun dom len kek lab, te penenn le kova doureder. Yon molenn či mire menshenge, penell o baro Devel.

Jeremia 23:26

Har rah kamenn le savo koova te krell? Har rah penenn kal rakepangre rhorhepen glan-vi, hoy vell dran lengro dji oun gar mandar?

Jeremia 8:10

Lengre djouvyen dau vavar morshende. Oun lengre kotya them dau kolende, kay tradan len krik. Halauter, tikne oun bare, rhorhenna, te venn le bravelo. Ninna i Debleskre rakepangre oun rashaya rhorhenn i menshen,

Jeremia 7:4

Ma patsenn kol rhorhene laba, te penenn yon: Kate hi o baro Debleskro kheer, kay djivell lo. Ava, kate hi o baro Debleskro kheer!

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Jeremia 4:10

Koy penom me: Baro Devel, miro ray, tou rhorhral kol menshen an Yerusalem an, har tou penal, kay kek kourepen mashkral lende vell. O rharo hi koy oun kamell len moulo te dell.

Jesaja 30:10

Ap i dikepangre penenn le: “Ma dikenn i dikepen.” Oun ap o Debleskre rakepangre penenn le: “Ma penenn menge, hoy o Devel t'mende sikras oun hoy čačo hi! Penenn menge kova, hoy pes menge shoukar an-shounell! Oun sikrenn men sau koova, har mari djia les kamenn.

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Jeremia 28:15

Oun o Yeremia penas ap o Hananya: “Shoun, Hananya! O baro Devel bičras tout gar. Tou kral, te patsenn kal menshe rhorhepen.

Jeremia 13:25

T'mer bistran man oun djan rhorhene deblen palla. Doleske vell kay phagi pral toute, Yerusalem, hoy me, o baro Devel tout dau.