Jeremia 51:28 - O Debleskro Lab 2024 (Sinte-Manouche)

²⁸ Denn i rayen pral i vavar themma gole, te djan le an o kourepen o foreha Babilon, kol bare rayen dran o them Media, lengre themeskre rayen oun kol vavar pralstunen, ninna kol tsele lourden an kol themma, kay yon penepaske hi.

O Debleskro Drom 2021 (Sinte)

²⁸ Denn i rajen pral i wawar themma gole, te djan le an o kurepen o foreha Babilon, kol bare rajen dran o them Media, lengre themeskre rajen un kol wawar pralstunen, ninna kol tsele lurden an kol themma, kai jon penepaske hi.

Jeremia 51:28 Referans Kwoze

Jeremia 51:11

I Babilonarya kran o baro Debleskro kheer paash. Doleske las pes o baro Devel glan, te phagell lo o foro Babilon tele. Yob das i rayende dran o them Media boud zoor an lende, te djan le ap o foro Babilon pre. Činenn t'mare fayle! Lenn t'mare sasterne bečeskre patria an o vast!

Daniel 9:1

His an ko tsiro, har o Darius, ko Medari, an o ersto bersh o baro ray his pral o them Babilonia. Leskro dad his o Ahasveros.

Daniel 8:20

Ko bakro kol douy shingentsa, hoy tou dikal, kolla hi i bare raya pral i themma Media oun Persia.

Daniel 6:8

Mer, i pralstoune tiro themestar, i bare lourde, i themeskre raya, i rakepangre oun kol vavar, kay hi len penepaske, mer lauter patsah te vals mishto, te moukess tou, baro ray, vin gole te dell, te mangell kek mensho čomone yek deblestar, ninna i vavar menshestar har toutar kokres an o triyanda (30) divessa, hoy glan mende hi. Kova te vell i lab, hoy hounte vell dre-rikedo. Oun ko mensho, kay i vavarestar čomone mangella, hounte vell vitsedo an i grouba pash i leve.

Jeremia 51:27

Hadenn o kourepaskri plarhta pre ap i phoub! Phourdenn an i phourdepaskri an i tsele themma! Denn i rayen pral i vavar themma gole, te djan le an o kourepen o foreha Babilon! Penenn i bare rayenge pral i themma Ararat, Minni oun Ashkenas, te bičrenn le lourden, te kourenn le pen i menshentsa an Babilon! Rodenn lourdengre pralstunen vin! Anenn yaake boud graya khetne har stepangre!

Jeremia 25:25

i tsele bare raya an i themma Simri, Elam oun Media;

Jesaja 21:2

Havo pharo koova vas mange siklo! O phoukepaskro phoukrella, oun o randepaskro randella. T'mer lourde dran i themma Elam oun Media, krenn t'men ap o drom, oun čivenn t'men pre troul lo foro Babilon. O baro Devel krell, te hounte rovell bouder kek pral kova, hoy i Babilonarya kran.

Jesaja 13:17

Me, o baro Devel, dau i menshenge an o them Media an o dji, te djan le ap kolende pre an o them Babilonia. Kolla denn či ap roup, oun poučenn gar pal o sonakay.

Ester 10:2

Ko tselo baro raylo koova, hoy lo kras oun leskri zoor pral kol boud themma, kova hi činlo an i familyakro liil kol bare rayendar pral o them Media oun Persia. Kote hi ninna činlo, har o baro ray o Mordekayes hadas oun bares kras,

Ester 1:3

Har yob o triinto bersh o baro ray his, kras yob i baro festo i tsele pralstunenge oun barenge: kolenge, kay his pralstoune pral kol boud lourdende an i themma Persia oun Media, ninna kol bravelenge oun themeskre rayenge dran peskre tsele themma.

1. Familjakro liil 1:5

O Yafet: Leskre čave his: o Gomer, o Magog, o Madai, o Yavan, o Toubal, o Meshek oun o Tiras.

1. Mose 10:2

O Yafet: Leskre čave hi o Gomer, o Magog, o Madai, o Yavan, o Toubal, o Meshek oun o Tiras.

Jeremia 25:14

Ava, ninna i Babilonarya venn boudepangre oun hounte boudrenn i menshenge an boud themma oun lengre zorele bare rayenge. Yaake dau len pale, hoy yon ap mire menshende kran. Yaake lenn le pengri phagi.

Jeremia 50:41

Denn garda: Boud menshe venna dran lengro them, hoy kote čiddo hi, kay norden hi. Ava, boud menshe pengre bare rayentsa krenn pen ap o drom dran ko dour them, te djan le an o kourepen.

Jeremia 51:29

I phoub trissella oun darella! Kova, hoy o baro Devel pes glan las, vell yaake: O foro Babilon oun o tselo them Babilonia vell i moulo them, kay bouder kek nay djivella.

Daniel 6:1

Oun o Darius, ko Medari, vas o nevo baro ray. Oun yob his 62 (shob-deesh-te-douy) bersha, har vas lo baro ray.