Jeremia 46:20 - O Debleskro Lab 2024 (Sinte-Manouche)

²⁰ O them Egiptia hi har i shoukar terni groumni. O marepaskro vell koy rigyatar, kay norden hi, te marell lo lat.

O Debleskro Drom 2021 (Sinte)

²⁰ O them Egiptia hi har i shukar terni grumni. O marepaskro well koi rigjatar, kai norden hi, te marell lo lat.

Jeremia 46:20 Referans Kwoze

Hosea 10:11

O Efrayim his i terni groumni hoy boudras mishto, te dell li o djob vin. Har dikom lakro shoukar meen, čivom lake i kasht pre, te dap lat i phareder boudi: O Youda te vitsrell i phoub trouyel, oun o Yakob hounte krell i phoub čačo.

Jeremia 47:2

Kava penell o baro Devel: Dik, panya venna koy rigyatar, kay norden hi. Oun kolla venna i divyo zorelo lengsto pani, hoy čakrell kava tselo them tel peste, oun halauter hoy koy dren hi, i forya oun kol menshen, kay kote djivenna. Oun i menshe an kava them denn gole oun rovenna.

Jeremia 46:6

Kova kay sik hi, nay nashell peske gar. Oun kova kay zorelo hi, vell tapedo. Kote, an o nordetikro them pash o pani Eufrat peran le, oun ačenn le moulo čiddo.

Jeremia 1:14

Oun o baro Devel penas ap mande: Kotar, kay norden hi, vell i bibarht pral halauterende, kay djivenn an kava them.

Jeremia 50:11

Ninna te han barhtelo oun sharenn t'men, kay randan miro them vin, oun stenn har o terne groumya an o zenlepen, oun denn gole har i zorele graya,

Jeremia 46:24

Palle hi i ladj ap o them Egiptia čiddo. I Egiptarya hi an o vast kol menshendar dino, kay venna koy rigyatar, kay norden hi.

Jeremia 46:10

Kava hi o dives o baro Deblestar, kay hi o ray pral o bolepen oun i phoub. Ap ko dives dell lo kolen, kay kamenn les gar, kova pale, hoy yon ap leskre menshende kran. Leskro rharo rhal len, bis te hi lo čalo, oun vell mato lengro rateha. Yon hi har firhe, kay maredo venn o baro Debleske, kova, kay hi o ray pral o bolepen oun i phoub. Yob moukell len moulo te dell pash o pani Eufrat an o them, hoy kote čiddo hi, kay norden hi.

Jeremia 25:9

Doleske moukau kol lourden te vell dran i themma, kay kote čiddo hi, kay norden hi. Lengro pralstouno hi o baro ray, o Neboukadnezar, dran o them Babilonia. Koles rodom vin, te krell yob, hoy kamau. Kolla perenn pral t'mende oun t'maro them, ninna pral kol tsele themma kay trouyel. Kal themma moukau yaake paash te dell, te ačell či har barra pral hako tsireske. Oun i vavar menshenge, kay kova dikenn, ačell o rakepen krik i trashatar, oun yon denn i vasta pral o shero khetne.