Jeremia 4:5 - O Debleskro Lab 2024 (Sinte-Manouche)

⁵ Denn zoreles gole an Youda, kharenn vin an Yerusalem, oun penenn: Phourdenn koy phourdepaskri an o tselo them! Denn vin gole, te venn le an i zorele forya khetne!

O Debleskro Drom 2021 (Sinte)

⁵ Denn soreles gole an Juda, kharenn win an Jerusalem, un penenn: Phurdenn koi phurdepaskri an o tselo them! Denn win gole, te wenn le an i sorele forja khetne!

Jeremia 4:5 Referans Kwoze

Jeremia 8:14

Hoske ham mer kay trouyel beshdo? [poučenn i menshe dran Youda.] Mer vas khetne, te djas mer an kol zorele forya, te vas koy maredo! Mer moukam o baro Debles, maro rayes. Doleske kamell lo maro merepen, oun dell men savo pani te piyell, hoy marell men.

Jeremia 6:1

T'mer menshe dran o kheer Benyamin, nashenn dran Yerusalem! oun phourdenn koy phourdepaskri an Tekoa! Krenn i yag ap i berga Bet-Kerem, te vell o yagakro dourho i sikepen! Bari bibarht oun merepen vell kotar, kay norden hi.

Josua 10:20

Oun o Yosua peskre morshentsa maran len yaake phares khetne, te ačan lendar bouder gar boud. Oun kolla, kay nashan nay penge, nashan an kol forya, kay pre-čidde barra troul lende his.

Hosea 8:1

O baro Devel penell: Phourde zoreles an i phourdepaskri! Har i adlari venn le pral miro them. Kolla kay kote djivenn, rikran pen gar ap kova, hoy lentsa vin krom, oun hadan pen pral mire laba.

Amos 3:8

O levo dell gole – kones hi kek daar? O baro Devel, maro ray, rakrell, koon nay rikrell man pale, te penap leskre laba doureder?

Amos 3:6

Phourdell yek an i kourepaskri trompeta an o foro, oun i menshe lenn kek daar? Na-a! Vell i bibarht pral o foro, hoy o baro Devel bičras gar? Na-a!

Jeremia 35:11

Oun har o Neboukadnezar, ko ray pral o them Babilonia, an o them Youda vas, te kourell lo pes leha, penam menge mer halauter: Avenn, te nashas menge glan kol lourdende dran o them Babilonia oun dran o them Syria, oun djah an o foro Yerusalem! Yaake ačam kate an Yerusalem.

Jeremia 11:2

Rake kol menshentsa dran Youda oun kol menshentsa dran Yerusalem, oun pen lenge: Rikrenn, hoy t'mentsa vin krom!

Jeremia 9:12

O baro Devel penell koy pre: Me sikrom len miro drom, oun yon moukan les, oun shounan gar ap mire laba, oun djivan gar koy pal.

Jeremia 5:20

O baro Devel penas ap mande: Pen ap kol menshende dran o kheer Yakob, oun ap kol menshende an o them Youda:

4. Mose 10:3

Oun te phourdenn le kol douyentsa, hounte venn i tsele Israelitarya pash toute khetne glan o Debleskro kheer.

Ezekiel 7:14

I menshe shounan, har an i phourdepaskri phourdedo vas, te kharenn le len an o kourepen, oun i kourepangre lan pengre karmangre. Oun palle vell miri rholi yaake sik pral lende halauterende, te djal kek koy.

Joel 2:1

Phourdenn an i phourdepangre! Denn bares gole ap miri berga, koy berga Sion! Trashenn, t'mer lauter, kay djivenn an o them Youda! O dives o baro Deblestar vella sik!

4. Mose 10:2

Kre touke douy phourdepangre dran lačo roup! An kolende vell dren phourdedo, te kameh tou, te venn i tsele Israelitarya khetne, ninna te hounte djan le doureder.

Jesaja 28:19

Hako kopo, kay venn le, taprenn le t'mendar oun anenn t'men krik, nay vell ap o dives oun ninna an i rat. Te hayvans t'mer, hoy shounenn, palle ačals t'menge o rakepen krik i trashatar.