Jeremia 33:6 - O Debleskro Lab 2024 (Sinte-Manouche)

⁶ Kanna shoun, me kamau kava foro pale zoreles te krell, oun leskro doukepen sasto te krell, te djal leskre menshenge mishto, oun te nay djivenn le kek daryah.

O Debleskro Drom 2021 (Sinte)

⁶ Kanna shun, me kamau kau foro pale soreles te krell, un leskro dukepen sasto te krell, te djal leskre menshenge mishto, un te nai djiwenn le kek darjah.

Jeremia 33:6 Referans Kwoze

Johanni 10:10

Ko čorepaskro vella, te čorell lo kol bakren, te marell lo len, oun te rhal lo len. Me vom, te dap len o djipen, boudeder har doha.

Jesaja 30:26

An ko tsiro, kay pandell o baro Devel i pandepen troul o doukepen peskre menshendar, hoy yob len das, oun krell lengro nasselo oun ratlo mass pale sasto, hi o čon yaake zorelo har o kham. Oun o kham hi efta kope zorleder har kanna.

Debleskri gili 67:2

Devel, kre tiro dji menge pre, oun čip tiri barht ap mende! Dik tou lačes ap mende!

Jesaja 58:8

Palle vell tiro čačepen glan har o kham taysarlakro. Oun tiro doukepen vell sik sasto. Oun hakeno dikell ko lačo oun čačo koova, hoy kral. Oun o baro Devel djal pal toute peskri zoryah oun dell yak ap toute.

Hosea 6:1

Avenn, te djas pale pash o baro Debleste! Yob doukas men, oun yob krell men pale sasto. Yob das men dava, oun yob pandell men pale khetne.

Jesaja 66:12

Kava penell o baro Devel ap o foro Yerusalem: Dik, me moukau boud lačepen pral toute te vell har i lengsto pani. Oun o bravlepen dran vavar themma nashell an toute har i divyo pani. Me dau garda ap toute har i day ap peskro ternepen, hoy hidjrell li ap i vasta, oun čivell les ap peskre herya oun khelell leha.

1. Petro 1:3

Mer sharah o Debles, ko dades maro rayestar, o Yezous Kristestar. O Devel kamas men yaake boud, te vas yob maro dad oun das men o nevo djipen. Oun an mare djia djinah zoreles, yaake har yob o Yezous Kristes i moulendar djido kras,

Jesaja 54:13

O baro Devel sikrell peskro drom tire tsele čavende, oun lenge djal mishto.

Hosea 7:1

Hako kopo, kay kamau mire menshenge lauter pale mishto te krell, palle sikrell pes, havi doosh o Efrayim ap peste anas, oun har baro o čilačepen kol menshendar an o foro Samaria hi. Yon hi rhorhepangre. Čorepangre phagenn an i khera dren. Oun randepangre čorenn i menshen vin ap o drom.

Jeremia 17:14

Kre man sasto, baro Devel, Te kreh man sasto, palle hom sasto. Le man vin dran i bibarht! Palle nay krell man kek či. Tou hal kova, kones sharau.

Micha 4:3

Yob krell o čingepen vin mank bare natsyone, oun rakrell o čačepen vin pral boudende an dour themma. Yon krenn dran lengre rhare harhetikre koola, kolentsa vitsrenn le i phoub trouyel. Oun dran lengre vitsepangre čourya krenn le čourya, kolentsa yon i drake tele činenn. An ko tsiro hi kek them o vavareha an o kourepen. Kek hounte sikrell len bouder, har te kourenn le pen i rhareha.

Jesaja 55:7

Koon kamas či o Deblestar te djinell, kova te djal kanna peskro čilačo dromestar tele! Oun kova, kay čilačo koova an peskro shero hi, yob te moukell savo koova, oun vell pale pash maro baro Debleste, yaake te krell yob peskro dji leske pre, oun lell leskri doosh krik.

Jesaja 2:4

Oun yob vell o čačepaskro ray, kay krell o čačepen vin mashkral i menshende dran i vavar themma, oun penell lenge, te moukenn le pengro čingepen. Oun kolla lenn palle pengre rhare oun vitsepaskre čourya, oun krenn lendar harhetikre koola, kolentsa boudrenn le nay an i phoub oun činenn i drakengre kashta tele. Oun palle kourenn pen i menshe dran yek them bouder gar i menshentsa dran i vavar them. Oun kek sikrell i vavaren bouder, har te marenn le pen.

Debleskri gili 37:11

I čorvele lenn ko them. Kote hi len boudeder barht har doha.

5. Mose 32:39

Dikenn kanna dren, te hom me kokres o Devel, dell kek vavar Devel har man! Me marau oun me krau djido, me doukrau oun me krau sasto, oun dell kek, kay yekes dran miro vast nay vin lell.

Efesarja 6:23

Mire phrala, o Debleskri barht vell t'mentsa, ninna kamlepen oun patsepen! Kova dell t'men o Devel, maro dad, oun o Yezous Kristo, maro ray.

Debleskri gili 72:7

Palle djal mishto kolenge, kay an o čačepen tardo hi. Oun i menshe djivenn lačes khetne, bis te o čon bouder gar koy hi.

2. Mose 34:6

Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.

Jesaja 39:8

Kote penas o Hiskiya ap o Yesaya: “Ko lab o baro Deblestar hi mishto, hoy tou rakral.” O Hiskiya penas peske: “Mange hi mishto, te hi kek kourepen oun marepen an mire divessa.”

Jeremia 3:22

Avenn pale pale, t'mer kay djan t'menge mandar! Oun me kamau lauter bistrell, hoy kran. Dik, mer vah pash toute. Tou hal o baro Devel, maro ray.

Debleskri gili 147:3

Kolen, kay lengro dji phagedo hi, krell lo pale sasto, oun kolenge, kay doukedo hi, čivell lo i pandepen pre.

Sikepaskro 3:3

Dell yek tsiro, kay vell maredo, oun yek tsiro, kay vell o doukepen sasto; yek tsiro, kay vell o kheer tele phagedo, oun yek tsiro, kay vell o kheer pre-čiddo.

Jesaja 57:18

Lengre dromma dikom me, oun doleske krau yaake: Me krau len sasto, sikrau len o drom, oun rakrau lačes lentsa. Oun kolenge, kay rovenn,

Jesaja 57:19

čivau i gili an lengro mouy, kolah sharenn le man. Kolenge, kay dour krik hi, ninna kolenge kay gar dour hi, lenge halauterenge mou djal mishto, penell o baro Devel. Me krau len sasto.

Jeremia 29:11

Djinau mishto, hoy man t'menge an o shero hi: lačo koova oun gar čilačo koova, te djal t'menge yaake har t'mer kamenna.

Micha 7:20

Tou rikreh tiro lab, oun moukeh o Yakobeskre čaven gar. Kolenge, kay venn pal o Abrahameste, hal tou lačo, yaake har penal kova mare phourenge an o phouro tsiro, oun dal tout sovel koy pre.