Biblia Todo Logo
Bib sou entènèt

- Piblisite -




Jeremia 32:17 - O Debleskro Lab 2024 (Sinte-Manouche)

17 Baro Devel, miro ray, tou kral o bolepen oun i phoub dran tiri bari zoor oun tiro zorelo vasteha. Oun či hi koy, hoy nay kreh gar.

Gade chapit la Kopi

O Debleskro Drom 2021 (Sinte)

17 Baro Dewel, miro rai, tu kral o bolepen un i phub dran tiri bari soor un tiro sorelo wasteha. Un tchi hi koi, hoi nai kreh gar.

Gade chapit la Kopi




Jeremia 32:17
49 Referans Kwoze  

O Devel nay krell halauter.”


Dik, me, o baro Devel, hom o Devel pral i tsele menshende. Dell čomone ap i phoub, hoy nay krau gar?


Dell či, hoy o baro Devel gar hayvella. Vavar bersh an kava tsiro, vau me pale pash toute. Koy hi lat i čavo.”


Me hayvom kanna, te nay kreh tou halauter. Oun halauter, hoy kameh te krell, kova kreh tou ninna.


Oun o Yezous dikas ap lende, oun penas: “Hoy i menshe nay gar krenna, nay krell o Devel halauter.”


An shob divessa kras o baro Devel o bolepen oun i phoub, o pani oun halauter, hoy koy dren hi. Oun o eftato dives kras lo či. Doleske penas lo: Kava dives hi i baro dives mange. Kava dives hi miro.


Miri bari zoryah krom kay phoub oun i menshen oun firhen, kay ap i phoub hi. Oun me dau len, koneste kamau.


Penas lo: “Kova hoy i menshe nay krenn gar, kova nay krell o Devel.”


oun mangas o baro Debles oun penas: “Baro Devel, kay hal o Israeleskro Devel, tou hal pral i bolepangre beshdo. Tou kokres hal o Devel pral i tsele themma ap kay phoub. Tou hal, kay kral o bolepen oun i phoub.


Me hom kova, kay kras i phoub, oun ko menshes, kay ap late hi, ninna. Mire vastentsa krom o bolepen bourhles, oun kol tsele momlia ap leste penom me, kay le venn.


“Tou, o Devel, maro ray, tou hal moldo, te less o raylepen, oun o sharepen, oun i zoor. Tou kral o bolepen oun i phoub. Yaake, har tou kamal, yaake kral tou kova, oun vas kova.”


Me penom: Mo Devel, le man gar krik ap o paash drom miro djipastar! Tiro djipen herell gar pre, an kek tsiro.


Yob, o baro Devel, kras i phoub peskri zoryah, oun kras lat zoreles an peskro gosvepen, oun kras o bolepen koy pral.


Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.


O baro Devel hi maro ray, kova, kay o bolepen kras, oun har i plarhta bourhles kras. Ninna i phoub kras lo, oun lauter hoy li vin anell. Oun i menshen ap late dell lo o dourho, oun djipen kolende, kay ap late djivenn. Yob penell:


Yob čakrella pre oun sikrell, hoy khatedo hi, oun djinell, hoy an o tamlepen hi; pash leste hi kek tamlepen.


Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.


Oun me penom: Baro Devel, miro ray, me hom gar mishto doha te penap tiro lab. Me hom gar phouro doha.


Koy penom me: Baro Devel, miro ray, tire rakepangre penan lenge: Kek kourepen oun kek bok vell pash t'mende. O baro Devel krell, te vell kek kourepen pash t'mende an kek tsiro.


Ko Devel kras o bolepen oun i phoub, oun lauter, hoy koy pre hi. Yob hi o ray pral o bolepen oun i phoub. Yob djivell gar an i Debleskre khera, kay i menshe pengre vastentsa kran.


O Devel krell kova kanna, hoy yob glan i rah tsiro penas.”


“Morshale, hoy krenn t'mer kote? Mer ham menshe har t'mer, oun penah t'menge o lačo lab o djido Deblestar. Yob kamell, te venn t'mer ap leskro drom, oun mangenn bouder gar kol rhorhene deblen dran kasht oun bar an. Yob hi ko Devel, kay kras o bolepen oun i phoub, oun o baro pani, oun lauter, hoy djivella.


Kava hi o lab, hoy penas o baro Devel pral o Israel: Kova penell o baro Devel, kay kras o bolepen bourhlo oun čivas i phoub zoreles tardo, oun das o menshes o dourho.


Kava penell o baro Devel, kova, kay ginas tout vin dran i bibarht, oun kova, kay tout kras har gomme gar boldo hals: Me, o baro Devel hom kova, kay lauter kras, Me kokres krom o bolepen bourhlo pral i phoub, Oun har me i phoub zoreles pre čivom, his kek kote pash mande.


Oun har rakrom kal laba vin, hoy o Devel man das, meras o Pelatya, koleskro dad o Benaya his. Oun me moukom man ap i phoub te perell, oun dom bari gole: Baro Devel, miro ray! Kameh tou halauteren moulo te dell, kay i Israelendar pral ačan?


Oun har le kova kran, ačom me kokres ap i platsa glan o Debleskro kheer pale. Oun moukom man ap i phoub te perell, oun dom pre gole oun penom: Baro Devel, miro ray! Hal tou yaake rhoyedo pral Yerusalem, te moukess halauteren moulo te dell, kay i Israelendar pral ačan?


Koy penom me: Baro Devel, miro ray, tou rhorhral kol menshen an Yerusalem an, har tou penal, kay kek kourepen mashkral lende vell. O rharo hi koy oun kamell len moulo te dell.


Koy dikas o Yezous ap lende oun penas: “Kova, hoy nashte krenn i menshe gar, kova nay krell o Devel. O Devel nay krell halauter.”


Kova hi kek baro koova o baro Debleske. Yob dell ninna kol Moabarya an t'mare vasta.


Peskro zorelo vasteha kras lo kova. Leskro lačepen ačella hako tsireske!


Dik, o baro Debleskri moussi hi lengsto doha, te nay lell lo t'men dran o čilačepen vin! Oun leskre kanda hi gar pandlo, te nay shounell lo gar.


“O Neboukadnezar, ko baro ray pral Babilonia vas, te kourell lo pes mentsa, oun hi peskre lourdentsa troul o foro Yerusalem tardo. Mange menge o baro Deblestar! Te kamell yob, nay vell lo menge peskri bari zoryah ap i rig, har yob kova boudeder kope kras, yaake te hounte tserdell pes o Neboukadnezar pale.”


Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.


Sik taysarlakro, har o kham gar pre djas, stas o baro ray pre, oun djas sik pash i grouba, kay i leve hi.


O baro Devel, ko ray pral o bolepen oun i phoub, penell: “Ninna te patsenn kolla i Israelendar, kay palle pral ačan: Kova nay vell gar, krau me, te vell kova yaake. Kova penell o baro Devel, ko ray pral o bolepen oun i phoub.”


O baro Devel penas ap o Moseste: “Hi miro vast gar zorelo doha, te krap, hoy penom? Tou dikess kanna: Vell kova yaake, har me touke penom? Vell kova yaake gar?”


Swiv nou:

Piblisite


Piblisite