Jeremia 43:10 - O Debleskro Lab 2024 (Sinte-Manouche)

¹⁰ Oun pen ap lende: Kava penell o baro Devel, ko ray pral o bolepen oun i phoub, kay o Israeleskro Devel hi: Shounenn, me dau o Neboukadnezares kate gole. Yob, ko baro ray dran o them Babilonia, krell miri boudi. Pral ap kal barra, hoy moukom an i phoub te čivell, moukau leskro shoukar plarhteno kheer pre te čivell, kay lo beshdo hi oun sikrell, kay yob o baro ray hi.

O Debleskro Drom 2021 (Sinte)

¹⁰ Un pen ap lende: Kawa penell o baro Dewel, ko rai pral o bolepen un i phub, kai o Israeleskro Dewel hi: Shunenn, me dau o Nebukadnezares kate gole. Job, ko baro rai dran o them Babilonia, krell miri budi. Pral ap kal barra, hoi mukom an i phub te tchiwell, mukau leskro shukar plachteno kheer pre te tchiwell, kai lo beshdo hi un sikrell, kai job o baro rai hi.

Jeremia 43:10 Referans Kwoze

Jeremia 1:15

Shoun mishto: Me dau gole i tsele menshen an kol themma, hoy an o norden čiddo hi, te venn yon, penell o baro Devel. Lengre raya čivenn pengre beshepangre glan kol voudya o forestar Yerusalem, oun troul leskre massurya oun troul kol tsele forya an o them Youda.

Jesaja 44:28

Me hom kova, hoy ap o Cyrus penell: “Tou dess garda ap mire menshende har i bakrengro ap peskre bakre.” Oun yob krell lauter, hoy kamau, te krell lo. Pral o foro Yerusalem penell lo: “Čivenn les pale pre!” Oun pral o Debleskro baro kheer penell lo: “Čivenn leskre barra pale pre!”

Debleskri gili 31:20

Har baro hi tiro lačepen, miro Devel, kolenge, kay djivenn touha! Hakeneste sikreh tou, har lačo tou kolenge hal, kay rikrenn pen ap toute.

Debleskri gili 27:5

An o čilačo tsiro lell lo man an peskro kheer. Ava, an peskro kheer khatrell lo man, pral ap i baro bar hidjrell lo man.

Debleskri gili 18:11

Oun yob beshas ap i keroub oun hadas pes har i čirklo; ava, yob moukas pes te hidjrell ap i moussya o dourhestar.

Mateo 22:7

O baro rayes tapras i bari rholi, oun yob bičras peskre lourden, te marenn le kol marepangren, oun te rhačrenn le lengro foro.

Daniel 2:21

Yob hi o ray pral o tsiro, oun dell hakeneste peskro tsiro; yob lell i bare rayendar lengro them, oun čivell vavar rayen dren; yob dell i goseven lengro gosvepen oun kolen, kay hayvenn čomone, das yob an o shero, te nay hayvenn le.

1. Rajengro liil 20:16

Oun yon djan vin dran o foro, har mashkral dives his. Oun kol terne morsha djan glan vin. Oun o Ben-Hadad piyas pes mates an i plarhtene khera, yob oun kol vavar 32 (triyanda-te-douy) bare raya, kay ap leskri rig his. Koy vas leske penlo kol morshendar, kolen yob bičras, te denn le yak: “Morsha venna dran Samaria vin.”

1. Rajengro liil 20:12

Har kova o Ben-Hadad shounas, – yob oun kol vavar raya his beshdo pash o pipen an pengre plarhtene khera – koy penas yob ap peskre lourdende: “Djan ap lende pre!” Oun yon čivan pen pre tardo, te kourenn le pen o foreha.

Jesaja 45:1

Kava penell o baro Devel ap o Cyrus, koles yob vin rodas, te vell lo baro ray: Me taprom tiro čačo vast, te vitsrap vavar themma tel tire herya, oun te lap i rhare lengre bare rayendar krik, te venn voudya pre kerdo glan toute, te ačenn foreskre voudya gar pandlo glan toute.

Jeremia 43:9

Le bare barra oun čip len an i phoub pash o voudar, kay djal an o Faraeskro kheer an o foro Tapanes! Kre kova yaake, te dikenn i morsha dran o them Youda, hoy tou kreh!

Jeremia 46:13

Kava hi o lab, hoy penas o baro Devel ap leskro rakepaskro, o Yeremia, an ko tsiro, har o Neboukadnezar, ko baro ray dran o them Babilonia, an o them Egiptia djas, te lell lo les dren:

Ezekiel 5:12

O triinto kotar t'mendar merell ap i pharo nasslepen oun i bokatar. Oun i triinto kotar t'mendar vell glan o foro o rhareha moulo dino. Oun i triinto kotar t'mendar tradau vin ap hake rigya, oun me lau len palla o rhareha.

Jeremia 49:38

Lengro baro rayes oun lengre pralstunen marau me, oun čivau miri rayeskri beshepaskri kote an o them Elam. Kova penell o baro Devel.