Jeremia 4:24 - O Debleskro Lab 2024 (Sinte-Manouche)

²⁴ Me dikom ap kol bare oun tikne berge. Kolla trissan.

O Debleskro Drom 2021 (Sinte)

²⁴ Me dikom ap kol bare un tikne berge. Kolla trissan.

Jeremia 4:24 Referans Kwoze

Ezekiel 38:20

Oun glan mande trissenn i mače an o baro pani, i čirkle oun i vavar firhe, bare oun tikne, hoy djivenn ap i phoub. Ninna i tsele menshe trissenn i daryatar. Oun i berge phagenn khetne, i bare barra oun i massurya perenn khetne.

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Micha 1:4

Tel leskre pire venn i berge tikno har i momeli, hoy tele rhačell, oun perenn tele an i tala, yaake har o pani i berga tele nashell.

Debleskri gili 97:4

I yag dran o bolepen, hoy tele ap kay phoub karye dell, moukell i rat vin dikell har o dives. Oun i phoub dikell kova oun trissell.

Debleskri gili 18:7

An miri daar kharom ap o baro Debleste. Ava, bari gole dom ap miro Debleste. An peskro raylo kheer shounas lo man, oun miri gole vas glan leskre kanda.

1. Rajengro liil 19:11

Oun o baro Devel penas: “Dja vin oun ab glan mande ap i berga! Oun me djau glan toute vergel.” Koy phourdas i zorelo dourho pral i berge, te peran i barra tele, oun i bare barra phagan. – O baro Devel his gar an ko phourdepen. Oun pal o zorelo phourdepen trissas i phoub. – O baro Devel his gar an ko trisslepen i phoubyatar.

Habakuk 3:10

I berge dikan tout oun trissan. Zorelo brishin peras tele dran o bolepen. O baro pani das bari gole. O kham bistras te djal lo pre.

Habakuk 3:6

Čivell yob peskro piro ap i phoub, palle trissell li. Lell yob i vavar themma an o yak, trashenn i tsele menshe. Kol bare phoure berge phagenn an kotya, oun kol tikne phoure berge perenn khetne, te nashell yob – har an o phouro tsiro – pral i phoub.

Jeremia 8:16

Kolla, kay kamenn te kourenn pen mentsa, hi pash o foro Dan tardo. Foun kotar shounah koy gole lengre grayendar. O tselo them trissell koy golyatar hoy i graya denn. Yon venna oun rhan ko tselo them pre, lauter, hoy ap ko them hi, kol forya oun lauter, hoy koy dren djivella.

Debleskri gili 77:18

Dran o bolepen das baro zorelo brishin. O bolepen das bari gole, oun i yag das karye ap o bolepen kate oun kote.

Debleskro tsiro 6:14

Oun o bolepen tserdas pes khetne, har i liil, hoy khetne lino vella. Oun kek berga ačas, kay his li tardo, vitar gar kek them, hoy an i pani čiddo hi.

2. Mose 19:18

Oun troul koy tseli berga Sinay his yagakro dourho, har vas o baro Devel an i yag tele ap i berga. Oun i yagakro dourho djas pre dran i berga yaake har dran i baro bob. Oun koy tseli berga trissas zoreles.

Jeremia 9:10

O baro Devel penell: Me kamau Yerusalem tele te phagell, yaake te ačenn kokres barra pral, oun kay divye djoukle dren djivenna. Oun dran kol forya an Youda krau i moulo them, kay nay djivell kek bouder dren.

Jesaja 13:13

Me moukau o bolepen te trissell. Oun i phoub ačell bouder gar kote tardo, kay li kanna hi, ap ko dives, kay me, o baro Devel, o ray pral o bolepen oun i phoub, anau miri rholi pral i phoub.

Jesaja 24:20

I phoub perell yek rigyatar ap i vavar har i mato, oun perell khetne har i plarhteno kheer. O čilačo koova ap i phoub hi yaake pharo, te perell li oun stell gar bouder pre.