Jeremia 43:3 - O Debleskro Lab 2024 (Sinte-Manouche)

³ O Barouk, koleskro dad o Neriya hi, kova rakras an toute dren, te penal savo koova. Yob kamell, te peras an o vast i lourdendar dran Babilonia, te marenn le men oder te anenn men pandles an o them Babilonia.

O Debleskro Drom 2021 (Sinte)

³ O Baruch, koleskro dad o Nerija hi, kowa rakras an tute dren, te penal sawo koowa. Job kamell, te peras an o wast i lurdendar dran Babilonia, te marenn le men oder te anenn men pandles an o them Babilonia.

Jeremia 43:3 Referans Kwoze

Jeremia 43:6

Kolla his morsha, djouvya oun čave. Mank lende his ninna o baro rayeskre ča, oun kol vavar halauter, kay moukas o Nebouzaradan pale pash o Gedalya, koleskro dad o Ahikam his, koleskro dad o Shafan his. O Nebouzaradan his o pralstouno lourdo, kolendar kay dan yak ap o Neboukadnezar. Mank kolende, kay khetne lino van, his ninna o Debleskro rakepaskro, o Yeremia oun o Barouk, koleskro dad o Neriya his.

Jeremia 38:4

Kote rakran kol pralstoune o baro rayeha oun penan: Mouk kava morshes, o Yeremia te marell; yaake har yob rakrella, lell lo i zoor kol lourdendar krik, kay kate pash mende pral ačan an kava foro. Oun yaake djal ninna i tsele menshenge an kava foro. Kava morsh rodell gar, hoy i menshenge mishto hi. Na-a, yob anell len an i bibarht.

Jeremia 36:26

Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.

Jeremia 36:10

Oun o Barouk draveras dran ko liil o Yeremiyeskre laba glan i menshende an o baro Debleskro kheer. Yob his tardo an koy isema ko morshestar Gemarya, koleskro dad o Shafan his. Kova his o činepaskro, kay i lila činas. Leskri isema his ap i pralstouni platsa pash o nevo voudar o baro Debleskro kherestar.

Jeremia 36:4

Koy kharas o Yeremia o morshes, koleskro lab Barouk hi. Leskro dad his o Neriya. Oun o Barouk činas i tsele laba pre, hoy o baro Devel ap o Yeremia penas, yaake har o Yeremia leske kova penas.

Louka 6:26

Bibarht vell ap t'mende, te rakrenn i tsele menshe t'mendar lačes. Kolengre phoure rakran ninna lačes pral i rhorhene rakepangre, kay penan, te van le o Deblestar, oun van gar lestar.

Debleskri gili 109:4

Yon kamenn mange čilačepen, ninna te hom kamlo ap lende. Me mangau toutar lačepen lenge.

Jeremia 32:12

oun dom hake douy lila o morsheste Barouk. Koleskro dad his o Neriya, koleskro dad his o Maasseya. Koy pashel his miro neboudo, o Hanamel, oun kol morsha kay kova halauter dikan, oun kay tel o ginepaskro liil pengro labeha tardo his, ninna i tsele morsha dran Youda, kay ap i lourdengri platsa his.

Jeremia 41:18

Len his traash glan i Babilonarya, doleske kay o Ismael o Gedalyes moulo das, koles o baro ray dran o them Babilonia pral o them Youda čivas.