Jeremia 37:8 - O Debleskro Lab 2024 (Sinte-Manouche)

⁸ Oun i Babilonarya venn kate pale oun rikrenn kava foro an pengro vast, oun lenn kava foro penge dren, oun rhačrenn kava fores tele.

O Debleskro Drom 2021 (Sinte)

⁸ Un i Babilonarja wenn kate pale un rikrenn kau foro an pengro wast, un lenn kau foro penge dren, un chatchrenn kau fores tele.

Jeremia 37:8 Referans Kwoze

Jeremia 38:23

Tire tsele romya oun tire tsele čave venn pash i Babilonarya vin anlo. Oun tou ninna nay nasheh gar lendar krik. Yon taprenn tout, oun denn tout an i vasta o baro rayestar dran Babilonia. Oun kava foro vell tele rhačedo.

Jeremia 32:29

Oun kol lourde dran o them Babilonia, kay troul kava foro tardo hi, venna dren, oun rhačrenn kava foro tele kol tsele kherentsa, kay vas ap i dache soungepaskro koova rhačedo o rhorheno debleske Baal, oun mool vin čoredo kol vavar rhorhene deblenge. Doleske vas i rholi an mande.

Jeremia 21:4

Kova penell o baro Devel, ko Devel pral Israel: Me tradau t'mare lourden pale pengre rharentsa, hoy an lengre vasta hi, oun kolentsa kourenn le pen o baro rayeha dran o them Babilonia oun leskre lourdentsa, kol Kaldearya, kay hi vin tardo glan t'maro foreskri massouri. Me moukau len mashkral an o foro dren.

Jeremia 34:2

Koy penas o baro Devel, kay o Israeleskro Devel hi, ap o Yeremia: Dja pash o Sedekya, ko rayeste pral o them Youda, oun pen leske: Kova penell o baro Devel: Me dau kava foro an o vast o baro rayestar dran o them Babilonia, oun yob rhačrell les tele.

Jeremia 37:10

Te nay marans t'mer ninna i tsele lourden dran o them Babilonia khetne, kolla kay kourenn pen t'mentsa, oun te ačans lendar kokres i vast pherdo pral, kay doukedo hi, palle stakrans le dran pengre plarhtene khera pre, oun rhačrans kava fores tele.

Jeremia 38:18

Te djah tou gar vin pash o pralstunende o baro rayestar dran o them Babilonia, palle dau kava foro an lengro vast. Oun yon rhačrenn kava fores pre. Oun tou nay nasheh vitar gar lendar krik.

Jeremia 38:3

O baro Devel penell: Kava foro vell an o vast kol lourdendar oun lengro rayestar dino, kay venn dran o them Babilonia. Kolla lenn kava fores dren.