Jeremia 6:13 - O Debleskro Lab 2024 (Sinte-Manouche)

¹³ Kol baren oun kol tiknen hi bok ap bravlepen, hoy gar lengro hi. Oun o Debleskre rakepangre oun i rashaya rhorhenn i menshen,

O Debleskro Drom 2021 (Sinte)

¹³ Kol baren un kol tiknen hi bok ap brawlepen, hoi gar lengro hi. Un o Debleskre rakepangre un i rashaja chochenn i menshen,

Jeremia 6:13 Referans Kwoze

Jeremia 23:11

O baro Devel penell: Mire rakepangre shounenn gar ap mande, vitar gar mire rashaya. Lengro čilačo koova hatsau ninna an miro kheer.

Jeremia 8:10

Lengre djouvyen dau vavar morshende. Oun lengre kotya them dau kolende, kay tradan len krik. Halauter, tikne oun bare, rhorhenna, te venn le bravelo. Ninna i Debleskre rakepangre oun rashaya rhorhenn i menshen,

Micha 3:11

T'mare čačepangre morsha moukenn pen te makell. T'mare rashaya lenn love koleske, hoy le i menshenge penenn. Oun i lovenge penenn o Debleskre rakepangre, glan-vi, hoy vella. Oun t'mer penenn: “O baro Devel hi ap mari rig. Kek bibarht nay vell pral mende.”

Jeremia 22:17

Yoyakim, tire yaka oun tiro dji dikenn ap či vavares, har te vess bravleder tiro rhorhepah. Tou mareh kolen, kay kek čilačepen kran, oun rikreh i menshen zoryah oun daventsa tele.

Micha 3:5

Kava penell o baro Devel ap i rakepangre, kay penenn, te vell len i lab o baro Deblestar, oun kova hi gar yaake. Yon rhorhenn i menshen oun penenn kolenge, kay denn len rhapaske: Halauter vell mishto t'mentsa! Kolenge, kay denn len či te rhal, penenn le: I čilačo tsiro vell pral t'mende.

Jeremia 14:18

Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Jesaja 57:17

Lengri doosh his, te lan le gar doha. Pral kova vom rhoyedo, oun koleske dom me len, khatrom man glan lende oun rhoyrom man. Oun yon djan doureder ap pengro drom oun van gar pale pash mande.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

1. Timoteo 3:3

Yob hi kek pipaskro. Yob hi kek marepaskro. Les hi i baro dji i vavarenge. Yob hi kek čingepaskro. Yob hi gar pal i love.

Louka 16:14

Kol Farisarya shounan kova lauter. Yon his pal i love, oun yon san pral o Yezouseste.

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Ezekiel 22:12

Hi save mank t'mende, kay moukan pen te playsrell, te marenn le yekes. Kolen, kay siyaan pash t'mende hi, kolendar lenn t'mer boudeder love pale, har patsan lenge. T'mer krenn t'men braveles ap i vavarende, kolen t'mer rhorhenn oun ap lende zoryah djan. Oun man, o baro Debles, t'maro rayes, bistran t'mer.

Ropaskre gilja 4:13

Kova vas pral o foro koy doshake, hoy o Debleskre rakepangre oun i rashaya ap pende anan. Yon moukan kote save menshen te marell, kay kek čilačepen kran.

Jeremia 32:32

Kova hounte krap dran ko tselo čilačepen, hoy i menshe dran Israel oun Youda kran, te rhoyrenn le man. Yon, lengre bare raya, pralstoune, rashaya oun rakepangre, ninna kolla, kay djivenn an o foro Yerusalem,

Jeremia 2:26

Har i čorepaskro hounte ladjell peske, te vell yob tapedo, yaake hounte ladjenn penge kol menshe an o them Israel, ninna kol bare raya, oun pralstoune oun rashaya oun Debleskre rakepangre,

Jeremia 2:8

T'mare rashaya poučan gar: Kay hi o baro Devel? Har penan le i menshenge, hoy te krenn le, rikran le pen gar ap mire laba. Oun kol pralstoune pral mire menshende hadan pen pral mande, oun shounan bouder gar ap mande. Oun mire rakepangre, kay hounte penans mire laba doureder, rakran an o lab ko rhorheno deblestar Baal, oun mangan figuren an, kay kek devel hi.

Jesaja 28:7

Ninna i rashaya oun o Debleskre rakepangre hi mato i molyatar, oun perenn yek rigyatar ap i vavar o zorelo pipastar, hoy le piyan. Yaake boud mool oun zorelo pipen piyan le, te nay ačenn le bouder gar tardo. Te rakrenn le o Debleskro lab vin, hi le mato koy pashel. Te krenn le o čačepen vin, perenn le yek rigyatar ap i vavar.

2. Petro 2:1

Glan i rah tsiro his rhorhene rakepangre an o them Israel, kay kran, har te bičras len o Devel. Yaake venna ninna mashkral t'mende rhorhene sikepangre, kay sikrenn t'men i rhorheno drom, kay anell t'men krik o Deblestar. Kol sikepangre denn o Yezouses, maro rayes, bourhoste, kay playsras peskro rateha lenge, te lell lo len dran o čilačepen vin. Yon nashenn an pengri bibarht.

Jeremia 2:29

T'mer kamenn man i doosh te dell. T'mer han kolla, kay peran lauter mandar tele, penell o baro Devel.

Jeremia 17:11

Har i divyi karhni, kay beshell pes ap i yare, kay gar lakre hi, yaake djal koleske, kay lell peske bravlepen khetne rhorhepah. An o feteder tsiro nashrell lo peskro bravlepen, oun hi koy tardo har i narvelo.

Jeremia 27:15

O baro Devel penell lendar: Me bičrom len gar. Yon penenn, te venn lengre laba mandar. Kova hi rhorhepen. Te patsenn t'mer lenge, tradau t'men vin, oun t'mer venn maredo khetne kol rhorhene rakepangre.

Jeremia 42:1

Kote van i pralstoune i lourdendar khetne, o Yohanan, koleskro dad o Karea his, o Asarya, koleskro dad o Hoshaya his, oun i tsele menshe, tikne oun bare,

Jeremia 23:10

O tselo them hi pherdo kolentsa, kay moukan o baro Debles. Doleske hi i praasepen ap o them čiddo: Kek brishin dell, oun o zenlepen merell tele. Či har čilačepen hi an lengro shero, oun an o rhorhepen hi le zorelo.