Jeremia 6:25 - O Debleskro Lab 2024 (Sinte-Manouche)

²⁵ Ma djan ap t'maro kotar them, kharell yek ap o vavareste! Ma nashenn ap i drom! I lourde venna haki rigyatar oun marenn hakenes pengre rharentsa.

O Debleskro Drom 2021 (Sinte)

²⁵ Ma djan ap tumaro kotar them, kharell jek ap o wawareste! Ma nashenn ap i drom! I lurde wenna haki rigjatar un marenn hakenes pengre charentsa.

Jeremia 6:25 Referans Kwoze

Jeremia 49:29

Palle čorenn le lenge lengre plarhtene khera oun lengre firhe, ninna lengre plarhte, oun lengro tselo koova oun lengre khamele. Oun pral lende vell kharedo: Traash troul lende!

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Jeremia 14:18

Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

Debleskri gili 31:13

Boud bistran man, har te voms moulo oun paskedo. Lenge hom har i phagedo čaro, hoy krik vitsedo vas.

Hiob 18:11

Troul leste trouyel vell haki rigyatar bari traash, oun lell les palla, kay yob ninna stakrell.

Louka 19:43

Ko bibarhtelo dives vella, kay lourde venna dran i vavar themma. Yon čivenn bare barra troul t'maro foro, te venn t'mer bouder gar vin.

Jeremia 8:14

Hoske ham mer kay trouyel beshdo? [poučenn i menshe dran Youda.] Mer vas khetne, te djas mer an kol zorele forya, te vas koy maredo! Mer moukam o baro Debles, maro rayes. Doleske kamell lo maro merepen, oun dell men savo pani te piyell, hoy marell men.

Jeremia 4:10

Koy penom me: Baro Devel, miro ray, tou rhorhral kol menshen an Yerusalem an, har tou penal, kay kek kourepen mashkral lende vell. O rharo hi koy oun kamell len moulo te dell.

Jeremia 4:5

Denn zoreles gole an Youda, kharenn vin an Yerusalem, oun penenn: Phourdenn koy phourdepaskri an o tselo them! Denn vin gole, te venn le an i zorele forya khetne!

Jesaja 1:20

Kamenn t'mer gar te shounell, oun pandenn t'mare djia glan mande, palle venn o rhareha moulo dino. Kova penau me, o baro Devel!”

2. Familjakro liil 15:5

An kol tsirya djivan i menshe gar an o lačepen khetne an kal themma. Yaake hounte darell hakeno peskro djipaske, kay djas ap o drom.

Jeremia 30:5

Yob penas: Mer shounah i gole i trashatar; kokres i daar hi koy oun kek lačepen.

Jeremia 46:5

Hoy dikau me kote? poučell o baro Devel. Len hi traash, kol lourde, oun tserdenn pen pale! Ninna i zorele kourepangre venn dino. Hakeno nashell yaake sik har djala, oun dikell bouder gar pal peste!

Ropaskre gilja 2:22

Haki rigyatar kharal kolen, kay kran menge daar oun traash. Yon van har pash i baro rhapen. Oun kek mendar nay nashas peske ap o dives, kay tiri rholi, baro Devel, pral mende vas, oun kek ačas pral. Kolen, kay me ap i vasta hidjrom oun bares tserdom, kolla van lendar maredo.

Jeremia 8:15

Mer patsam, kay vell lauter mishto. Či vas mishto! Mer kamams, te vell i tsiro, kay kova, hoy an mende nasselo hi, sasto vals. Kova vas gar. I daar vas.

Jeremia 49:5

O baro Devel, ko ray pral o bolepen oun i phoub penell: Me anau bari traash pral t'mende. I menshe dran i themma troul t'mende, kolla perenn pral t'mende, oun t'mer venn vin tradedo ap hake rigya. Oun kek lell t'men pale khetne.

Ezekiel 7:18

Gone čivenn le troul pende har ripya, oun činenn pengre balla ap lengro shero tele, te sikrenn le har boud khaytell len lengri doosh. Yon trissenn i daryatar. Oun lengre sherya hi lolo i ladjatar.

Ezekiel 21:17

De gole oun rob, tou mensho! Mire menshe hi, kolen o rharo marell. I pralstunen an Israel dell miro rharo moulo, oun lentsa khetne mire tsele menshen! Doleske de ap tiro beč o ropastar!