Jeremia 34:8 - O Debleskro Lab 2024 (Sinte-Manouche)

⁸ Kava hi ko lab, hoy o baro Devel ap o Yeremia penas, pal ko tsiro, kay o baro ray Sedekya i menshentsa an o foro Yerusalem vin kras, te moukenn le i tsele ginle boudepangre vin,

O Debleskro Drom 2021 (Sinte)

⁸ Kawa hi ko lab, hoi o baro Dewel ap o Jeremia penas, pal ko tsiro, kai o baro rai Zedekja i menshentsa an o foro Jerusalem win kras, te mukenn le i tsele ginle budepangre win,

Jeremia 34:8 Referans Kwoze

3. Mose 25:10

O 50. (paash-sheelto) bersh hi o baro Debleske. An kava bersh denn vin gole, te vell hakeneske, kay an ko them djivell, peskri siyaan mouklo. Oun te his leskri siyaan yaake baro, te bikras pes lo ap i vavareske, hounte moukell kova les pale te djal. Hakeno t'mendar lell kova pale, hoy leskro his, oun nay djal khere pash peskre menshende.

Jeremia 34:17

Doleske penell o baro Devel: T'mer shounan gar ap mande oun moukan t'mare phralen oun phenyen gar vin te djal, kay ninna Israelitarya hi har t'mer, doleske moukau me, o baro Devel t'men te djal, te venn maredo o rhareha, merenn ap o djoungelo nasslepen oun i bokatar. Te dikenn i menshe an tsele themma ap i phoub, hoy t'mentsa djal, denn le i vasta pral o shero khetne.

2. Rajengro liil 11:17

Oun o Yoyada moukas o baro rayes oun i menshen dran Youda i sovel te dell o baro Debleske, te djivenn le yaake, har o baro Devel peskre menshendar kamella. Ninna moukas lo len i sovel te dell, te rikrenn le hako tsiro pash pengro baro rayes, oun yob pash lende.

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

2. Familjakro liil 29:10

Kanna hi man an o shero, te pandap man ap o baro Debleste, ko Devel pral o Israel, te djal peske leskri rholi mendar, hoy yaake zorelo ap mende čiddo hi.

2. Familjakro liil 23:16

Oun o Yoyada moukas o baro rayes oun i menshen dran Youda i sovel te dell o baro Debleske, te djivenn le yaake, har o baro Devel peskre menshendar kamella.

5. Mose 15:12

Te bikras pes i vavar Israelitari ap toute, – morsh oder djouvel – palle boudrell lo touke shob bersha, oun an o eftato bersh moukess les te djal.

Jesaja 58:6

Kanna penau touke, hoy i dives hi, hoy glan mire yaka mishto hi: I dives, kay kreh tou kol shelle pre kolendar, kay pandlo van, oun kay kek čilačepen kran. Mouk kolen te djan, ap kolende pharo koova čival! Le ko koova krik, koleha len tele rikral! Oun phage kol shelle, hoy troul lengre menya pandlo hi.