Jeremia 45:2 - O Debleskro Lab 2024 (Sinte-Manouche)

² O baro Devel, ko ray pral o bolepen oun i phoub, kay o Israeleskro Devel hi, penell pral toute:

O Debleskro Drom 2021 (Sinte)

² O baro Dewel, ko rai pral o bolepen un i phub, kai o Israeleskro Dewel hi, penell pral tute:

Jeremia 45:2 Referans Kwoze

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.

Hebrearja 2:18

O Yezous hayvella, hoy douka hi. Oun yob djinella, har kova hi, te kamell o beng yekes o Debleskro dromestar tele te anell. Doleske nay vell lo kanna ninna ap i rig kolendar, kay kamell len o beng o Debleskro dromestar tele te anell.

2. Korintarja 7:6

Kolen bouder kek zoor hi, kolen dell o Devel nevi zoor. Oun yob das men nevi zoor an o dji, har vas o Tito pash mende.

2. Korintarja 1:4

Ninna te vell boud pharo koova ap mende, hi lo pash mende oun krell mare djia zoreles, te penas mer kolenge lače laba, ap kolende ninna pharo koova vella, te venn yon pale zoreles, yaake har kras o Devel mare djia zoreles.

Markus 16:7

Kanna djan pash leskre malende! Penenn lenge oun o Petreske, kay djal yob glan t'mende an o them Galilea! Kote dikenn t'mer les, har yob les t'menge penas.”

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

Jeremia 45:1

An o starto bersh, har o Yoyakim, koleskro dad o Yosia his, o baro ray pral o them Youda his, činas o Barouk, koleskro dad o Neriya his, halauter an i liil, hoy o Debleskro rakepaskro, o Yeremia, leske penas. Koy penas o Yeremia ap o Barouk:

Jeremia 45:3

Tou peneh: Me bibarhtelo! Har das man o baro Devel ropen oun douk an miro djipen! Me rovau man khines oun hatsau kek sopen.