Jeremia 39:4 - O Debleskro Lab 2024 (Sinte-Manouche)

⁴ Har o Sedekya, ko ray pral o them Youda, oun leskre lourde kova dikan, nashan le penge rati dran o foro vin, ap ko drom, hoy djal an o rayeskri baar. Kote his i voudar mashkral kol douy massurya. Dran ko voudar nashan le penge ap koy rig, kay o telstouno them o panyestar Yordan hi.

O Debleskro Drom 2021 (Sinte)

⁴ Har o Zedekja, ko rai pral o them Juda, un leskre lurde kowa dikan, nashan le penge rati dran o foro win, ap ko drom, hoi djal an o rajeskri baar. Kote his i wudar mashkral kol dui massurja. Dran ko wudar nashan le penge ap koi rig, kai o telstuno them o panjestar Jordan hi.

Jeremia 39:4 Referans Kwoze

Amos 2:14

Ninna kolla, kay nashenn nay sik, nay nashenn gar penge. Zorele morsha nashrenn pengri zoor. Oun kourepangre ačenn gar djido.

2. Familjakro liil 32:5

Oun o Hiskiya rikras pes mishto oun moukas kol massurya troul o foro, kote kay le tele phagedo his, neves te krell. Oun kol turme kras lo bareder, oun moukas vin i douyti massouri pre te čivell. Ninna moukas lo o Millo zorleder te krell an o Davideskro foro, oun moukas boud vitsepaskre čourya oun shilte te krell.

Ezekiel 12:12

Oun o ray pral lende lell peskro koova ap i phik oun djal vin an o tamlepen. Oun yon phagenn barra vin dran i massouri, te hidjrell lo peskro koova kote vin. Troul peskre yaka pandell lo i diklo, te dikell lo gar o them.

5. Mose 28:25

O baro Devel krell, te venn kolla zorleder har t'mer, kay kourenn pen t'mentsa. Ap yek drom djan t'mer ap lende pre, oun ap hake rigya hounte nashenn t'menge lendar. Oun i menshenge an hake themma ap i phoub ačell o rakepen krik i trashatar, te dikenn le, har t'menge djala.

3. Mose 26:36

Kolla, kay t'mendar pral ačenn an kol vavar themma, kay le pandle hi, kolen krau yaake dareno, te vell len daar glan i patri, hoy krik phourdedo vell. Lestar nashenn le, har te lals yek len o rhareha palla. Oun yon perenn, oun yek perell pral o vavareste, ninna te hi kek koy, kay len palla las. Oun t'men hi kek zoor, te kourenn t'men kolentsa, kay ap t'mende djan.

3. Mose 26:17

Me dikau bouder gar lačes ap t'mende, oun t'mer venn dino kolendar, kay kourenn pen t'mentsa. Kolla, kay kamenn t'maro merepen, venn ray pral t'mende. T'mer han ap o naashepen, ninna te lell t'men kek palla.

Jesaja 22:11

Oun mashkral kol douy massourya kran t'mer i panyeskro kheer o panyeske dran o Phouro Pani. Ap o Debleste, kay kova lauter kras, dikan t'mer gar, oun ap koleste, koles kova glan i rah tsiro an peskro dji his, rikran t'men gar.

Jeremia 32:4

oun o Sedekya nay nashell gar peske glan i lourdende dran o them Babilonia. Me kamau les an o vast o baro rayestar dran o them Babilonia te dell, te nay rakrell lo leha mouy ap mouy, oun te dikell lo les peskre yakentsa.

Ezekiel 12:4

Ap o dives hidje ko koova hoy touha leh vin dran o kheer, te hounte dikenn le les. Oun rati dja vin glan lengre yaka, yaake har yek vin djal, kay djal an o pandepen.

Jesaja 22:3

T'mare pralstoune lourde nashan khetne penge. Kek faylo vas karye dino, har van le tapedo. Lauter van tapedo oun pandlo fothe dour yon ninna nashan.

Jesaja 29:2

Me anau yaake boud traash ap o foro Ariel, te denn t'mer bari gole, oun denn i vasta khetne pral o shero. Oun palle vell o foro i čačo rhačepaskro bob mange.

Jeremia 32:5

Oun o baro ray dran Babilonia moukell o Sedekyes an o them Babilonia te anell; kote ačell lo ninna, bis te dau me les peskri phagi, penell o baro Devel. Ninna te kourenn t'men i lourdentsa dran o them Babilonia, djal t'menge kova gar mishto vin.