Jeremia 44:30 - O Debleskro Lab 2024 (Sinte-Manouche)

³⁰ Me dau o baro rayes pral o them Egiptia – leskro lab hi Farao Hofra – an i vasta kolendar, kay kamenn les te marell, yaake har dom o Sedekyes, ko rayes dran o them Youda, an o vast o rayestar pral o them Babilonia, kova kay kamas les te marell. Leskro lab hi Neboukadnezar. Kova penau me, o baro Devel.

O Debleskro Drom 2021 (Sinte)

³⁰ Me dau o baro rajes pral o them Egiptia – leskro lab hi Farao Hofra – an i wasta kolendar, kai kamenn les te marell, jaake har dom o Zedekjes, ko rajes dran o them Juda, an o wast o rajestar pral o them Babilonia, kowa kai kamas les te marell. Leskro lab hi Nebukadnezar. Kowa penau me, o baro Dewel.

Jeremia 44:30 Referans Kwoze

Ezekiel 30:21

Tou, mensho, me phagom i moussi o baro rayestar pral Egiptia, kay Farao kharedo vell. Kek pandas leske i diklo troul i moussi, te vell koy moussi pale sasto oun zorelo, oun nay rikrell i rharo.

Jeremia 34:21

Ninna o Sedekya, ko ray pral o them Youda, oun leskre pralstoune, kolen dau an i vasta kolendar, kay kamenn len te marell. Kol lourde o baro rayestar dran Babilonia, kay t'mendar krik djan, an kolengre vasta dau len.

Ezekiel 31:18

Kek hi yaake baro oun raylo har tou, Farao – kek mank i tsele rouka an i bar Eden! Ninna tou hounte djas an i telstouni phoub, khetne kol roukentsa dran Eden, oun hounte vess čiddo pash kolende, kay hi gar činlo ap pengro mass, oun kay van maredo o rhareha. Yaake djal o Faraeske oun leskre pre-phourde menshenge. Kava penell o baro Devel, maro ray.

Jeremia 27:7

I menshe dran i tsele themma hounte boudrenn leske oun leskro čaveske, oun koleskro čaveske, bis te vell ko tsiro, kay nashrell ninna leskro them peskri zoor. Oun menshe dran vavar bare themma oun lengre zorele bare raya venn i raya pral lende.

Jeremia 44:29

Oun kava hi ko sikepen, penell o baro Devel: Me kamau t'men kate t'mari phagi te dell, te djinenn t'mer halauter, kay miro rakepen čačo vella, te vell koy bibarht pral t'mende.