Jeremia 48:42 - O Debleskro Lab 2024 (Sinte-Manouche)

⁴² O Moab hadas pes pral o baro Debleste. Doleske vell lo yaake dino, te hi lo bouder kek natsyona.

O Debleskro Drom 2021 (Sinte)

⁴² O Moab hadas pes pral o baro Debleste. Doleske well lo jaake dino, te hi lo buder kek natsjona.

Jeremia 48:42 Referans Kwoze

Jeremia 48:2

I Moabarya nay phourdenn pen bouder gar pre pral lengro foro Heshbon. Vavar menshe kamenn o foreske čilačepen te krell, oun penenn: Avenn, kras ko foro paash, te djivenn bouder kek menshe an leste! Oun tou, foro Madmen ačeh vitar gar. I lourde venn pral toute.

Jesaja 37:23

Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

Jesaja 7:8

O foro Damaskus hi o shero o themestar Syria, oun o Rezin hi o baro ray kokres pral Damaskus. Oun o foro Samaria hi o shero o themestar Efrayim, oun o Peka hi o baro ray kokres pral Samaria. Oun an 65 (shob-deesh-te-panč) bersha dell bouder kek them Efrayim. Oun te patsenn t'mer kava gar, palle ačenn t'mer gar!”

Debleskro tsiro 13:6

Oun yob praasas o Debles, oun rakras djoungeles pral leskro lab oun leskro kheer. Ninna kolen, kay an o bolepen djivenna, praasas lo.

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.

Mateo 7:2

Te hi t'men i baro dji i vavarenge, hi o Debles ninna i baro dji t'menge. Hi t'men kek baro dji lenge, hi o Debles vitar gar i baro dji t'menge.

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Jeremia 30:11

Me, o baro Devel, hom pash t'mende, te vap ap t'mari rig. Kol natsyone, mank kolende tradom t'men, kolla hounte djan tele. T'mer djan gar tele. T'mende dau i phagi har t'menge mishto hi. Kek daventsa nay moukau t'men gar. Vals gar mishto, te dap t'men kek phagi.

Gosewe laba 16:18

Koon pes bares krell, vell phagedo. Oun i pre-phourdo mensho perell.

Jesaja 16:14

Kanna penell yob: An triin bersha – kek dives sikeder oun kek dives palla – vell o Moabeskro bravlepen oun sharepen krik lino. Kol boud menshendar ačenn gar boudeder djido har i vast pherdo. Oun kolla hi gar zorelo.

Ezekiel 35:13

Yaake phourdan t'men pre, oun t'maro baro mouyeha hadan t'men pral mande. Me shounom halauter.