Jeremia 46:12 - O Debleskro Lab 2024 (Sinte-Manouche)

¹² Tiri ladj vas an i vavar themma vin gole dino. Halauter shounan tiro ropen. Tire zorele kourepangre peran yek pral o vavar, oun ačan yek pash o vavareste čiddo.

O Debleskro Drom 2021 (Sinte)

¹² Tiri ladj was an i wawar themma win gole dino. Halauter shunan tiro ropen. Tire sorele kurepangre peran jek pral o wawar, un atchan jek pash o wawareste tchiddo.

Jeremia 46:12 Referans Kwoze

Jeremia 46:6

Kova kay sik hi, nay nashell peske gar. Oun kova kay zorelo hi, vell tapedo. Kote, an o nordetikro them pash o pani Eufrat peran le, oun ačenn le moulo čiddo.

Jeremia 14:2

O them Youda hi bibarhtelo koy čiddo. I menshe an i forya merenna i bokatar. Lenge hi ropaske oun yon beshenn pen ap i phoub. Oun an Yerusalem denn le i vasta pral o shero khetne.

Jesaja 19:2

Oun me kamau len yek ap o vavareste pre te anell, yaake te marell pes yek phraal o vavareha, yek maal o vavareha, yek foro o vavareha, oun yek them o vavareha.

Zefanja 1:10

Ap ko dives vell i bari gole shounlo, hoy vell kotar, kay o Mačengro Voudar hi. Oun i ropen vell shounlo, hoy vell dran o Nevo Foro. Oun i kourepaskri gole vell i tikne bergendar. Kova penell o baro Devel.

Jeremia 51:54

Bari gole vell shounlo dran o foro Babilon, oun zorelo ropen dran o them Babilonia.

Jeremia 49:21

Te phagell o Edom khetne, trissell i phoub tel leste. Oun lengre golya venn shounlo pash ko Baro Lolo Pani.

Jeremia 48:34

Kolla golya i menshendar dran o foro Heshbon venn shounlo bis pash i forya Elale oun Yahaz. Oun koy gole dran o foro Soar djal bis pash o foro Horonayim oun o gab Eglat-Shelishiya; Ninna kol panya pash Nimrim hidjrenn bouder kek pani an pende.

Jesaja 10:4

Te han gar mank kolende, kay moulo dino van, ačell t'menge či pral, har te čivenn t'men glan tele kolentsa, kay pandle van. Oun pral kova lauter moukell o Debleskri rholi t'mendar gar tele, oun leskro vast ačell pre hadedo, te dell lo t'men i phagi.

1. Samuel 5:12

Ninna kol menshe, kay gar meran, lan i djoungelo nasslepen. Oun koy gole an ko foro djas pre an o bolepen.

Jesaja 24:11

Ap i dromma denn le gole pal mool, kolatar kek bouder koy hi. Kek sapen vell shounlo, kek khelepen dell bouder.

Jeremia 2:36

Har sik djal tou kay te koy, te rodess touke menshen, kay krenn pen touha khetne? O them Egiptia nay vell tout gar feteder ap i rig har o them Assour.

Jeremia 47:2

Kava penell o baro Devel: Dik, panya venna koy rigyatar, kay norden hi. Oun kolla venna i divyo zorelo lengsto pani, hoy čakrell kava tselo them tel peste, oun halauter hoy koy dren hi, i forya oun kol menshen, kay kote djivenna. Oun i menshe an kava them denn gole oun rovenna.

Jeremia 50:46

Te vell o foro Babilon dren lino, trissell i phoub koy golyatar. Oun koy ropaskri gole vell shounlo an i vavar themma.

Nahum 2:5

Har divyes oulerenn i vourdya ap i dromma! Yek hi sikeder har o vavar. Yon dikenn vin har yag, oun hi sik har koy yag, hoy har i karepen ap o bolepen pre oun tele djal.