Jeremia 4:19 - O Debleskro Lab 2024 (Sinte-Manouche)

¹⁹ Har doukell man kova, havi daar hi an mande! Miro dji djal zoreles an miro beč, me nay ačau gar pokones; me shounau koy phourdepaskri, oun ko kourepaskri gole.

O Debleskro Drom 2021 (Sinte)

¹⁹ Har dukell man kowa, hawi daar hi an mande! Miro dji djal soreles an miro betch, me nai atchau gar pokones; me shunau koi phurdepaskri, un ko kurepaskri gole.

Jeremia 4:19 Referans Kwoze

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

Jesaja 22:4

Doleske penau t'menge: Ma dikenn ap mande! Moukenn man te rovell. Miro dji hi yaake pharo. Ma rakrenn lačes ap mande, kamau gar te bistrap koy bibarht, hoy ap mire menshende vas.

Jesaja 16:11

Doleske rovell miro dji pral i menshende an o them Moab. Lauter an mande trissell o foreske Kir-Heres.

Jeremia 9:10

O baro Devel penell: Me kamau Yerusalem tele te phagell, yaake te ačenn kokres barra pral, oun kay divye djoukle dren djivenna. Oun dran kol forya an Youda krau i moulo them, kay nay djivell kek bouder dren.

Jeremia 9:1

Te vals man an o moulo tato them i kheer, kay nay ačau, moukoms me mire menshen, oun djoms mange. Yon lauter hi har romma, kay moukan pengre romyen beshdo. Yaake moukan kal phoukepangre o baro Debles.

Jesaja 21:3

Hoy shounom, hi yaake djoungelo, kay phagau khetne. Hoy dikom, krell man bari traash. Mire kokale trissenna, douka tapran man har i djouvyat, kay lell i ternepen.

Galatarja 4:19

Mire phrala! Me kamau t'men o djiyestar, har te vans mire čave. Yaake har i djouvyat douka hi, te lell li i ternepen, yaake hi man pale douka t'menge, bis te vell o Yezous Kristo diklo an t'mende.

Daniel 8:27

Oun man, o Danieles, his bouder kek zoor, oun me homs divessa nasselo. Oun pal kova stom pale pre, oun krom miri boudi pash o baro rayeste. Oun ko dikepen, hoy dikom, kras mange daar oun nay hayvom les gar.

Daniel 7:15

Mange o Danieleske, vas miro dourho an mande pharo, oun kova hoy dikom, kras mange bari daar.

Jesaja 15:5

Miro dji rovell pral o them Moab; lengre menshe nashenn penge yaake dour har o foro Soar, yaake dour har Eglat-Shelishiya. Hi save, kay djan pre ap o drom an Louhit o ropah. Vavar djan ap o drom an Horonayim, oun denn bari gole i doukatar.

Debleskri gili 116:7

Me penau ap miro dji: “Ma dare bouder! O baro Devel his lačo ap toute.”

Remarja 10:1

Mire phrala, miro tselo djiyeha kamoms, te venn i bibolde dran o Debleskri rholi vin. Oun kova mangau o Deblestar zoreles.

Amos 3:6

Phourdell yek an i kourepaskri trompeta an o foro, oun i menshe lenn kek daar? Na-a! Vell i bibarht pral o foro, hoy o baro Devel bičras gar? Na-a!

Daniel 7:28

Kava hi, hoy me dikom. Mange, o Danieleske, kras kava bari daar. Oun me vom parno an o mouy i trashatar, oun rakrom kekeha pral kava koova.

Ropaskre gilja 2:11

Mire yaka hi pherde sva, i douk an mande rhačella. Miro dji phagell, te dikau koy bibarht, hoy pral i menshende an miro them vas. Kol terne čave oun ternepen merenn i bokatar ap i dromma an o foro.

Ropaskre gilja 1:16

Doleske rovau, oun mire yaka hi pherde sva. Man hi kek, kay penell mange lače laba, te lell miro dji pale nevi zoor. Mire čave hi kokres koy tardo, Kolla, kay dan men khetne, van i zorleder.

Jeremia 23:9

Kova penas o Yeremia ap kol rakepangre, kay hounte rakrans o Debleskre laba, oun krenn kova gar: Miro dji kamell te phagell an mande. Mire tsele kokale trissenn. O baro Devel rakras mantsa. Oun leskre laba, hoy lo penas, kran, te nay rikrau man bouder gar ap i herya. Me vom har mato har yek kay hi mato i molyatar.

