Jeremia 46:9 - O Debleskro Lab 2024 (Sinte-Manouche)

⁹ Mishto, beshenn t'men ap i graya, oulerenn o kourepangre vourdyentsa! Bičrenn t'mare zorele kourepangren vin, kolen dran i themma Etiopia oun Libia, kolen, kay shilte hidjrenna, oun kolen dran Loud, kay bogentsa karye denna!

O Debleskro Drom 2021 (Sinte)

⁹ Mishto, beshenn tumen ap i graja, ulerenn o kurepangre wurdjentsa! Bitchrenn tumare sorele kurepangren win, kolen dran i themma Etiopia un Libia, kolen, kai shilte hidjrenna, un kolen dran Lud, kai bogentsa karje denna!

Jeremia 46:9 Referans Kwoze

Ezekiel 27:10

Lourde dran i themma Persia oun Loud oun Pout van, kolla, kay touke an o kourepen djan. Lengre sasterne stadja oun lengre shilte pandan le ap tire rigya. Kolla kran tout yaake shoukar!

Jesaja 66:19

Oun me čivau i sikepen pre mank lende. Oun kolendar, kay djides ačan, bičrau me pash i menshende an themma Tarsis, Poul oun Loud, Meshek, Rosh, Toubal, Yavan oun pash kolende dour vergel o baro pani, kay mandar gomme či shounan, oun miro raylepen gomme gar dikan. Oun mire bičepangre penenn kol menshenge, har raylo me hom.

Nahum 3:9

Boud boud Egiptarya oun lourde dran Etiopia kouran pen kava foreske. Koy pashel van lourde dran i themma Pout oun Libia ap lengri rig.

1. Korintarja 1:8

Yob dell t'men i zoor, te ačenn an o patsepen, bis te vell lo pale. Oun kek nay anell i doosh ap t'mende ap ko dives.

Jeremia 47:3

Yon shounenn, har i herya kol zorele grayendar kote pre stakrenna, oun koy bari gole, hoy i rade lengre kourepangre vourdyendar krenn. Koy lenn le yaake daar, te dikenn pen i dada gar trouyel pal pengre čavende.

Jeremia 30:5

Yob penas: Mer shounah i gole i trashatar; kokres i daar hi koy oun kek lačepen.

1. Familjakro liil 1:11

O Misrayim: Leskre čave his: i Loudarya, i Anamarya, i Lehabarya, i Naftouharya,

1. Mose 10:13

O Misrayim vas o dad kol menshendar Loud, Anam, Lehab, Naftou,

1. Mose 10:6

O Ham: Leskre čave hi: o Koush, o Misrayim, o Pout oun o Kanaan.

Jeremia 51:11

I Babilonarya kran o baro Debleskro kheer paash. Doleske las pes o baro Devel glan, te phagell lo o foro Babilon tele. Yob das i rayende dran o them Media boud zoor an lende, te djan le ap o foro Babilon pre. Činenn t'mare fayle! Lenn t'mare sasterne bečeskre patria an o vast!

Ezekiel 30:4

O rharo vell pral o them Egiptia, oun boud menshe venn kote maredo. Oun lengro bravlepen vell krik lino, oun lengre forya tele phagedo bis ap i telstoune barra. Koy trissenn i menshe an o them Etiopia i trashatar.

Ezekiel 30:5

Mank kolende, kay merenn an kava kourepen hi ninna i ginle lourde dran Etiopia oun dran Pout oun Loud oun Koub, oun vavar vi-themarya, oun kol tsele vavar, kolentsa i Egiptarya pen khetne čivan.