Jeremia 51:9 - O Debleskro Lab 2024 (Sinte-Manouche)

⁹ [I vi-themarya, kay kote djivenn, penenn:] Mer kamam o foro Babilon sastes te krell, oun yob kamas gar sasto te vell. Palle moukenn les, har yob kamella! Mer djas halauter pale an mare themma! Leskri phagi hi yaake baro, te djal li bis an o bolepen.

O Debleskro Drom 2021 (Sinte)

⁹ [I wi-themarja, kai kote djiwenn, penenn:] Mer kamam o foro Babilon sastes te krell, un job kamas gar sasto te well. Palle mukenn les, har job kamella! Mer djas halauter pale an mare themma! Leskri phagi hi jaake baro, te djal li bis an o bolepen.

Jeremia 51:9 Referans Kwoze

Debleskro tsiro 18:5

Ko foro hi har i djouvel, hoy vi-ladjedo koova kras. Lakri doosh hi yaake baro, te djal koy doosh an o bolepen pre. Oun o Devel bistras ko čilačo koova gar, hoy yoy kras.

Jeremia 50:16

Moukenn kekes djido, kay čivell djob an i phoub, oun kekes, kay činell o djob tele an ko tsiro, kay hi lo baro! Lauter kolla, kay hi gar khere an kava them, nashenn penge glan o marepaskro rharo, oun nashenn pash pengre menshende an pengro them.

Jesaja 13:14

Oun kol vi-themarya, kay djivenn an o foro Babilon, kolla nashenn pash pengre menshende, hakeno an peskro them. Yon hi har vesheskre bouzya, kay tradede hi, oun har bakre, kolen kek bakrengro hi.

Jeremia 46:16

Yob krella, kay boud lendar perenna, oun yek ap o vavareste ap i phoub čiddo hi. Kote penenn i lourde: Avenn, mer djas pale pash mare menshende, an kol themma, kay khere ham! Avenn, nashas glan kal marepaskre rhare!

Esra 9:6

oun penom: “Miro Devel, me ladjau oun trashau man, te hadap mire yaka pral pash toute, miro Devel; mari doosh vas pral maro shero, oun maro čilačepen hi baro bis pral an o bolepen.

Jeremia 46:21

Ninna i lourde, kay playsedo venna an kava them, hi har terne thoulle groumya. Yon nashenn penge oun kourenn pen gar ap ko čilačo dives, kay vell i bibarht pral lende, oun yon pengri phagi lenna.

Jeremia 8:20

O tsiro hi trouyel, kay o djob dren anlo vell. O niyal hi trouyel, oun kek vas, kay men dran i bibarht vin las.

Jesaja 47:15

Yaake hi kol tsele dravepangre, kolentsa khetne boudral, kolla, kay paran touha foun ko tsiro, har terno hals. Kek lendar nay rikrell pes ap peskre herya, oun perell foun yek rig ap i vavar. Oun kek hi koy, kay lell tout vin dran i bibarht.

2. Familjakro liil 28:9

Kote djivas i Debleskro rakepaskro. Leskro lab his Obed. Kova djas vin oun stakras kol lourdenge an o drom, kay van pale an o foro Samaria, oun penas ap lende: “O baro Devel, ko Devel t'mare phourendar, his rhoyedo pral i menshende an o them Youda. Doleske das yob len an t'mare vasta. T'mer dan len i bari rholyah yaake khetne, kay lengre golya an o bolepen shounlo van.

Debleskro tsiro 18:4

Oun me shounom, har yek vavar dran o bolepen rakras oun penas: “Mire menshe! Djan dran ko foro vin, te lenn t'mer gar leskri doosh oun leskri bibarht ap t'mende!

Hosea 7:13

Bibarht ap lende! Yon djan mandar krik! Merepen pral lende! Yon peran mandar tele! Me kamoms len dran i bibarht te lell, oun yon rakrenn rhorhepen pral mande.