Jeremia 46:11 - O Debleskro Lab 2024 (Sinte-Manouche)

¹¹ Tou bibarhteli Egiptia, ninna te djah pral an o them Gilead, oun leh touke djet tiro doukepaske, hi kova čičeske. Hi yek, har boud draba oun djet tou leh, kova nay krell tout gar sasto.

O Debleskro Drom 2021 (Sinte)

¹¹ Tu bibachteli Egiptia, ninna te djah pral an o them Gilead, un leh tuke djet tiro dukepaske, hi kowa tchitcheske. Hi jek, har bud draba un djet tu leh, kowa nai krell tut gar sasto.

Jeremia 46:11 Referans Kwoze

Jeremia 8:22

Hi an o them Gilead kek doukepaskro djet? Hi kek dramaskro koy? Hoske dell kek sastepen mire menshenge?

Micha 1:9

O doukepen o forestar Samaria nay vell gar sasto. Koy bibarht vell ninna an o them Youda, oun taprell o foro Yerusalem, ko foro mire menshendar.

Jesaja 47:1

Tele t'mentsa, t'mer Babilonarya, t'mer, pral kolende bis kanna kek o zorleder his! Beshenn t'men an i čik! T'mer dran o them Kaldea hans beshdo har i rayetsa ap peskri beshepaskri. Kanna besh tout ap i phoub! Toutar penell kek bouder: Babilon, koy shoukar čay oun Babilon, koy rayli.

Nahum 3:19

Či hi, hoy tiro doukepen sasto nay krell! Ko doukepen, hoy tou lal, ap koleste hounte meress. Lauter kolla, kay toutar shounenn, denn i vasta pral o shero khetne. Kek hi koy, ap koleste gar pale te pale čilačo hals.

Jeremia 14:17

Oun tou peness lenge kal laba: Me rovau ap o dives oun ap i rati, oun nay moukau gar tele. Mire menshe, kolen kamau har miri čay, hi khetne dino, oun lengro doukepen vell gar bouder sasto.

Mateo 5:26

Čačepah, me penau touke: Tou veh gar dran o stilepen vin yaake rah, har tou playsral gar tiri tseli siyaan.

Ezekiel 27:17

I themma Youda oun i Israel paran touha oun dan tout: lačo gib, hoy vas dran o foro Minnit, ninna vavar yarro, gvin, djet oun roukengro djet, hoy mishto soungell.

Jeremia 51:8

Har i khoro tele perell oun an kotya phagell, yaake sik peras o foro Babilon oun khetne phagedo. Rovenn pral o foro Babilon! Anenn leske doukepaskro djet, Nay vell, te vell lo pale sasto!

1. Mose 43:11

Oun o Israel, lengro dad, penas ap lende: “Te djal gar vavarčandes, krenn kova: Lenn o feteder dran maro them oun anenn les ko romeste: kouč roukengro djet oun gvin, khorya oun mandle.

1. Mose 37:25

Palle beshan pen le tele oun rhan. Dour glan lende dikan le Ismaelarya. Kolla van dran ko them Gilead oun djan an o them Egiptia. Len his khamele. Kolla hidjran kouč roukengro djet, hoy soungella mishto.

Jeremia 31:4

Israel, miri pirni! Me krau tout pale baro. Toutar vell pale i natsyona. Tou kress tout pale shoukar, bashress oun djas vin ap o khelepen.

Jeremia 31:21

Tou terni čay Israel, mouk touke an o shero te vell, havo drom tou djal, har djal an o pandepen. Ap kava drom djas pale khere an tire forya! Čip barra pre pash o drom, hoy sikrenn toute, har te djas!