Biblia Todo Logo
Bib sou entènèt

- Piblisite -




Jeremia 32:38 - O Debleskro Lab 2024 (Sinte-Manouche)

38 Yon hi mire menshe, oun me hom lengro Devel.

Gade chapit la Kopi

O Debleskro Drom 2021 (Sinte)

38 Jon hi mire menshe, un me hom lengro Dewel.

Gade chapit la Kopi




Jeremia 32:38
20 Referans Kwoze  

Me dau len djia, kay prindjrenn man, te djinenn le, me hom o baro Devel. Yon te venn mire menshe, oun me hom lengro Devel; pengro tselo djiyestar venn le pale pash mande.


Kova, kay zoreles an o patsepen ačas, oun gar pre das, kova lell kava shoukar koova mandar. Me vau leskro Devel. Oun yob vell miro čavo.


Ap ko tsiro, hoy vella, penell o Devel, rakrau pale lentsa, oun anau len ap o nevo drom. Me čivau miro čačepen an lengre shere, oun činau mire laba an lengre djia. Oun me hom lengro Devel, oun yon hi mire menshe.


Oun me djivau mank lende. Oun me hom lengro Devel, oun yon hi mire menshe.


Barhteles hi kol menshe, kolenge yaake djala! Ava, barhteles hi kol menshe, kolengro Devel o baro Devel hi!


Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”


Oun t'mer djivenn an kava them, hoy dom t'mare phourende, oun han mire menshe, oun me hom t'maro Devel.


O baro Devel penell: An ko emligo tsiro hom me o Devel o tselo Israeleskre familyenge, oun yon hi mire menshe.


T'mer han mire menshe, oun me hom t'maro Devel.


Oun an ko tsiro dikenn oun hayvenn i Israelitarya, te hom me o baro Devel, lengro Devel, oun bistrenn kova bouder gar.


Ko nevo koova, hoy palle i menshentsa Israel vin krau, hi vavarčandes. Me dau len mire laba an lengre djia oun an lengre sherya. Me vau lengro Devel, oun yon venn mire menshe. Kava penell o baro Devel.


Kova, hoy me touha vin krau, ačell hako tsiro mange oun touke, tire čavenge, kolengre čavenge oun lauterenge, kay pal toute venna. Me hom tiro Devel oun ko Devel tire čavendar, kay pal toute venna.


Kova kran le gar. Na-a. Lengro dji das gole pal i lačeder them. Kova hi an o bolepen. Doleske ladjell o Devel lenge gar, te penenn le: “Maro Devel!” ap leste. Oun yob kras lenge i foro.


Palle dikenn oun hayvenn i Israelitarya, te hom me, o baro Devel, lengro Devel, kova kay anas len an o pandepen an vavar themma, oun moukell len palpale te vell an lengro them. Kek lendar ačell kote pale.


An ko deshto kotar tiro djobestar, tiri molyatar oun tiro djetestar glan tiro baro Debleste ap koy platsa, hoy yob peske vin rodella, te vell lo kote an-mangedo. An leske ninna kol groumya, bakre oun bouzya, kay hi o phoureder lengre dayendar. Rha kote ko rhapen oun ko mass kal firhendar. Yaake bistreh gar, te djivess tiro baro Debleha tiro tselo djipen.


Yon boudrenn gar čičeske, oun lengre čave venn gar boldo, te merenn le sik. Yon hi menshe, ap kolende o baro Debleskri barht čiddo hi, – ap lende, ninna ap lengre čavende.


Ninna te rikral tiro lab gar, bistrau me kova gar, hoy touha vin krom, har hals terno. Oun me krau touha pale neves vin, te vap tiro Devel. Oun kova, hoy touha neves vin krau, ačell hako tsireske.


Tou rodal touke kol menshen Israel vin, te venn yon tire menshe hako tsiro, oun tou, baro Devel, val lengro Devel.


Swiv nou:

Piblisite


Piblisite