Jeremia 42:11 - O Debleskro Lab 2024 (Sinte-Manouche)

¹¹ Ma trashenn o baro rayestar dran o them Babilonia, glan koleste t'men traash hi, penell o baro Devel; me hom pash t'mende, te vap t'menge ap i rig, oun lap t'men dran leskro vast vin. Doleske ma trashenn lestar!

O Debleskro Drom 2021 (Sinte)

¹¹ Ma trashenn o baro rajestar dran o them Babilonia, glan koleste tumen traash hi, penell o baro Dewel; me hom pash tumende, te wap tumenge ap i rig, un lap tumen dran leskro wast win. Doleske ma trashenn lestar!

Jeremia 42:11 Referans Kwoze

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Jeremia 1:8

Ma traash lendar. Me hom pash toute, oun rikrau mire vasta pral toute. Ko penau me, o baro Devel.

Jesaja 43:5

Ma dare! Me hom touha! Me anau kolen, kay toutar hi, khere dran i themma, kay kote hi, kay o kham pre djal, oun kay o kham tele djal.

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

Jeremia 41:18

Len his traash glan i Babilonarya, doleske kay o Ismael o Gedalyes moulo das, koles o baro ray dran o them Babilonia pral o them Youda čivas.

Jeremia 27:17

Ma denn garda ap lengre laba! Moukenn o baro rayes dran Babilonia t'maro ray te vell! Palle ačenn djido! Hoske te vell kava foro i moulo foro?

Jeremia 15:20

Me krau tout kal menshenge har i zoreli massouri. Ninna te djan le ap toute, nay vitsrenn le tout gar trouyel. Me, o baro Devel, hom pash toute, te vap ap tiri rig, oun te lap tout vin dran lengre vasta, –

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Debleskri gili 46:11

“Moukenn tele”, dell lo gole, “oun hayvenn, te hom me o Devel. Me hom o pralstouno pral i menshende an i tsele themma, ava, o pralstouno pral i tseli phoub.”

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”

Josua 1:5

Kek nay vell zorleder har tou, yaake rah har tou djiveh. Yaake har me o Moseha homs, yaake vau me touha. Me moukau tout gar, oun me djau gar toutar.

5. Mose 20:4

T'maro baro Devel hi kova, kay djal t'mentsa oun kourell pes t'menge lentsa. Yob hi ap t'mari rig.”

4. Mose 14:9

Ma perenn o baro Deblestar tele, oun trashenn gar kol menshendar an ko them! Mer kamah len pre te rhal har maro. Lengro devel, kay das yak ap lende, moukas len. O baro Devel hi mentsa. Ma trashenn lendar!”

Bičepangre 18:10

Me hom pash toute oun kek nay doukrell tout. An kava foro hi boud menshe, kay kamenna ap mande te patsell.”

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Mateo 10:28

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

Jeremia 27:12

Oun me penom kal tsele laba ap o baro rayeste pral o them Youda, o Sedekya, oun penom leske ninna: Te kamenn t'mer djido te ačell, krenn, hoy o baro ray dran Babilonia t'mendar kamell, oun moukenn les oun leskre menshen o ray pral t'mende te vell!

Debleskri gili 46:7

Yob te dell gole, darenna i menshe an i vavar themma, oun bare rayenge vell i zoor krik lino pral pengre themma. I tseli phoub trissella i daryatar.

2. Rajengro liil 25:26

Oun i daryatar glan i Babilonarya kran pen i tsele menshe an o them ap o drom, tikne oun bare. Oun i pralstoune lourde his ninna pashel. Oun yon nashan penge an o them Egiptia.

Debleskri gili 118:6

O baro Devel hi pash mande. Me darau gar. Hoy nay krell man i mensho?

Jeremia 27:11

Kol menshe an vavar themma, kay moukenn o baro rayes dran Babilonia pengro ray te vell, oun krenn, hoy yob kamell, kolla nay ačenn an pengre themma, oun nay boudrenn ap pengri phoub oun djivenn kote. Kova penell o baro Devel.