Jeremia 20:9

Ava, te penau mange, me kamau o Debles te bistrell, oun rakrau bouder gar an leskro lab, palle rhačell leskro lab an mande har i yag. Me lau miri tseli zoor khetne, te rikrap kova vin. Oun kova djal gar.

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

Jeremia 4:21

Har rah hounte dikap me kol kourepangro sikepen, oun shounap koy phourdepangri gole?

Jeremia 4:5

Denn zoreles gole an Youda, kharenn vin an Yerusalem, oun penenn: Phourdenn koy phourdepaskri an o tselo them! Denn vin gole, te venn le an i zorele forya khetne!

Debleskri gili 146:1

Halleluya! Miro dji sharell o baro Debles.

Debleskri gili 119:136

Rovau boud sva pral kolende, kay moukenn tiro drom.

Debleskri gili 119:53

I rholi taprell man, te dikau, har i čilače moukan tiro drom.

Debleskri gili 103:1

O Davidestar. Miro tselo djiyestar sharau o baro Debles. Lauter, hoy an mande hi, sharell leskro Debleskro lab!

Debleskri gili 16:2

Me penom ap o baro Debleste: Tou hal miro ray. Hako lačo koova, hoy man hi, vell toutar.

Čačepangre 5:21

Oun ko phouro tikno pani, ko pani Kishon, tserdas leskre lourden krik. Doureder, doureder! Te vas zoreles an o kourepen!

4. Mose 10:9

Te perenn vavar menshe an t'maro them dren oun kamenn ray pral t'mende te vell, oun t'mer djan an o kourepen, te kourenn t'men lentsa, palle hounte phourdenn zoreles an i phourdepangre, te venn t'mer t'maro baro Debleske an o shero. Oun yob lell t'men vin dran lengre vasta.

1. Mose 49:6

Kamau gar te vap yek lendar, har krenn le čilačo koova vin. Kamau gar te vap pash lende, kay yon khetne venna. I rholyatar dan le morshen moulo oun dan gourma bango čičeske.

1. Korintarja 14:8

Te djan i lourde an o kourepen, palle phourdell yek ap i bashepaskri. Oun yob te phourdella yaake djoungeles, te hayvell les kek, palle djal kek an o kourepen.

Jeremia 6:24

Mer shounam lendar, oun mare moussya peran menge tele. Oun i bari traash vas ap mende. Men hi bare douka har i djouvel, kay i ternepen lella.

Jeremia 8:21

Mire menshe phagan khetne. Doleske rovell miro dji. Mange hi, har te merap, oun djinau gar, hoy te krap.

Jeremia 42:14

An o them Egiptia kamah te djal, te dikas kek kourepen, oun te shounas kek kourepaskri phourdepaskri, oun te vell men doha maro rhapaske. Ava, kote kamah te ačell.”

Jeremia 49:2

Doleske penell o baro Devel: Ko tsiro vell, kay moukau i kourepaskri gole te shounell: Lourde venna pral o foro Rabba, ko baro foro foun i Ammonarya. O forestar Rabba ačell či pral har barra. Oun kol vavar forya koy trouyel venn pre rhačedo. O Israel vell o ray pral kolende, kay lan penge leskro them. Kova penell o baro Devel.

Jeremia 50:22

Shounenn i kourepaskri gole an o them Babilonia, oun o baro ropen.

Daniel 4:19

kova hal tou, miro baro ray. Tou hal yaake baro oun zorelo. Oun tiri zoor hi baro oun djal bis pash o bolepen, oun tou val o ray pral i tseli phoub.

2. Rajengro liil 4:19

oun penas ap peskro dadeste: “Miro shero, miro shero!” Leskro dad penas ap peskro boudepaskro: “An les pash leskri date!”

2. Rajengro liil 8:11

Oun o Debleskro morsh dikas bare yakentsa i rah tsiro ap leste, bis te ladjas lo pes. Palle rovas o Debleskro morsh.

Jesaja 21:4

Me hom nasselo an o shero, i daar moukell man te trissell. Dikom ap i rati, te djal mange feteder. Har i rati vas, djas mange gomme djoungleder.

Jeremia 8:18

Miro dji phagell. Man hi ropaske. Hoy nay krell man pale zorelo?

Ropaskre gilja 1:20

Ah, baro Devel, dik, har boud traash man hi, har i douk an mande rhačella! Miro dji rissrell pes an mande! Hoske shounom gar ap toute? Glan o kheer tapras o rharo mire čaven, oun an o kheer meran le dran i djoungelo nasslepen.