Jeremia 48:1 - O Debleskro Lab 2024 (Sinte-Manouche)

¹ Laba pral o them Moab. Kova penell o baro Devel, ko ray pral o bolepen oun i phoub, kay o Israeleskro Devel hi: Djungeles djal kol menshenge an o foro Nebo. Khetne dino vell lengro foro. Ladj vell pral o foro Kiryatayim. Dren lino vell lo. I massouri troul o foro vell tele dino oun khetne phagedo.

O Debleskro Drom 2021 (Sinte)

¹ Laba pral o them Moab. Kowa penell o baro Dewel, ko rai pral o bolepen un i phub, kai o Israeleskro Dewel hi: Djungeles djal kol menshenge an o foro Nebo. Khetne dino well lengro foro. Ladj well pral o foro Kirjatajim. Dren lino well lo. I massuri trul o foro well tele dino un khetne phagedo.

Jeremia 48:1 Referans Kwoze

4. Mose 32:3

“Ko them pash kol forya Atarot, Dibon, Yaser, Nimra, Heshbon, Elale, Sibma, Nebo, oun Beon,

Jeremia 25:21

i tsele menshe an i themma Edom, Moab oun Ammon;

Jeremia 27:3

Man hi i lab kol bare rayenge pral i themma Edom, Moab, Ammon, Tirus oun Sidon. Lengre bičepangre hi an Yerusalem pash o baro rayeste Sedekya. Mouk lenge te penell,

Jesaja 27:3

Me, o baro Devel, dau ap leste yak, oun dau les pale te pale pani. Kek tsiro moukau les dran miro yak, yaake te nay krell les kek čomone.

Jesaja 25:10

O baro Devel rikrell peskro vast pral kay berga. I menshen an o them Moab stakrell lo tel peskre herya khetne, yaake har phouss khetne stakedo vell, hoy an i čik čiddo hi.

2. Familjakro liil 20:10

Kanna dik! O Ammonarya, oun o Moabarya oun kolla dran i berge Seir, kamenn pen mentsa te kourell. Har mare phoure van dran o them Egiptia vin, moukal len gar an kal themma te djal. Yaake djan le troul kal themma trouyel oun maran len gar.

4. Mose 33:47

Foun kotar van le an kol berge Abarim, vergel o foro Nebo ap koy rig, kay o kham pre djal.

4. Mose 24:17

Me dikau yekes. Kova hi kanna gar koy. Doural dikau les. Dran o Yakob vell yek, kay djal pre har i bolepaskri momeli. Dran o Israel vell i baro ray, oun dell i Moabarya khetne. Oun kol morshenge, kay venna pal o Set, dell lo ap o shero.

1. Mose 19:37

Oun i phoureder čay anas i čaves ap i phoub. Koles das yoy ko lab Moab. Kolestar venna kol menshe, kay hi kava dives i Moabarya.

Josua 13:19

Kiryatayim, Sibma, Seret-Shahar ap koy berga hoy an i tala čiddo hi;

1. Mose 14:5

An o deesh-te-starto bersh vas o baro ray Kedor-Laomer oun kol vavar bare raya, kay leha khetne his. Oun yon kouran pen: kol menshentsa an o foro Asterot-Karnayim – kolla his i Refayarya; kol menshentsa an o foro Ham, – kolla his i Zouzarya; kol menshentsa, kay djivenna an o them, kay o foro Kiryatayim tardo hi, – kolla his i Emarya;

Jesaja 25:12

Oun kol zorele bare khera an o them Moab phagell o Devel tele, oun dell len khetne, te perenn le tele an i čik.